بھارت میں ایندھن کی قیمتوں میں اضافے سے بچنے کے لیے رعایتی ڈیزل خرید رہے ہیں۔خبر ایجنسی رائٹرز کے مطابق ایندھن کے ریٹیلرز ریفائنرز سے رعایتی نرخوں پر ڈیزل خرید رہے ہیں تاکہ صارفین کو قیمتوں میں کسی بھی اضافے سے بچایا جا سکے۔ایک صنعت کے ذرائع نے جمعرات کو رائٹرز کو بتایا کہ قیمتوں کا تعین کرنے کا نیا فارمولا بھارت کی خام درآمدی قیمت پر مبنی ہے۔خبر رساں ایجنسی روئٹرز کی رپورٹ کے مطابق بھارتی وزارت پٹرولیم نے بتایا کہ ملکی ریفائنریز نے مشرق وسطیٰ میں جنگ کے دوران ایران سے تیل خریدا ہے۔واضح رہے کہ بھارت نے مئی 2019 کے بعد پہلی بار ایران سے تیل خریدا ہے جس کی وجہ امریکی دباؤ تھی، لیکن امریکا اور اسرائیل کی ایران کے خلاف جنگ کے باعث سپلائی متاثر ہونے سے نئی دہلی بُری طرح متاثر ہوا ہے۔وزارت پٹرولیم نے بتایا کہ مشرق وسطیٰ میں سپلائی کے تعطل کے دوران بھارتی ریفائنریز نے خام تیل کی اپنی ضروریات بشمول ایران سے پوری کر لی ہیں اور ایرانی خام تیل کی درآمدات کیلیے ادائیگی میں کوئی رکاوٹ نہیں ہے۔گزشتہ ماہ امریکا نے سپلائی کی کمی کو دور کرنے کیلیے ایرانی تیل اور ریفائنڈ مصنوعات پر عائد پابندیاں عارضی طور پر ختم کر دی تھیں۔