ഒരുകാലത്ത് ഇന്ത്യൻ ക്രിക്കറ്റിലെ ‘മിസ്റ്ററി’ ആയുധമായിരുന്നു വരുൺ ചക്രവർത്തി. ക്രീസിലെത്തുന്ന ബാറ്റർമാർ ഭയത്തോടെയും കരുതലോടെയും മാത്രം നേരിട്ടിരുന്ന ബൗളർ. വരുണിന്റെ കൈകളിൽ നിന്ന് പുറത്തുവരുന്ന പന്ത് ഏത് ദിശയിലേക്ക് തിരിയുമെന്ന് പ്രവചിക്കുക അസാധ്യമായിരുന്നു. എന്നാൽ 2026-ലെ ഐസിസി ടി20 ലോകകപ്പിന്റെ സൂപ്പർ 8 ഘട്ടം മുതൽ വരുണിന്റെ ആ പഴയ പ്രതാപത്തിന് മങ്ങലേറ്റു തുടങ്ങിയിരിക്കുന്നു.വരുണിന്റെ ബൗളിംഗിലെ ആത്മവിശ്വാസം തകർന്നത് ലോകകപ്പ് സെമി ഫൈനലിലാണെന്ന് നിസംശയം പറയാം. ഇംഗ്ലണ്ടിനെതിരായ മത്സരത്തിൽ 253 റൺസെന്ന കൂറ്റൻ സ്കോർ ഇന്ത്യ പ്രതിരോധിക്കുമ്പോഴും, വരുണിന്റെ ഓരോ ഓവറും ഇന്ത്യൻ ആരാധകരിൽ ആശങ്കയുണ്ടാക്കി. നാലോവറിൽ 64 റൺസ് വഴങ്ങി ഒരു വിക്കറ്റ് മാത്രം വീഴ്ത്തിയ വരുണിന്റെ ആ സ്പെൽ ടൂർണമെന്റ് ചരിത്രത്തിലെ തന്നെ ഏറ്റവും ചെലവേറിയ ഒന്നായി മാറി. വെറുമൊരു മോശം ദിവസമെന്നതിലുപരി, വരുണിന്റെ ബൗളിംഗിലെ തന്ത്രങ്ങൾ ലോകോത്തര ബാറ്റർമാർ വായിച്ചെടുത്തു എന്നതിന്റെ തെളിവായിരുന്നു ആ മത്സരം.കൃത്യമായ ലെങ്തിൽ പന്തെറിയുമ്പോൾ ഇപ്പോഴും അപകടകാരിയാണ് വരുൺ. എന്നാൽ സമ്മർദ്ദഘട്ടങ്ങളിൽ ഈ കൃത്യത നിലനിർത്താൻ അദ്ദേഹത്തിന് കഴിയുന്നില്ല. ഇംഗ്ലീഷ് ബാറ്റർ ജേക്കബ് ബെഥൽ വരുണിനെ കണക്കിന് പ്രഹരിച്ചത് ഇതിന് ഉദാഹരണമാണ്. പന്തിന്റെ വേഗത കൂട്ടി ബാറ്റർമാരെ കുഴപ്പിക്കാൻ ശ്രമിക്കുമ്പോൾ, ലെങ്തിൽ ചെറിയ പിഴവ് വന്നാൽ പോലും അത് അതിർത്തി കടത്താൻ ബാറ്റർമാർക്ക് എളുപ്പമാകുന്നു.ഏറ്റവും പ്രധാനപ്പെട്ട കാര്യം വരുണിന്റെ ആക്ഷനിലെ രഹസ്യങ്ങൾ ബാറ്റർമാർ ‘ഡീകോഡ്’ ചെയ്തു എന്നതാണ്. പന്ത് റിലീസ് ചെയ്യുന്നതിന് മുൻപ് തന്നെ അത് ഏത് ദിശയിലേക്കാണെന്ന് തിരിച്ചറിയാൻ ബാറ്റർമാർക്ക് സാധിക്കുന്നു. ഇതോടെ, മുൻപ് വരുണിനെതിരെ പുലർത്തിയിരുന്ന ജാഗ്രത മാറ്റി ബാറ്റർമാർ ഇപ്പോൾ ആക്രമണോത്സുകത കാണിക്കുന്നു.Also Read: ഓസ്ട്രേലിയൻ ക്രിക്കറ്റ് താരം ഡേവിഡ് വാർണർ അറസ്റ്റിൽലോകകപ്പിലെ ഈ മങ്ങിയ പ്രകടനം ഐപിഎൽ 2026-ലും തുടരുകയാണ്. കൊൽക്കത്ത നൈറ്റ് റൈഡേഴ്സ് ജേഴ്സിയിൽ ഈ സീസണിൽ വരുൺ ഇതുവരെ താളം കണ്ടെത്തിയിട്ടില്ല. ആദ്യ രണ്ട് മത്സരങ്ങളിലും വിക്കറ്റ് നേടാനാകാതെ പോയ താരം റൺസ് വിട്ടുകൊടുക്കുന്നതിൽ വൻ ധാരാളിത്തമാണ് കാണിക്കുന്നത്. വിക്കറ്റ് വേട്ടയിൽ 99-ൽ നിൽക്കുന്ന വരുണിന് തന്റെ നൂറാം വിക്കറ്റിലേക്കുള്ള ദൂരം ഏറുകയാണ്.ആധുനിക ടി20 ക്രിക്കറ്റിൽ മാറ്റങ്ങൾ കൊണ്ടുവരാത്തവർ വേഗത്തിൽ പുറന്തള്ളപ്പെടും. പുതിയ വൈവിധ്യങ്ങൾ പരീക്ഷിക്കാനും, പന്തിന്റെ വേഗതയിൽ മാറ്റം വരുത്താനും , കൂടുതൽ ഫ്ലൈറ്റ് നൽകാനും വരുൺ തയ്യാറാകേണ്ടതുണ്ട്. തന്റെ ‘മിസ്റ്ററി’ വീണ്ടെടുക്കണമെങ്കിൽ പുതിയ തന്ത്രങ്ങൾ ആവിഷ്കരിക്കുകയല്ലാതെ വരുണിന് മുന്നിൽ മറ്റ് വഴികളില്ല.The post മിസ്റ്ററി ബൗളറുടെ വീഴ്ച! വരുൺ ചക്രവർത്തിക്ക് എന്ത് സംഭവിച്ചു? appeared first on Kairali News | Kairali News Live.