യുഎസ്-ഇറാൻ തർക്കങ്ങളും പശ്ചിമേഷ്യയെയാകെ പിടിച്ചുലക്കിയ സംഘർഷങ്ങളും ആഗോളതലത്തിൽ ഇന്ധന വിതരണത്തെ ബാധിക്കുമെന്ന ആശങ്ക ശക്തമാവുകയാണ്. ഇതിനിടെ ഇന്ത്യയുടെ ഊർജ സുരക്ഷയിൽ നിർണ്ണായക പങ്കുവഹിക്കാൻ ഒരുങ്ങുകയാണ് അദാനി ഗ്രീൻ എനർജി. ഇവിടെയാണ് സാഗർ അദാനി എന്ന 31കാരൻ ശ്രദ്ധയാകർഷിക്കുന്നത്. ആരാണ് സാഗർ അദാനി?രാജ്യത്തിന്റെ ഇറക്കുമതി ചെയ്ത ഇന്ധനങ്ങളിലുള്ള അമിത ആശ്രിതത്വം കുറയ്ക്കുന്നതിനും ആഭ്യന്തര ഊർജ ഉത്പാദനം വർധിപ്പിക്കുന്നതിനുമുള്ള പദ്ധതികളുടെ കേന്ദ്രബിന്ദുവായി മാറിക്കഴിഞ്ഞിരിക്കുകയാണ് സാഗർ അദാനി. അദാനി ഗ്രീൻ എനർജിയുടെ എക്സിക്യൂട്ടീവ് ഡയറക്ടറായ അദ്ദേഹം ബ്രൗൺ യൂണിവേഴ്സിറ്റിയിൽ നിന്ന് ബിരുദം നേടിയ ശേഷമാണ് അദാനി ഗ്രൂപ്പിന്റെ ഭാഗമാകുന്നത്.അദാനി ഗ്രീൻ എനർജിദക്ഷിണേന്ത്യയിലെ പ്ലാന്റ് നിർമ്മാണ സമയത്ത് ദീർഘകാലം ഗ്രൂപ്പിന്റെ ആദ്യകാല സോളാർ പദ്ധതികളിൽ നേരിട്ട് പങ്കുവഹിച്ചുകൊണ്ടാണ് അദ്ദേഹം തന്റെ കരിയർ ആരംഭിച്ചത്. രാജ്യത്തിന്റെ മാറുന്ന ഊർജ്ജ നയങ്ങളെക്കുറിച്ച് സാഗർ അദാനിക്ക് വ്യക്തമായ കാഴ്ചപ്പാടുണ്ട്. ഊർജ്ജ ലഭ്യതയാണ് പ്രതിരോധശേഷി തീരുമാനിക്കുന്നതെന്നും വൈദ്യുതിയാണ് അഭിലാഷങ്ങളെ യാഥാർത്ഥ്യമാക്കുന്നതെന്നും ദി ഇക്കണോമിസ്റ്റ് റെസിലിയന്റ് ഫ്യൂച്ചേഴ്സ് ഉച്ചകോടിയിൽ സംസാരിക്കവേ അദ്ദേഹം പറയുകയുണ്ടായി.ALSO READ: ട്രംപിന്റെ ‘ഓപ്പറേഷന്‍ എപ്പിക് ഫ്യൂറി’: ഇറാന്‍ യുദ്ധത്തിനെതിരെ അമേരിക്കക്കാര്‍; പുതിയ സര്‍വേ ഫലം പുറത്ത്ഇന്ന്, അദാനി ഗ്രീൻ എനർജിയുടെ പുനരുപയോഗിക്കാവുന്ന പോർട്ട്ഫോളിയോയുടെ മേൽനോട്ടം വഹിക്കുന്നത് സാഗർ അദാനിയാണ്. കൂടാതെ ഗ്രൂപ്പിന്റെ വിശാലമായ ഊർജ്ജ പ്ലാറ്റ്ഫോമായി മാറുന്ന ട്രാൻസ്മിഷൻ, താപവൈദ്യുത ബിസിനസുകളുടെ ഭാഗമായും പ്രവർത്തിക്കുന്നു. അതേസമയം അദാനി ഗ്രീൻ എനർജി ഏകദേശം 20 ജിഗാവാട്ട് പുനരുപയോഗിക്കാൻ ശേഷിയുള്ളതാണ്. 2030 ആകുമ്പോഴേക്കും ഇത് 50 ജിഗാവാട്ടായി ഉയർത്താനാണ് കമ്പനി പദ്ധതിയിടുന്നത്.