പതിനേഴാം നൂറ്റാണ്ടിൽ നിർമ്മിച്ചതും പശ്ചിമ ഇന്ത്യയിലെ ജയ്പൂർ നഗരത്തിലെ രാജകീയ ശേഖരത്തിന്റെ ഭാഗമായിരുന്നതുമായ ‘സൂപ്പർ കമ്പ്യൂട്ടർ’ ലണ്ടനിൽ വെച്ച് ലേലത്തിൽ റെക്കോർഡ് തുകയ്ക്ക് വിറ്റുപോയി. മനോഹരമായ പിച്ചള ആസ്ട്രോലേബ്, അഥവാ കൈയിൽ പിടിക്കാവുന്ന ഒരു ജ്യോതിശാസ്ത്ര കമ്പ്യൂട്ടറാണ് ലണ്ടനിൽ നടന്ന ഒരു ലേലത്തിൽ 2 മില്യൺ പൗണ്ടിൽ (2.75 മില്യൺ ഡോളർ) കൂടുതൽ വിലയ്ക്ക് വിറ്റത്.ഈ വിൽപ്പന ഒരു റെക്കോർഡ് സൃഷ്ടിച്ചുവെന്ന് ലേലം നടത്തിയ സോത്ത്ബീസിന്റെ പ്രതിനിധി പറഞ്ഞു. ഈ ആഴ്ച ലണ്ടൻ ഗാലറികളിൽ ഈ ‘സൂപ്പർ കമ്പ്യൂട്ടർ’ പ്രദർശിപ്പിച്ചിരുന്നു. ഇതുവരെയുള്ളതിൽ വച്ച് ഏറ്റവും വലുതാണിതെന്ന് സോത്ത്ബീസിലെ ഇസ്ലാമിക് ആൻഡ് ഇന്ത്യൻ ആർട്ട് വിഭാഗം മേധാവി ബെനഡിക്ട് കാർട്ടർ വ്യക്തമാക്കി.‘സൂപ്പർ കമ്പ്യൂട്ടർ’ ചരിത്രംജയ്പൂരിലെ മഹാരാജ സവായ് മാൻ സിംഗ് രണ്ടാമന്റെ രാജകീയ ശേഖരത്തിന്റെ ഭാഗമായി അറിയപ്പെട്ടിരുന്ന ഈ വസ്തു, അദ്ദേഹത്തിന്റെ മരണശേഷം ഭാര്യ മഹാറാണി ഗായത്രി ദേവിക്ക് കൈമാറി. പിന്നീട് അവരുടെ ജീവിതകാലത്ത് ഇത് ഒരു സ്വകാര്യ ശേഖരത്തിലേക്ക് മാറി.ALSO READ: കോഹിനൂര്‍ ഇന്ത്യയ്ക്ക് തിരികെ നല്‍കണമെന്ന് ന്യൂയോര്‍ക്ക് മേയര്‍ആസ്ട്രോലാബുകൾ എന്നത് ഒന്നിലധികം പാളികളുള്ളതും പരസ്പരം ബന്ധിപ്പിച്ചതുമായ ഘടകങ്ങളുള്ള ലോഹ ഡിസ്കുകളാണ്. ഇവ സമയം കണക്കാക്കാനും, നക്ഷത്രങ്ങളെ മാപ്പ് ചെയ്യാനും, മക്കയുടെ ദിശ അറിയാനും, ആകാശത്തിന്റെ ചലനം അറിയാനുമാണ് ഉപയോഗിച്ചിരുന്നത്. “അവ അടിസ്ഥാനപരമായി ഒരു ത്രിമാന പ്രപഞ്ചത്തിന്റെ ദ്വിമാന പ്രൊജക്ഷനാണ്.ആധുനിക സ്മാർട്ട്ഫോണുകളുമായാണ് ഞാൻ അവയെ താരതമ്യം ചെയ്യുന്നത്. കാരണം അവ ഉപയോഗിച്ച് നിങ്ങൾക്ക് നിരവധി കാര്യങ്ങൾ ചെയ്യാൻ കഴിയും” ഓക്സ്ഫോർഡ് സെന്റർ ഫോർ ഹിസ്റ്ററി ഓഫ് സയൻസ്, മെഡിസിൻ ആൻഡ് ടെക്നോളജിയിലെ ഡോ. ഫെഡറിക്ക ഗിഗാന്റെ പറയുന്നു. നിങ്ങൾക്ക് സൂര്യാസ്തമയ സമയം, സൂര്യോദയം, ഒരു കെട്ടിടത്തിന്റെ ഉയരം, ഒരു കിണറിന്റെ ആഴം, ദൂരം എന്നിവ കണക്കാക്കാൻ ഇതുവഴി കഴിയും. ഒരു പഞ്ചാംഗത്തോടൊപ്പം അവ ഒരുകാലത്ത് ജാതകം എഴുതാൻ ഉപയോഗിച്ചിരുന്നതായും അദ്ദേഹം വ്യക്തമാക്കി.ALSO READ: യുദ്ധം പുനരാരംഭിക്കേണ്ടി വരുമെന്ന് ട്രംപ്; യുഎസ് തുറമുഖ ഉപരോധം അസഹനീയമെന്ന് ടെഹ്റാൻബിസി രണ്ടാം നൂറ്റാണ്ടിൽ പുരാതന ഗ്രീസിലാണ് ആസ്ട്രോലാബുകൾ ആദ്യമായി വികസിപ്പിച്ചെടുത്തത്. എട്ടാം നൂറ്റാണ്ടോടെ ഇസ്ലാമിക ലോകത്തേക്ക് ഇത് വ്യാപിച്ചു. തുടർന്നുള്ള നൂറ്റാണ്ടുകളിൽ, ഇറാഖ്, ഇറാൻ, വടക്കേ ആഫ്രിക്ക, അൽ-ആൻഡലസ് (ഇന്നത്തെ സ്പെയിനിൽ) എന്നിവിടങ്ങളിൽ ഉൽപ്പാദന കേന്ദ്രങ്ങൾ വളർന്നു. പതിനേഴാം നൂറ്റാണ്ടിന്റെ തുടക്കത്തിൽ, ഇപ്പോൾ പാകിസ്ഥാനിലുള്ള ലാഹോറിൽ, മുഗൾ ലോകത്തിലെ ഒരു പ്രധാന ജ്യോതിശാസ്ത്ര കേന്ദ്രമായി ഈ നഗരം മാറിയിരുന്ന സമയത്താണ് ഈ പ്രത്യേക ഉപകരണം നിർമ്മിക്കപ്പെട്ടത്. ഒരു മുഗൾ പ്രഭുവിനുവേണ്ടി രണ്ട് സഹോദരന്മാരായ ഖായിം മുഹമ്മദ്, മുഹമ്മദ് മുഖിം എന്നിവർ ചേർന്നാണ് ഇത് സൃഷ്ടിച്ചത്.The post ഇന്ത്യൻ രാജകുടുംബത്തിന്റെ കൈവശമുണ്ടായിരുന്ന ‘സൂപ്പർ കമ്പ്യൂട്ടർ’ ലണ്ടനിൽ ലേലത്തിൽ വിറ്റത് റെക്കോർഡ് തുകയ്ക്ക് appeared first on Kairali News | Kairali News Live.