ఐపీఎల్ 2008లో జరిగిన సంఘటన మళ్లీ ఇప్పుడు రాజుకుంటోంది. 2008లో ముంబై ఇండియన్స్, కింగ్స్ లెవన్ పంజాబ్ ఇప్పటి పంజాబ్ కింగ్స్ మధ్య జరిగిన మ్యాచ్‌లో స్టాప్‌గేట్ ఘటన మరోసారి వెలుగులోకి తీసుకొచ్చాడు. , మైఖేల్ క్లార్క్ ఇంటర్వ్యూలో అప్పటి చెంపదెబ్బ ఘటనకు సంబంధించిన ఒరిజినల్ వీడియోను రిలీజ్ చేశారు. దీనిపై శ్రీశాంత్ భార్య తీవ్ర ఆగ్రహం వ్యక్తం చేస్తోంది. తాజాగా క్లార్క్ నిర్వహిస్తున్న “బియాండ్23 పాడ్ కాస్ట్” లో ఇప్పటివరకు బయటకు రాని ఆ విజువల్స్‌ను లలిత్ మోదీ విడుదల చేశారు. వీడియోలో హర్భజన్ సింగ్‌, శ్రీశాంత్‌ను హ్యాండ్‌షేక్ సమయంలో చెంపదెబ్బ కొట్టాడు. ఆ సమయంలో హర్భజన్ ముంబై జట్టుకు నాయకత్వం వహిస్తుండగా, ఆ జట్టు 66 పరుగుల తేడాతో పరాజయం పాలైంది. ఆ ఘటన తరువాత కన్నీళ్లు పెట్టుకున్న శ్రీశాంత్‌ను జట్టులోని మహేలా జయవర్ధనే, ఇర్ఫాన్ పఠాన్ వంటి ఆటగాళ్లు ఓదార్చిన దృశ్యాలు కూడా ఆ వీడియోలో కనిపించాయి.మానవత్వం లేదంటూ శ్రీశాంత్ భార్య ఆవేదనఈ వీడియో లీక్‌పై శ్రీశాంత్ భార్య భువనేశ్వరి శ్రీశాంత్ తన ఇన్‌స్టాగ్రామ్‌లో ఆవేదన వ్యక్తం చేశారు. “షేమ్ ఆన్ యూ @lalitkmodi, @michaelclarkeofficial 2008లో జరిగిన ఘటనను చీప్ పబ్లిసిటీ కోసం బయటకు లాగడం బాధాకరం. శ్రీశాంత్‌, హర్భజన్ ఇద్దరూ ఇప్పుడు తండ్రులుగా పిల్లలతో బిజీగా జీవితాన్ని ముందుకు నడిపిస్తున్నారు. కానీ మీరు పాత గాయాన్ని మళ్లీ తవ్వారు. ఇది అసహ్యకరం, హృదయరహితం, మానవత్వం లేనిది” అని భువనేశ్వరి ఆగ్రహం వ్యక్తం చేశారు.ఈ వీడియో బయటకు రావడం తమ కుటుంబానికి ఎంతో బాధ కలిగించిందని, ఆటగాళ్లకే కాకుండా వారి పిల్లల మనసులపై గాయాలు మిగిల్చిందంటూ మరో పోస్ట్‌లో పేర్కొంది. అందువల్ల వీరిపై న్యాయపరమైన చర్యలు తీసుకోవాలని కోరారు. “ఆ వీడియో నా దగ్గర ఇంతకాలం ఉంది. గేమ్ అయిపోయిన తర్వాత ఆటగాళ్లు హ్యాండ్‌షేక్ కోసం కదులుతున్నప్పుడు ఇది రికార్డు అయింది. అప్పట్లోనే దీన్ని బయట పెట్టలేదు. కొత్త లీగ్ కావడంతో ఉద్రిక్తత ఎక్కువగా ఉండేది. హర్భజన్‌కు ఎనిమిది మ్యాచ్‌ల నిషేధం విధించాం. కొందరు జీవితకాల నిషేధం పెట్టాలని కూడా కోరారు. ఒక ఉదాహరణగా కఠిన చర్యలు తీసుకోవాల్సి వచ్చింది” అని లలిత్ మోదీ పేర్కొన్నాడు.తాజాగా రవిచంద్రన్ అశ్విన్ యూట్యూబ్ ఛానల్‌లో మాట్లాడుతూ హర్భజన్ సింగ్ ఆ సంఘటనపై మళ్లీ స్పందించారు. “నా జీవితంలో మార్చుకోవాలని అనుకునే ఒక తప్పు ఏదైనా ఉందంటే అది శ్రీశాంత్‌తో జరిగిన ఈ సంఘటనే. అది జరగకూడదు. నేను అప్పట్నుంచి వందల సార్లు క్షమాపణలు చెప్పాను. నన్ను ఎప్పుడూ వెంటాడే పెద్ద తప్పు అదే” అని భజ్జీ పశ్చాత్తాపడ్డాడు.