ഗുജറാത്തിലെ ഖവ്ദയിലാണ് 30 ജിഗാവാട്ട് ശേഷിയുള്ള, ലോകത്തിലെ തന്നെ ഏറ്റവും വലിയ പുനരുപയോഗ ഊർജ്ജ പദ്ധതി അദാനി ഗ്രൂപ്പ് വികസിപ്പിക്കുന്നത്. ഇന്ത്യയിലുടനീളമുള്ള ഊർജ്ജ പരിവർത്തന പദ്ധതികൾക്കായി അദാനി ഗ്രൂപ്പ് 100 ബില്യൺ ഡോളർ നിക്ഷേപമാണ് പ്രഖ്യാപിച്ചത്. ഇതിൽ പുനരുപയോഗ ഊർജ്ജം, ഗ്രിഡുകൾ, ആധുനിക തെർമൽ കപ്പാസിറ്റി എന്നിവയും ഉൾപ്പെടുന്നുണ്ട്.‘പശ്ചിമേഷ്യൻ സംഘർഷങ്ങള്‍ രാജ്യത്തെ ബാധിക്കില്ല’ഒപെക്കിലെ സമീപകാല മാറ്റങ്ങളെയും വിശാലമായ പ്രാദേശിക മാറ്റങ്ങളെയും കുറിച്ച്, ഇക്കണോമിസ്റ്റ് ഉച്ചകോടിയിൽ, ആഗോള ചർച്ചകളിൽ അപൂർവ്വമായി കേൾക്കുന്ന ഒരു കാഴ്ചപ്പാട് സാഗർ അദാനി അവതരിപ്പിക്കുകയുണ്ടായി. ഈ നീക്കങ്ങൾ വിപണികളെ തടസ്സപ്പെടുത്തുമോ അതോ യഥാർത്ഥത്തിൽ അവയെ സ്ഥിരപ്പെടുത്തുമോ എന്ന് കാലം തെളിയിക്കുമെന്നും ഇന്ത്യയുടെ കാഴ്ചപ്പാടിൽ, അവ ഒരു ഞെട്ടലിനുപകരം സ്ഥിരത നൽകുന്ന ശക്തിയായി മാറുമെന്നും അദ്ദേഹം വ്യക്തമാക്കി. ALSO READ: 500 രൂപ നൽകിയാൽ ഒരു ദിവസം ജയിലിൽ ചിലവഴിക്കാം; എന്താണ് ഹൈദരാബാദിലെ ഫീൽ ദ ജയിൽ ആശയംപ്രത്യയശാസ്ത്രത്തിൽ ശ്രദ്ധ കേന്ദ്രീകരിക്കാതെ, സിസ്റ്റം സമ്മർദ്ദത്തിലായിരിക്കുമ്പോൾ നിലനിൽക്കുന്ന അടിസ്ഥാന സൗകര്യങ്ങളിൽ കൂടുതൽ ശ്രദ്ധ കേന്ദ്രീകരിക്കുന്ന സമീപനമാണ് സാഗർ അദാനി മുന്നോട്ടുവയ്ക്കുന്നത്. പശ്ചിമേഷ്യയിലെ രാഷ്ട്രീയ മാറ്റങ്ങളെ പ്രതിസന്ധിയായി കാണാതെ മറിച്ച്, ഇന്ത്യയുടെ ഊർജ്ജ പ്രതിരോധശേഷി (Energy Resilience) വർദ്ധിപ്പിക്കാനുള്ള അവസരമായാണ് സാഗർ അദാനി കാണുന്നത്. വിപണിയിലെ ഏറ്റക്കുറച്ചിലുകളെ നേരിടാൻ പ്രാപ്തിയുള്ള അടിസ്ഥാന സൗകര്യങ്ങൾ ഒരുക്കുന്നതിലും അദ്ദേഹം ശ്രദ്ധ കേന്ദ്രീകരിക്കുന്നു.The post ആരാണ് സാഗർ അദാനി? ഇന്ത്യയുടെ ഊർജ്ജ സുരക്ഷയ്ക്കായി അദാനി ഗ്രീൻ എനർജിയുടെ പദ്ധതികള് എന്തൊക്കെ? appeared first on Kairali News | Kairali News Live.