موجودہ ماحول میں دنیا بھر میں لاکھوں لوگ ہائی بلڈ پریشرکا شکار ہیں جس کی وجہ سے دل کی بیماری، فالج اور گردے سے متعلق مسائل کا سامنا کرنا پڑسکتا ہے۔ ہائی بلڈ پریشر والے تقریباً 10 فیصد لوگ ماسکڈ ہائی بلڈ پریشر کا شکار ہوجاتے ہیں۔ یعنی چیک اپ کے دوران بلڈ پریشر پوری طرح نارمل دکھائی دیتا ہے لیکن درحقیقت یہ ہائی رہتا ہے۔ عام طور پر ڈاکٹر بھی اس کا پتہ نہیں لگا پاتے ہیں جس کی وجہ سے مریضوں کو بروقت علاج نہیں مل پاتا۔ اب مصنوعی ذہانت (اے آئی) نظام سے اس مسئلے کو حل کیا جاسکتا ہے۔ اس بیماری کے معاملے میں اے آئی ان خطرات کا پتا لگا لے گی جو ڈاکٹروں کی نظروں سے بچ جاتے ہیں۔فضائی آلودگی ہائی بلڈ پریشر اور ذیابیطس سے بھی زیادہ جان لیوا، ایک سال میں ہوئیں17,000 امواتعام طور پر اس حالت کا پتا لگانے کے لیے ایک ویئر بیل ڈیوائس کا سہارا لیا جاتا ہے جو دن بھر بلڈ پریشر کی نگرانی کرتا رہتا ہے۔ یہ ایک درست طریقہ ہے لیکن یہ وسیع پیمانے پر استعمال نہیں کیا جاتا ہے. اس ڈیوائس کو سارا دن پہننے رہنا مشکل اور مہنگا ہو سکتا ہے، جس کے نتیجے میں زیادہ تر مریضوں میں اس بیماری کا پتہ نہیں چل پاتا۔آرکنساس یونیورسٹی میں ایک مطالعے نے اس مسئلے کے حل کی سمت میں امید پیدا کی ہے۔ یونیورسٹی کے محققین نے ایک اے آئی نظام تیار کیا ہے جو معیاری صحت کے اعداد و شمار کا استعمال کرتے ہوئے ہائی بلڈ پریشر کا پتا لگا سکتا ہے۔ اس سسٹم کے ساتھ جنوبی افریقہ میں ہوئے ایک وسیع مطالعے ؎افریقن فریڈکٹ‘سے ملی معلومات کا استعمال کرتے ہوئے اس نظام کو تربیت دی گئی۔ اس معلومات کی مدد سے یہ اے آئی پروگرام ماسکڈ ہائی بلڈ پریشر سے منسلک نمونوں کو پہچان سکتا ہے۔ جب اس کی ٹیسٹنگ کی گئی تو یہ ماسکڈ ہائی بلڈ پریشر کے 83 فیصد کیسوں کی درست نشاندہی کی۔ اس کی خاص بات یہ ہے کہ اسے کسی طرح کے خاص سامان کی ضرورت نہیں ہوتی ہے۔ہائی بلڈ پریشر کو کنٹرول کر کے 46 لاکھ اموات ہونے سے روک سکتا ہے ہندوستان: ڈبلیو ایچ اواس نظام کا ایک اور فائدہ یہ ہے کہ یہ ایک ساتھ زیادہ معلومات پر کارروائی کر سکتا ہے۔ اس کے مقابلے میں ڈاکٹر لمیٹیڈ انڈیکیٹر پر انحصار کرتے ہیں۔ یہی وجہ ہے کہ یہ نظام ان چھپے ہوئے خطرات کو بھی پہچان سکتا ہے جو عام طور پر ڈاکٹر نہیں دیکھ پاتے۔ مستقبل میں اس ٹول کو ہیلتھ ریکارڈ سسٹم میں استعمال کیا جا سکتا ہے جس سے ڈاکٹروں مریضوں کے معمول کے چیک اپ کے دوران بھی اس بیماری کا پتا لگاپائیں گے۔ اس سے مریضوں کی اسکریننگ تیزی ہوگی اور انہیں جلد علاج کروانے میں بھی مدد ملے گی۔