Finfinnee, Hagayya 24, 2017 (FMC)- Adeemsi hojii waliigalaa misooma Koriidarii yeroo dhufuuf abdii guddaa kan kennuudha jedhan Ministirri Muummee FDRI Dooktar Abiy Ahimad.Dooktar Abiy gama Miidiyaa hawaasummaa isaaniin, Misooma koriidarii boqonnaa jalqabaa 4 eegalle,boqonnaa 2ffaa koriidaroota 8 itti fufneerra jedhan.Har’a misooma Koriidarii kiiloo meetira 12.74 dheeratu Giddugala Addis Koonveeshinii – Gooroo-VIP Buufata Xiyyaaraa daawwanneerra jedhan.Koriidarichaan daandiin lafoo kiiloo meetirri 29 fi Biskileetti kiiloo meetirri 15.27 hojjetamuu himan.Giddugaloota Ispoortii 7, bakka dhaabbii konkolaattootaa, buufataalee Taaksii fi Awutoobisoootaa, Kaaffeewwan, bakka qulqullina ummataa fi tajaajiloota biroo kan hammate ta’uu ibsan.Ijaarsi kunneen carraa hojii uumaniiru, bakka walargaa fi gahuumsaa babal’isaniiru jedhan.Akkasumas bu’uuraalee misooma magaalaa cimsuu dubbatan.Damee hundaan Itiyoophiyaan cimuu ishee itti fufteetti jechuun himaniiru.Dooktar Abiy imalli gara badhaadhinaatti taasifnu hin gufatu, hin dhaabbatu jedhan.Milkaa’inni hojiilee kanneenii mul’ataa fi aadaa hojii jijjiirame kan mul’isan ta’uu himan.Hanga ammaatti magaalattiin walakkaa kan jijjiiramte ta’uu ibsuun, ammas bakkewwan caalmaatti fooyyeessuuf hojjennu jiru jedhan.#Oromia #EthiopiaOdeeffannoowwan waqtaawaa dabalataa argachuuf;Teelegiraama t.me/afanoromofanaYuutiyuubii Afaan Oromo: www.youtube.com/@fmcafaanoromooMarsariitii www.fanamc.com/afaanoromooTiwiitara https://twitter.com/fanatelevisionFeesbuukii: FMC Afaan OromooTiktok https://www.tiktok.com/@fana_afaan_oromooYeroo maraa nu waliin waan taataniif isin galateeffanna.