അമേരിക്കൻ ഭരണകൂടം മുന്നോട്ടുവെച്ച നിബന്ധനകളിൽ തങ്ങൾക്ക് ഒരുതരത്തിലും വിട്ടുവീഴ്ച ചെയ്യാൻ കഴിയാത്ത കാര്യങ്ങൾ പാകിസ്താൻ വഴി ഇറാൻ യുഎസിന് കൈമാറി.ആണവ പദ്ധതികളുമായി ബന്ധപ്പെട്ട വിഷയങ്ങളിലും ഹോർമുസ് കടലിടുക്കിന്റെ നിയന്ത്രണത്തിലും തങ്ങളുടെ നിലപാടുകളിൽ മാറ്റമില്ലെന്ന് ഇറാൻ വ്യക്തമാക്കിയതായി ഇറാന്റെ ഔദ്യോഗിക വാർത്താ ഏജൻസിയായ ‘ഫാർസ്’ റിപ്പോർട്ട് ചെയ്തു.പാകിസ്താനിൽ നടന്ന ചർച്ചകളിൽ ഇറാൻ വിദേശകാര്യമന്ത്രി അബ്ബാസ് അരാഖ്ചി രാജ്യത്തിന്റെ താൽപ്പര്യങ്ങൾക്കും തത്വങ്ങൾക്കും ഉള്ളിൽ നിന്നുകൊണ്ട് മാത്രമാണ് സംസാരിച്ചതെന്ന് ഇറാന്റെ റെവല്യൂഷണറി ഗാർഡുമായി അടുത്ത വൃത്തങ്ങൾ സൂചിപ്പിച്ചു.അമേരിക്കയുടെ പ്രധാന ആവശ്യങ്ങളായ ആണവ നിരായുധീകരണം, ഹോർമുസ് കടലിടുക്കിന്റെ തുറന്നുകൊടുക്കൽ എന്നീ കാര്യങ്ങളിൽ ഇറാൻ കടുത്ത നിലപാടിലാണ്.പാകിസ്താൻ വഴി കൈമാറിയ ഈ സന്ദേശങ്ങൾ കേവലം ചർച്ചകളുടെ ഭാഗമല്ലെന്നും, മറിച്ച് മേഖലയിലെ സാഹചര്യം വ്യക്തമാക്കുന്നതിനുള്ള ഇറാന്റെ ഒരു മുൻകൈ ആണെന്നും റിപ്പോർട്ടുകൾ പറയുന്നു.തങ്ങളുടെ അതിരുകൾ ലംഘിക്കാൻ ആരെയും അനുവദിക്കില്ലെന്ന സന്ദേശമാണ് ഇതിലൂടെ ഇറാൻ നൽകുന്നത്. ഹോർമുസ് കടലിടുക്കിലെ നിയന്ത്രണം അമേരിക്കയെ പ്രതിരോധിക്കുന്നതിനുള്ള തന്ത്രപരമായ നീക്കമാണെന്നും ഇറാൻ ആവർത്തിച്ചു.ഇറാന്റെ ഈ കർക്കശമായ നിലപാട് കാരണം പാകിസ്താൻ മധ്യസ്ഥതയിൽ നടന്നിരുന്ന സമാധാന ശ്രമങ്ങൾ കൂടുതൽ സങ്കീർണ്ണമാകാൻ സാധ്യതയുണ്ട്. നേരത്തെ അമേരിക്കൻ പ്രതിനിധികളെ ചർച്ചയ്ക്ക് അയക്കില്ലെന്ന് ട്രംപ് പ്രഖ്യാപിച്ചത് ഈ പശ്ചാത്തലത്തിലാണെന്ന് കരുതപ്പെടുന്നു.The post വിട്ടുവീഴ്ചയ്ക്കില്ലെന്ന് ഇറാൻ; പാകിസ്താൻ വഴി അമേരിക്കയ്ക്കുള്ള മറുപടി കൈമാറി appeared first on Arabian Malayali.