: బడ్జెట్ 2026లో ప్రవేశపెట్టిన ఫైనాన్స్ బిల్లు 2026 ప్రకారం, 2025-2026 పన్ను సంవత్సరానికి, అంతకు ముందు సంవత్సరాలకు సంబంధించిన పన్ను రీఫండ్స్, డిఫాల్ట్‌లపై వడ్డీ ఏప్రిల్ 1, 2026 నుంచి కొత్త ఆదాయపు పన్ను చట్టం, 2025 ప్రకారం లెక్కించనున్నారు. అయితే, గత సంవత్సరాలకు వడ్డీని లెక్కించేటప్పుడు 1961 పన్ను చట్టం, 2025 పన్ను చట్టంలోని పాత, కొత్త నిబంధనలు రెండింటినీ ఒకే సమయంలో సూచించవలసి వస్తుందనే ఆచరణాత్మక ఆందోళన తలెత్తుతుంది. ఇది సమ్మతి సవాళ్లకు దారితీయవచ్చని ఆర్థిక విశ్లేషకులు చెబుతున్నారు. ఈ ఏర్పాటును తొలగించి, వడ్డీ లెక్కింపును క్రమబద్ధీకరించి, సర్దుబాట్లలో వెసులుబాటును కల్పించింది.ఆర్‌ఎస్‌ఎం ఇండియా ప్రకారం.. ఫైనాన్స్ చట్టం 2026, ఆదాయపు పన్ను చట్టం 2025లోని సెక్షన్ 536(2)(g)ని సవరించారు. దీని ప్రకారం, 2025-26 పన్ను సంవత్సరం, అంతకు ముందు సంవత్సరాలకు వడ్డీని లెక్కించడానికి ఆదాయపు పన్ను చట్టం 1961లోని సంబంధిత నిబంధనలు వర్తిస్తాయి. అయితే ఏప్రిల్ 1, 2026న లేదా ఆ తర్వాత వర్తించే వడ్డీ రేటు ఆదాయపు పన్ను చట్టం, 2025 ద్వారా నియంత్రిస్తారు. ఇది నిబంధనలు, రేట్ల వర్తింపు మధ్య స్పష్టమైన విభజనను నిర్ధారిస్తుంది. తద్వారా గణనను సులభతరం చేస్తుంది. ద్వంద్వ సూచనను నివారిస్తుంది. ఈ సవరణ ఏప్రిల్ 1, 2026 నుంచి అమలులోకి వస్తుంది. 2026–27 పన్ను సంవత్సరం నుంచి వర్తిస్తుంది.పన్ను రీఫండ్ సర్దుబాటు నిబంధనలుఆదాయపు పన్ను చట్టం 1961, ఆదాయపు పన్ను చట్టం 2025 రెండింటి ప్రస్తుత నిబంధనల ప్రకారం ఆయా చట్టాల కింద చెల్లించవలసిన మొత్తాలకు మాత్రమే పన్ను రీఫండ్ సర్దుబాటు అనుమతిస్తారు. పన్ను రీఫండ్ ఒక చట్టం (2025 లేదా 1961) కింద వస్తుంది. అలాగే ఇతర చట్టం కింద ఒక డిమాండ్ బకాయి ఉండటం వలన అటువంటి మొత్తాలను క్రాస్-అడ్జస్ట్ చేయడం సాధ్యపడదు. ప్రకారం, ఆదాయపు పన్ను చట్టం 1961 లేదా ఆదాయపు పన్ను చట్టం 2025 కింద రావలసిన పన్ను రీఫండులు, ఆ రెండు చట్టాలలో దేని కిందనైనా చెల్లించవలసిన ఏ మొత్తానికైనా సర్దుబాటు చేసుకోవచ్చు.తద్వారా పరిపాలనా సామర్థ్యాన్ని మెరుగుపరచడానికి, పన్ను చెల్లింపుదారుల కష్టాలను తగ్గించడానికి సహాయపడుతుంది. ఆదాయపు పన్ను చట్టం 1961, ఆదాయపు పన్ను చట్టం 2025 రెండింటిలోనూ ఈ సవరణ చేశారు. ఈ సవరణ ఆదాయపు పన్ను చట్టం 1961కి మార్చి 30 2026 నుంచి, అలాగే ఆదాయపు పన్ను చట్టం 2025కి ఏప్రిల్ 1, 2026 నుంచి అమలులోకి వస్తుంది.