قومی راجدھانی سے ملحق ہریانہ کے گروگرام سے اغوا کیے گئے دو بچوں کو واپس لے جاتے وقت ملزمین کی بولیرو کار اتر پردیش کے بریلی میں حادثے کا شکار ہوگئی جس میں 5 افراد کی موقع پر ہی موت ہوگئی جبکہ 5 دیگر زخمی ہوگئے۔ زخمیوں میں دو بچے بھی شامل ہیں۔ پولیس سپرنٹنڈنٹ (سٹی) مانوش پاریکھ نے بتایا کہ اتوار کی دوپہر سی بی گنج تھانہ علاقے کے پردھولی گاؤں کے قریب دہلی- لکھنؤ قومی شاہراہ پر ایک تیز رفتار بولیرو کار نے پہلے ایک موٹر سائیکل کو ٹکر ماری، پھر بے قابو ہوکر سڑک کے کنارے کھڑے ٹینکر سے ٹکرا گئی۔ حادثہ اتنا شدید تھا کہ بولیرو اور موٹر سائیکل پوری طرح تباہ ہو گئے۔گروگرام میں 300 کروڑ روپے کی دھوکہ دہی کے معاملے میں رئیل اسٹیٹ کے بانی کتیال گرفتاراس حادثے میں سکندر کمار (28)، منموہن (42) اور ایک نامعلوم شخص سمیت موٹر سائیکل سوار شمشاد (45) اور ممتاز (65) کی موقع پر ہی موت ہوگئی۔ بولیرو میں سوار 5 دیگر افراد شدید طور سے زخمی ہو گئے جن میں ڈرائیور پرنس اور دو مغوی بچے شامل ہیں۔’اے بی پی نیوز‘ کے مطابق تفتیش کے دوران زخمی ڈرائیور پرنس سے پوچھ گچھ میں شک ہونے پر پولیس نے سختی دکھائی تو اس نے انکشاف کیا کہ مرنے والے تینوں اس کے ساتھی تھے اور انہوں نے گروگرام سے ایک آٹو ڈرائیور منوج اور اس کے دو بچوں کو اغوا کیا تھا۔ہماچل پردیش میں ہولناک سڑک حادثہ: 22 مسافروں سے بھری بس کھائی میں جا گری، 4 افراد ہلاکپولیس کے مطابق مستقل طور سے فرید پور کا رہنے والا منوج گروگرام میں آٹو چلاتا ہے۔ ملزم منموہن اس کی نابالغ گود لی ہوئی بیٹی سے شادی کرنا چاہتا تھا، جس کی منوج مخالفت کررہا تھا۔ اسی وجہ سے ملزمین نے منوج اور اس کے دونوں بچوں کو اغوا کرلیا تھا۔ اس سلسلے میں منوج کی بیوی پوجا نے گروگرام کے ڈی ایل ایف (فرسٹ) پولیس اسٹیشن میں ایف آئی آر درج کرائی تھی۔ پرنس کی اطلاع کے بعد پولیس نے منوج کو بریلی کے ایک گھر سے برآمد کرلیا ہے۔ بتایا جارہا ہے کہ ملزم بچوں کو واپس چھوڑنے جارہے تھے تبھی راستے میں یہ حادثہ پیش آیا۔ ہریانہ پولیس معاملے کی مزید تفتیش کر رہی ہے۔