ఏపీ మంత్రి విశాఖఫట్నంలో పర్యటించారు.. విశాఖ నోవాటెల్ లో జరిగిన ఏరోస్పేస్, డిఫెన్స్ మ్యానుఫ్యాక్చరర్స్ సదస్సులో పాల్గొన్నారు. ఈ సందర్భంలో ఓ ఆసక్తికర సన్నివేశం కనిపించింది. మంత్రి నారా లోకేష్ ప్రోటోకాల్ పాటిస్తూ కేంద్రమంత్రి రామ్మోహన్ నాయుడికి గౌరవం ఇచ్చారు.. హుందాగా వ్యవహరించారు. ఈ వీడియో ప్రస్తుతం వైరల్ అవుతోంది. విశాఖ నోవాటెల్‌లో ఏరోస్పేస్, డిఫెన్స్ మ్యానుఫ్యాక్చరర్స్ సదస్సు జరిగింది. ఈ కార్యక్రమానికి కేంద్రమంత్రి రామ్మోహన్ నాయుడు, మంత్రి నారా లోకేష్‌తో పాటూ పలువురు మంత్రులు హాజరయ్యారు. అయితే ప్రోటోకాల్ ప్రకారం సదస్సులో చివరిగా మాట్లాడాల్సి ఉండగా... అంతకు ముందుగానే మంత్రి లోకేష్ ప్రసంగించడానికి సిద్ధమయ్యారు. ఇంతలో 'నేను మాట్లాడతాను' అంటూ కేంద్రమంత్రి రామ్మోహన్ నాయుడు తన స్థానం నుంచి పైకి లేచి ప్రసంగించడానికి వెళ్లబోయరు. ఇంతలో మంత్రి నారా లోకేష్ కేంద్రమంత్రి రామ్మోహన్ నాయుడుని ఆపారు. వెంటనే లోకేష్ వారిస్తూ 'వద్దు రాము.. ప్రోటోకాల్ ప్రకారం కేంద్ర మంత్రి స్థానంలో ఉన్న నువ్వు చివరగా మాట్లాడాలి.. ఇప్పుడు నేనే మాట్లాడతాను' అంటూ లోకేష్ వెళ్లి ప్రసంగించారు. ఈ వీడియో ప్రస్తుతం వైరల్ అవుతోంది.మంత్రి నారా లోకేష్ విశాఖపట్నం రాడిసన్ బ్లూ రిసార్ట్ లో ప్రముఖ ఐటీ సంస్థ సైయెంట్ ఫౌండేషన్ సహకారంతో రూ.8 కోట్లు వెచ్చించి విశాఖ జిల్లా వ్యాప్తంగా 50 ప్రభుత్వ పాఠశాలల్లో ఏర్పాటుచేసిన ఏఐ(ఆర్టిఫిషియల్ ఇంటిలిజెన్స్) ల్యాబ్స్, స్టెమ్, రోబోటిక్స్ ల్యాబ్స్ ను విద్య, ఐటీ శాఖల మంత్రి నారా లోకేష్ రోబో సాయంతో వర్చువల్ గా ప్రారంభించారు. అంతకుముందు విశాఖ చంద్రపాలెం జడ్పీ హైస్కూల్ లో సైయెంట్ ఫౌండేషన్ సహకారంతో ఏర్పాటుచేసిన ఏఐ, స్టెమ్, రోబోటిక్స్ ల్యాబ్స్‌ను మంత్రి ప్రారంభించారు.అలాగే బ్రేకింగ్ బౌండరీస్ విత్ నారా లోకేష్' పేరిట భారత మహిళా క్రికెటర్లతో విశాఖలో ముఖాముఖి కార్యక్రమం నిర్వహించారు. అసమాన ప్రతిభతో భారత క్రీడాభిమానులు తలెత్తుకునేలా చేశారని మహిళా క్రికెటర్లను మంత్రి నారా లోకేష్ కొనియాడారు. లింగ అసమానతలను తొలగించేందుకు బీసీసీఐ చొరవ అభినందనీయమన్నారు. మేజర్ ధ్యాన్ చంద్ జయంతిని పురస్కరించుకుని శాప్ ఆధ్వర్యంలో విశాఖపట్నం ఆంధ్ర యూనివర్సిటీ కన్వెన్షన్ హాల్ లో నిర్వహించిన జాతీయ క్రీడా దినోత్సవంలో మంత్రి నారా లోకేష్ పాల్గొన్నారు. మేజర్ ధ్యాన్ చంద్, తెలుగు భాషా వికాసానికి కృషిచేసిన గిడుగు రామ్మూర్తి చిత్రపటాలకు నివాళులు అర్పించాను. ఈ సందర్భంగా ఏర్పాటుచేసిన సభలో ప్రసంగించారు. ఎనర్జీ, టాలెంట్, డిటర్మినేషన్ మన ఆంధ్ర రాష్ట్ర యువకుల బ్లడ్ లోనే ఉంది అన్నారు. ప్రభుత్వ పరంగా క్రీడాకారులను పోత్సహిస్తామన్నారు. గ్రాస్ రూట్ మూమెంటమ్ క్రియేట్ చేస్తేనే సమాజంలో మార్పు వస్తుందన్నారు. క్రీడల కోసం ప్రపంచస్థాయి మౌలిక వసతులను కల్పిస్తామన్నారు. అనంతరం ప్రముఖ క్రీడాకారులను, వివిధ క్రీడల్లో రాణించిన వారిని సత్కరించారు.