భారత క్రికెట్ నియంత్రణ మండలి (బీసీసీఐ)లో కీలక మార్పు చోటుచేసుకుంది. 1983 వరల్డ్ కప్ హీరో బీసీసీఐ అధ్యక్ష పదవికి రాజీనామా చేశారు. ఆయన స్థానంలో బోర్డు వైస్ ప్రెసిడెంట్‌గా పనిచేస్తున్న తాత్కాలిక అధ్యక్షుడిగా బాధ్యతలు చేపట్టారు. కొత్త అధ్యక్షుడి కోసం ఎన్నికలు జరిగే వరకూ శుక్లానే బోర్డును నడిపించనున్నారు. నేషనల్ మీడియా కథనాల మేరకు బుధవారం నిర్వహించిన అపెక్స్ కౌన్సెల్ సమావేశం రాజీవ్ శుక్లా నేతృత్వంలో జరిగింది. ఈ సమావేశంలో స్పాన్సర్‌షిప్ అంశం ప్రధాన చర్చా కేంద్రంగా నిలిచింది. డ్రీమ్ 11తో ఉన్న ఒప్పందం రద్దవడంతో.. రానున్న రెండున్నర సంవత్సరాల పాటు బోర్డుకు కొత్త స్పాన్సర్‌ను వెతకడం ఇప్పుడు అత్యవసరంగా మారింది. సెప్టెంబర్ 9 నుంచి ఆసియా కప్ ప్రారంభం కానున్న నేపథ్యంలో కొత్త స్పాన్సర్‌షిప్ పెద్ద సవాలుగా మారింది. “మన వద్ద రెండు వారాలు కూడా లేవు. మేము ప్రయత్నిస్తున్నాం. కానీ కొత్త టెండర్‌ వేయడం, చట్టపరమైన ప్రక్రియలు పూర్తిచేయడం, టెక్నికల్ విషయాలు పరిష్కరించడం అనేవి సమయం తీసుకుంటాయి. కేవలం ఆసియా కప్‌కే పరిమితమయ్యే తాత్కాలిక స్పాన్సర్ దిశగా మేము వెళ్లడం లేదు. 2027 వన్డే ప్రపంచకప్‌ వరకు ఉండే దీర్ఘకాలిక స్పాన్సర్‌ కోసం ప్రయత్నిస్తున్నాం” అని బోర్డు వర్గాలు రిపోర్ట్‌లో పేర్కొన్నాయి.తాజాగా జాతీయ క్రీడా పాలనా చట్టం ఆమోదం పొందింనా, పూర్తి స్థాయిలో అమలు కాలేదు. ఈ కారణంగా వచ్చే నెలలో బీసీసీఐ వార్షిక సర్వసభ్య సమావేశంతో పాటు ఎన్నికలు తప్పనిసరి అయ్యాయి. కొత్త చట్టం అమలులోకి రావడానికి మరో నాలుగు నుంచి ఐదు నెలల సమయం పట్టే అవకాశం ఉండటంతో.. ఎన్నికలను వాయిదా వేయడం సాధ్యం కాదని తెలుస్తోంది. మరి కొద్ది రోజుల్లో జరిగే బీసీసీఐ ఎన్నికల్లో అధ్యక్షుడిగా ఎవరెవరు నామినేషన్లు దాఖలు చేస్తారనేది ఇప్పుడు ఆసక్తికరంగా మారింది. టీమిండియా మాజీ ఆటగాళ్లు కూడా ఈ రేసులో ఉన్నారు. గతంలో భారత జట్టు మాజీ కెప్టెన్ సౌరవ్ గంగూలీ బీసీసీఐ అధ్యక్షుడిగా పనిచేశాడు. పదవీ కాలం పూర్తయిన తర్వాత మళ్లీ కూడా గంగూలీనే ఎన్నికవుతారని అనుకున్నప్పటికీ సాధ్యం కాలేదు. మరి రానున్న రోజుల్లో గంగూలీ మరోసారి అధ్యక్ష పదవి రేసులో నిలుస్తాడా? లేదా? అనేది వేచి చూడాలి.