തൃശ്ശൂർ ചാവക്കാട് ഇടിമിന്നലിൽ വീടിന്റെ ചുവർ ഇടിഞ്ഞുവീണു ഒരു കുടുംബത്തിലെ മൂന്നുപേർക്ക് പരുക്ക് പറ്റി. ചാവക്കാട് മടത്തല അയനപ്പുള്ളി വീട്ടിൽ മനോജ് (42), അദ്ദേഹത്തിന്റെ ഭാര്യ സ്മൃതി (34), ഏഴ് വയസ്സുകാരിയായ മകൾ ജ്യോതി എന്നിവർക്കാണ് പരുക്കേറ്റത്.ഇന്ന് പുലർച്ചെ മൂന്ന് മണിയോടെയായിരുന്നു നാടിനെ നടുക്കിയ ഈ സംഭവം ഉണ്ടായത്. ഉറങ്ങിക്കിടക്കുകയായിരുന്ന ഇവരുടെ മേലേക്ക് വീടിന്റെ ഭിത്തി ഇടിഞ്ഞുവീഴുകയായിരുന്നു. പരിക്കേറ്റ ആരുടെയും നില നിലവിൽ ഗുരുതരമല്ല എന്നത് ആശ്വാസകരമാണ്.ALSO READ: ആദിത്യൻ പഠിച്ചിരുന്നത് ഡി.കെ. ശിവകുമാറിന്റെ ബന്ധുവിന്റെ കോളേജിൽ; കേസ് അട്ടിമറിക്കാൻ നീക്കമെന്ന് പിതാവ്, കർണാടക പൊലീസ് പരാതി സ്വീകരിച്ചത് വക്കീലുമായി എത്തിയപ്പോൾകഴിഞ്ഞ കുറച്ചു ദിവസങ്ങളായി തൃശ്ശൂർ ജില്ലയിൽ വൈകുന്നേരങ്ങളിലും രാത്രിയിലും ശക്തമായ ഇടിമിന്നലോട് കൂടിയ വേനൽമഴ തുടരുകയാണ്. കഴിഞ്ഞ ദിവസം പാടത്ത് കളിച്ചുകൊണ്ടിരുന്ന മൂന്ന് കുട്ടികൾക്കും ഇടിമിന്നലേറ്റ് പരുക്കേറ്റിരുന്നു. വേനൽമഴയ്ക്കൊപ്പമുള്ള ഇടിമിന്നൽ വലിയ രീതിയിലുള്ള അപകടങ്ങൾക്കും ജീവഹാനിക്കും കാരണമാകുന്നുണ്ടെന്നും, മിന്നൽ സമയത്ത് തുറസ്സായ സ്ഥലങ്ങളിൽ നിൽക്കുന്നത് ഒഴിവാക്കണമെന്നും അധികൃതർ ജാഗ്രത നിർദ്ദേശം നൽകുന്നു.The post ചാവക്കാട് ഇടിമിന്നലേറ്റ് വീടിന്റെ ചുവർ ഇടിഞ്ഞുവീണു; ഒരു കുടുംബത്തിലെ മൂന്നുപേർക്ക് പരുക്ക് appeared first on Kairali News | Kairali News Live.