മക്ക: ജനങ്ങളുടെ ആരോഗ്യ സംരക്ഷണവും ഭക്ഷ്യസുരക്ഷയും മുൻനിർത്തി മക്ക മേഖലയിലെ മാർക്കറ്റുകളിലും കശാപ്പുശാലകളിലും പരിസ്ഥിതി, ജല, കൃഷി മന്ത്രാലയം പരിശോധന കർശനമാക്കി.വിപണികളിലെ ഗുണനിലവാരം ഉറപ്പാക്കാൻ നടത്തിയ പരിശോധനയിൽ മനുഷ്യോപയോഗത്തിന് യോഗ്യമല്ലാത്ത 1000 കിലോഗ്രാമിലധികം ഇറച്ചി അധികൃതർ പിടിച്ചെടുത്തു.പിടിച്ചെടുത്തവ നിയമാനുസൃതമായ നടപടികൾ പൂർത്തിയാക്കി നശിപ്പിക്കുകയും നിയമലംഘനം നടത്തിയ സ്ഥാപനങ്ങൾക്കെതിരെ കർശനമായ നടപടികൾ സ്വീകരിക്കുകയും ചെയ്തു.ഭക്ഷ്യസുരക്ഷാ മാനദണ്ഡങ്ങളിൽ യാതൊരുവിധ വിട്ടുവീഴ്ചയും അനുവദിക്കില്ലെന്ന് മക്ക മേഖല പരിസ്ഥിതി, ജല, കൃഷി മന്ത്രാലയം ഡയറക്ടർ ജനറൽ എഞ്ചിനീയർ വലീദ് ബിൻ ഇബ്രാഹിം അൽ-ദഗീസ് വ്യക്തമാക്കി.ഭക്ഷ്യസുരക്ഷ ശക്തിപ്പെടുത്തുന്നതിനും വിപണികളിൽ നിയമങ്ങൾ കൃത്യമായി പാലിക്കുന്നുണ്ടെന്ന് ഉറപ്പാക്കുന്നതിനുമാണ് ഇത്തരം പരിശോധനകൾ ലക്ഷ്യമിടുന്നത്.മേഖലയിൽ പരിശോധനകൾ വരും ദിവസങ്ങളിലും തുടരുമെന്നും എല്ലാ വാണിജ്യ സ്ഥാപനങ്ങളും സർക്കാർ നിശ്ചയിച്ചിട്ടുള്ള നിയമങ്ങളും ആരോഗ്യ നിബന്ധനകളും കൃത്യമായി പാലിക്കണമെന്നും അദ്ദേഹം നിർദ്ദേശിച്ചു.The post മക്കയിൽ വ്യാപക പരിശോധന; 1000 കിലോയിലധികം കേടായ ഇറച്ചി പിടിച്ചെടുത്ത് നശിപ്പിച്ചു appeared first on Arabian Malayali.