പശ്ചിമേഷ്യയിൽ സമാധാനം പുനഃസ്ഥാപിക്കുന്നതിനും നിലവിലുള്ള പ്രതിസന്ധികൾക്ക് ശാശ്വത പരിഹാരം കാണുന്നതിനുമായി നയതന്ത്ര നീക്കങ്ങൾ ശക്തമാക്കി ഗൾഫ് രാജ്യങ്ങൾ.അമേരിക്കയും ഇറാനും തമ്മിൽ പ്രഖ്യാപിച്ച വെടിനിർത്തലിനെ ഗൾഫ് സഹകരണ കൗൺസിൽ ജനറൽ സെക്രട്ടേറിയറ്റ് പൂർണ്ണമനസ്സോടെ സ്വാഗതം ചെയ്തു.മേഖലയിലെ സുരക്ഷയും സ്ഥിരതയും ഉറപ്പാക്കാൻ ഈ തീരുമാനം നിർണ്ണായകമാകുമെന്ന് ജിസിസി പ്രസ്താവനയിൽ അറിയിച്ചു.വെറുമൊരു താൽക്കാലിക വെടിനിർത്തലിന് അപ്പുറം, മേഖലയിലെ എല്ലാ തർക്കങ്ങൾക്കും ശാശ്വതമായ പരിഹാരം കാണേണ്ടത് അനിവാര്യമാണെന്ന് ജിസിസി വ്യക്തമാക്കി.ഇതിനായി പ്രാദേശികവും അന്തർദേശീയവുമായ തലങ്ങളിൽ ഒത്തൊരുമിച്ചുള്ള പ്രവർത്തനങ്ങൾ ഉണ്ടാകണം. യുദ്ധവും സംഘർഷങ്ങളും ആഗോള സുരക്ഷയ്ക്ക് ഭീഷണിയാണെന്നും അത് അവസാനിപ്പിക്കേണ്ട സമയമായെന്നും ജിസിസി അടിവരയിട്ടു പറഞ്ഞു.അമേരിക്കയും ഇറാനും തമ്മിലുള്ള വെടിനിർത്തൽ യാഥാർത്ഥ്യമാക്കുന്നതിൽ പാകിസ്ഥാൻ നടത്തിയ മധ്യസ്ഥ ശ്രമങ്ങളെ ജിസിസി പ്രത്യേകം അഭിനന്ദിച്ചു.സമാധാന ചർച്ചകളിൽ പാകിസ്ഥാനും മറ്റ് അന്താരാഷ്ട്ര കക്ഷികളും വഹിച്ച പങ്കിനെ പ്രശംസിച്ച ജിസിസി, സംഘർഷങ്ങൾ പൂർണ്ണമായും അവസാനിപ്പിക്കാൻ എല്ലാ രാജ്യങ്ങളും സഹകരിക്കണമെന്ന് ആവശ്യപ്പെട്ടു.പുതിയ വെടിനിർത്തൽ പ്രഖ്യാപനത്തോടെ വ്യാപാര-ഗതാഗത മേഖലകളിൽ പുരോഗതിയുണ്ടാകുമെന്നും സമാധാനപരമായ അന്തരീക്ഷം തിരിച്ചുവരുമെന്നും ജിസിസി പ്രത്യാശ പ്രകടിപ്പിച്ചു.ഗൾഫ് മേഖലയുടെ വികസനത്തിനും ജനങ്ങളുടെ സുരക്ഷയ്ക്കും മുൻഗണന നൽകിക്കൊണ്ടുള്ള പുതിയ നയതന്ത്ര നീക്കങ്ങളുമായി മുന്നോട്ട് പോകാനാണ് ജിസിസി അംഗരാജ്യങ്ങളുടെ തീരുമാനംThe post മേഖലയിലെ പ്രശ്നങ്ങൾക്ക് സ്ഥിരമായ പരിഹാരത്തിനൊരുങ്ങി ഗൾഫ് രാജ്യങ്ങൾ; വെടിനിർത്തലിനെ സ്വാഗതം ചെയ്ത് ജിസിസി appeared first on Arabian Malayali.