Un incendio declarado de madrugada na zona de Moledo, na parroquia marinense de Ardán, calcinou tres vehículos e obrigou a desaloxar unha familia da súa vivenda, situada na parte superior dunha nave próxima á empresa de aluguer de maquinaria Alquimak. O 112 recibiu o aviso do lume arredor das 02:00 horas, mobilizando de inmediato aos equipos de emerxencia. Ata o lugar desprazáronse patrullas da Policía Local de Marín e dous camións dos Bombeiros do Morrazo, que traballaron na extinción das lapas. O lume, ademais de afectar os vehículos, tamén alcanzou a fachada da nave empresarial. Dúas ambulancias encargáronse de atender ás catro persoas da familia desaloxada, dous adultos e dous menores de idade. Afortunadamente, todos se atopaban en bo estado de saúde, agás a muller adulta, que presentaba certa ansiedade ante a situación vivida. Vehículos e nave calcinados en Moledo, MarínPolicía Local de Marín Tras recibir atención sanitaria, a familia foi trasladada e realoxada provisionalmente nun hotel da localidade. A rápida intervención dos servizos de emerxencia evitou que o incendio tivese consecuencias máis graves, logrando sufocar as lapas e garantir a seguridade das persoas afectadas.