نوکری کی لالچ میں بیرون ملک پھنسے 270 ہندوستانیوں کی جمعرات (6 نومبر) کو وطن واپسی ہو گئی۔ یہ لوگ میانمار سے تھائی لینڈ میں داخل ہونے کی کوشش میں پکڑے گئے تھے۔ ان ہندوستانیوں کو جبراً سائبر فراڈ کرنے پر مجبور کیا جاتا تھا۔ 270 ہندوستانی شہریوں میں 26 خواتین بھی شامل تھیں۔ بینکاک میں ہندوستانی سفارت خانہ اورمیانمار میں ہندوستانی قونصل خانہ نے شاہی تھائی حکومت کی الگ الگ ایجنسیوں کے ساتھ مل کر ان کی واپسی میں مدد کی ہے۔Embassy of India, Bangkok and Consulate of India in Chiang Mai in close coordination with various agencies of the Royal Thai Government have facilitated repatriation of 270 Indian nationals, including 26 women, from Mae Sot, Thailand to India by two special flights operated by… pic.twitter.com/aRPJPf9Gu7— India in Thailand (@IndiainThailand) November 6, 2025ہندوستانی فضائیہ کے 2 خصوصی طیاروں سے ان کی وطن واپسی ہوئی ہے۔ یہ تمام ہندوستانی شہری حال ہی میں میانمار کے میواڈی سے تھائی لینڈ پہنچے تھے، جہاں وہ مبینہ طور پر سائبر کرائم مراکز میں کام کر رہے تھے۔ تھائی افسران نے انہیں تھائی امیگریشن قوانین کی خلاف ورزی کے الزام میں حراست میں لیا تھا، جب وہ غیرقانونی طور پر ملک میں داخل ہو رہے تھے۔تھائی لینڈ اور میانمار میں موجود ہندوستانی سفارت خانے ان ہندوستانیوں کی وطن واپسی کو یقینی بنانے کے لیے دونوں ممالک کی حکومتوں کے ساتھ مل کر کام کر رہے ہیں، جو مبینہ طور پر دھوکہ دہی کی سرگرمیوں میں شامل تھے اور اب بھی میانمار میں ہیں۔ دونوں ملکوں (تھائی لینڈ اور میانمار) میں موجود ہندوستانی سفارت خانہ نے ہندوستانی شہریوں کو صلاح دیتے ہوئے کہا ہے کہ ’’کوئی بھی شہری بیرون ملک ملازمت کی پیشکش قبول کرنے سے قبل غیر ملکی آجروں کی اسناد کی تصدیق کر لے اور بھرتی ایجنٹوں و کمپنیوں کے گزشتہ ریکارڈ کی جانچ کر لے۔‘‘ اس کے علاہ ہندوستانی پاسپورٹ رکھنے والوں کے لیے تھائی لینڈ میں ویزا فری داخلہ صرف سیاحت اور قلیل مدتی کاروباری مقاصد کے لیے ہے اور اس کا تھائی لینڈ میں روزگار پانے کے لیے غلط استعمال نہیں کیا جانا چاہیے۔