US Iran Peace Talk : ਪਾਕਿਸਤਾਨ ਦੇ ਇਸਲਾਮਾਬਾਦ ਵਿੱਚ ਅਮਰੀਕਾ-ਈਰਾਨ ਦੀ ਗੱਲਬਾਤ (US Iran Peace Talks in Pakistan) ਫੇਲ ਹੋਣ ਤੋਂ ਬਾਅਦ ਇਹ ਸਵਾਲ ਰਹੇ ਹਨ ਕਿ ਕੀ ਜੰਗ ਦੁਬਾਰਾ ਸ਼ੁਰੂ ਹੋਣ ਵਾਲੀ ਹੈ। ਇਸ ਦੌਰਾਨ ਡੋਨਾਲਡ ਟਰੰਪ ਦੇ ਇੱਕ ਬਿਆਨ ਨੇ ਜੰਗ ਦੀ ਆਹਟ ਫਿਰ ਤੋਂ ਤੇਜ਼ ਕਰ ਦਿੱਤੀ ਹੈ।ਕਿਵੇਂ ਬਣਦੀ ਹੈ ਕੱਚੇ ਅੰਬ ਦੀ ਕੜੀ ?ਪਾਕਿਸਤਾਨ 'ਚ ਅਮਰੀਕਾ ਅਤੇ ਈਰਾਨ ਵਿਚਕਾਰ ਗੱਲਬਾਤ ਦੀ ਫੇਲ ਹੋਣ 'ਤੇ ਡੋਨਾਲਡ ਟਰੰਪ ਪੂਰੀ ਤਰ੍ਹਾਂ ਭੜਕ ਗਏ ਹਨ। ਉਨ੍ਹਾਂ ਨੇ ਈਰਾਨ ਨੂੰ ਫਿਰ ਤੋਂ ਪੱਥਰ ਯੁੱਗ ਵਿੱਚ ਵਾਪਸ ਭੇਜਣ ਦੀ ਧਮਕੀ ਦਿੱਤੀ ਹੈ। ਟਰੰਪ ਨੇ ਈਰਾਨ ਨੂੰ ਪੱਥਰ ਯੁੱਗ ਵਿੱਚ ਵਾਪਸ ਭੇਜਣ ਵਾਲਾ ਇੱਕ ਆਰਟੀਕਲ ਵੀ ਸਾਂਝਾ ਕੀਤਾ ਹੈ। ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦਾ ਰੁਖ਼ ਕਾਫ਼ੀ ਸਖ਼ਤ ਜਾਪਦਾ ਹੈ। ਉਹ ਪਹਿਲਾਂ ਹੀ ਕਹਿ ਚੁੱਕੇ ਹਨ ਕਿ ਡੀਲ ਹੋਵੇ ਜਾਂ ਨਾ ਹੋਵੇ, ਇਸ ਨਾਲ ਸਾਨੂੰ ਕੋਈ ਫ਼ਰਕ ਨਹੀਂ ਪੈਂਦਾ। ਅਸੀਂ ਪਹਿਲਾਂ ਹੀ ਜਿੱਤ ਚੁੱਕੇ ਹਾਂ।ਅਮਰੀਕਾ ਈਰਾਨ ਨੂੰ ਕਿਵੇਂ ਘੇਰੇਗਾ?