വേനൽചൂട് കടുക്കുകയാണ്. അസഹനീയമായ ചൂടും നിർജലീകരണവും മൂലമുള്ള ആരോഗ്യപ്രശ്നങ്ങൾ വർധിക്കുന്ന സമയമാണിത്. നിർജലീകരണം ഒഴിവാക്കാനും ശരീരത്തെ ഉള്ളിൽ നിന്ന് തണുപ്പിക്കാനും നാം കഴിക്കുന്ന ഭക്ഷണ കാര്യത്തിൽ പ്രത്യേക ശ്രദ്ധ വേണം. വേനൽക്കാലത്ത് ആരോഗ്യവും ഉന്മേഷവും നിലനിർത്താൻ സഹായിക്കുന്ന ചില ഭക്ഷണങ്ങൾ ഇതാ.വേനൽക്കാലത്തെ ഏറ്റവും മികച്ച സുഹൃത്താണ് വെള്ളരിക്ക. ഇതിൽ 95 ശതമാനവും വെള്ളമാണ് അടങ്ങിയിരിക്കുന്നത്. ഇത് ശരീരത്തിലെ ചൂട് കുറയ്ക്കാനും ജലാംശം നിലനിർത്താനും സഹായിക്കുന്നു. ധാരാളം നാരുകൾ അടങ്ങിയിട്ടുള്ളതിനാൽ ദഹനപ്രക്രിയ സുഗമമാക്കാനും വെള്ളരിക്ക ഉത്തമമാണ്. സാലഡായോ ജ്യൂസായോ ഇത് ഭക്ഷണത്തിൽ ഉൾപ്പെടുത്താം.പ്രകൃതിദത്തമായ ഇലക്ട്രോലൈറ്റുകളുടെ കലവറയാണ് കരിക്കിൻ വെള്ളം. വെയിലത്ത് പോകുമ്പോൾ ശരീരത്തിൽ നിന്ന് നഷ്ടപ്പെടുന്ന പൊട്ടാസ്യം, മഗ്നീഷ്യം തുടങ്ങിയ പോഷകങ്ങളെ തിരികെ നൽകാൻ ഇതിന് കഴിയും. കൃത്രിമ പാനീയങ്ങൾക്ക് പകരം കരിക്കിൻ വെള്ളം കുടിക്കുന്നത് ക്ഷീണമകറ്റാനും ശരീരത്തിന് പെട്ടെന്ന് ഊർജം നൽകാനും സഹായിക്കും.ALSO READ; സൺസ്ക്രീൻ മാത്രം പോരാ; കൊടുംചൂടിലെ ചർമ്മസംരക്ഷണം, ത്വക്ക് രോഗ വിദഗ്ധ പറയുന്നുഭക്ഷണത്തിന് രുചിയും മണവും നൽകാൻ മാത്രമല്ല, ശരീരത്തെ തണുപ്പിക്കാനും പുതിനയിലയ്ക്ക് പ്രത്യേക കഴിവുണ്ട്. പുതിനയില ചേർത്ത വെള്ളമോ ചായയോ കുടിക്കുന്നത് ഉന്മേഷം നൽകും. ഇതിലെ മെന്തോൾ ഘടകങ്ങൾ ശരീരത്തിലെ ചൂട് നിയന്ത്രിക്കാൻ സഹായിക്കുന്നവയാണ്.വേനൽക്കാല വിപണിയിലെ താരം തണ്ണിമത്തനാണ്. ഇതിലെ ഉയർന്ന ജലാംശവും ലൈക്കോപീൻ പോലുള്ള ആന്റിഓക്സിഡന്റുകളും സൂര്യതാപം മൂലമുള്ള ചർമ്മപ്രശ്നങ്ങളെ തടയാൻ സഹായിക്കുന്നു. ശരീരത്തിലെ വിഷാംശങ്ങളെ പുറന്തള്ളാനും തണ്ണിമത്തൻ മികച്ചതാണ്.The post വേനലിൽ വാടാതിരിക്കണോ? ഈ ഭക്ഷണങ്ങൾ കഴിച്ചാൽ മതി appeared first on Kairali News | Kairali News Live.