ਟਰੰਪ ਨੇ ਆਪਣੇ ਸੋਸ਼ਲ ਮੀਡੀਆ ਪਲੇਟਫਾਰਮ ਯੂਟਿਊਬ ਸੋਸ਼ਲ 'ਤੇ ਇੱਕ ਨਿਊਜ਼ ਆਰਟੀਕਲ ਸਾਂਝਾ ਕੀਤਾ, ਜਿਸ ਵਿੱਚ ਕਿਹਾ ਗਿਆ ਹੈ ਕਿ ਗੱਲਬਾਤ ਫੇਲ ਹੋਣ ਤੋਂ ਬਾਅਦ ਟਰੰਪ ਕੋਲ ਹੁਣ ਈਰਾਨ 'ਤੇ ਸਮੁੰਦਰੀ ਨਾਕਾਬੰਦੀ ਲਗਾਉਣ ਦਾ ਵਿਕਲਪ ਹੈ। ਹਾਲਾਂਕਿ ਇਹ ਖ਼ਬਰ ਆਰਟੀਕਲ ਗੱਲਬਾਤ ਦੇ ਨਤੀਜੇ ਆਉਣ ਤੋਂ ਪਹਿਲਾਂ ਦਾ ਹੈ, ਇਸ ਵਿੱਚ ਕਿਹਾ ਗਿਆ ਹੈ ਕਿ ਜੇਕਰ ਈਰਾਨ ਇਸ ਅੰਤਿਮ ਪੇਸ਼ਕਸ਼ ਨੂੰ ਰੱਦ ਕਰਦਾ ਹੈ ਤਾਂ ਟਰੰਪ ਕੋਲ ਕਈ ਵਿਕਲਪ ਹਨ। ਇਸ ਤੋਂ ਇਲਾਵਾ ਟਰੰਪ ਨੇ ਈਰਾਨ ਨੂੰ ਪੱਥਰ ਯੁੱਗ ਵਿੱਚ ਵਾਪਸ ਭੇਜਣ ਦੀ ਧਮਕੀ ਦਿੱਤੀ ਹੈ। ਅਮਰੀਕਾ ਹੁਣ ਵੈਨੇਜ਼ੁਏਲਾ ਵਾਂਗ ਈਰਾਨ ਦੀ ਵੀ ਆਰਥਿਕ ਘੇਰਾਬੰਦੀ ਕਰ ਸਕਦਾ ਹੈ।'ਹੋਰਮੂਜ਼ ਸਟ੍ਰੇਟ 'ਤੇ ਕੰਟਰੋਲ ਕਰਨਾ ਆਸਾਨ'ਲੈਕਸਿੰਗਟਨ ਇੰਸਟੀਚਿਊਟ ਦੀ ਸੁਰੱਖਿਆ ਮਾਹਰ ਰੇਬੇਕਾ ਗ੍ਰਾਂਟ ਦੇ ਅਨੁਸਾਰ ਹੁਣ ਅਮਰੀਕੀ ਜਲ ਸੈਨਾ ਲਈ ਹੋਰਮੂਜ਼ ਸਟ੍ਰੇਟ ਨੂੰ ਕੰਟਰੋਲ ਕਰਨਾ ਬਹੁਤ ਸੌਖਾ ਹੋ ਜਾਵੇਗਾ। ਉਸਨੇ ਕਿਹਾ ਕਿ ਪਿਛਲੇ 24 ਘੰਟਿਆਂ ਵਿੱਚ ਲਗਭਗ 10 ਜਹਾਜ਼ਾਂ ਨੂੰ ਲੰਘਦੇ ਦੇਖਿਆ ਗਿਆ ਹੈ, ਜਿਨ੍ਹਾਂ ਵਿੱਚ ਇੱਕ ਰੂਸੀ ਟੈਂਕਰ ਵੀ ਸ਼ਾਮਲ ਹੈ। ਉਸਨੇ ਅੱਗੇ ਕਿਹਾ ਕਿ ਜੇਕਰ ਈਰਾਨ ਜ਼ਿੱਦੀ ਰਵੱਈਆ ਜਾਰੀ ਰੱਖਦਾ ਹੈ ਤਾਂ ਅਮਰੀਕੀ ਜਲ ਸੈਨਾ ਨਿਗਰਾਨੀ ਵਧਾਏਗੀ। ਅਜਿਹੀ ਸਥਿਤੀ ਵਿੱਚ ਖਰਗ ਆਈਲੈਂਡ ਜਾਂ ਓਮਾਨ ਦੇ ਨੇੜੇ ਤੰਗ ਰਸਤੇ ਵਿੱਚੋਂ ਲੰਘਣ ਲਈ ਅਮਰੀਕੀ ਜਲ ਸੈਨਾ ਦੀ ਪਰਮੀਸ਼ਨ ਲੈਣੀ ਪਵੇਗੀ।