തെരഞ്ഞെടുപ്പ് കഴിഞ്ഞു, റസൾട്ട് വരാൻ ഇനിയും ദിവസങ്ങൾ ബാക്കിയുണ്ട്. എന്നാൽ കോൺഗ്രസിൽ ഇപ്പൊഴേ പോരാണ്. എന്താണ് പോരിന് കാരണമെന്നല്ലേ… കിട്ടാത്ത മുഖ്യമന്ത്രിക്കസേരയ്ക്കായാണ് അവരുടെ പോര്. ഓരോ നേതാക്കന്മാരും അവരുടെ അനുയായികളും മുഖ്യമന്ത്രിക്കസേരയക്കായുള്ള പോരിലാണ്. വിഡി സതീശൻ, കെസി വേണുഗോപാൽ,രമേശ് ചെന്നിത്തല എന്നിവർ എങ്ങനെ ഒരോരുത്തരെ പിന്നിലാക്കാം എന്ന ആലോചനയിലാണ്. ഇപ്പോഴിതാ രമേശ് ചെന്നിത്തല ഒരു ഇംഗ്ലീഷ് ദിനപ്പത്രത്തിൽ സ്വയം പുകഴ്ത്തി പരസ്യം കൊടുത്തിരിക്കുയാണ്. ഇനി മുഖ്യമന്ത്രിയെപ്പറ്റിയുള്ള ചർച്ചകൾ പാടില്ലെന്ന് കെപിസിസി അധ്യക്ഷൻ പറഞ്ഞതിനെ വക വെക്കാതെയാണ് ചെന്നിത്തലയുടെ ഈ പരിപാടി. ഇതോടെ കോൺഗ്രസ് പാർട്ടിക്കുള്ളിൽ തന്നെ ഇത് വലിയ ചർച്ചയായിരിക്കുകയാണ്.‘ലോങ്ങ് മാർച്ച് ഓഫ് എ കോൺഗ്രസ് മാൻ’ എന്ന തലക്കെട്ടോടെ നൽകിയിട്ടുള്ള ഈ പെയ്ഡ് ഫീച്ചർ തിരുവനന്തപുരം ഡിസിസി ജനറൽ സെക്രട്ടറി പ്രജിൻ ബാബുവിന്റെ പേരിലാണ് പ്രസിദ്ധീകരിച്ചിരിക്കുന്നത്.Also read: ചുട്ടുപൊള്ളി, വെന്തുരുകി കേരളം, വേണം ജാഗ്രത; സംസ്ഥാനത്ത് ഇന്നും താപനില മുന്നറിയിപ്പ്ചെന്നിത്തലയുടെ രാഷ്ട്രീയ പാരമ്പര്യവും കഴിഞ്ഞകാല പ്രവർത്തനങ്ങളും എടുത്തുപറയുന്ന ഈ പരസ്യത്തിൽ ഇന്ദിരാഗാന്ധി, രാജീവ് ഗാന്ധി, കെ. കരുണാകരൻ തുടങ്ങിയ പ്രമുഖ നേതാക്കളോടൊപ്പമുള്ള അദ്ദേഹത്തിന്റെ ചിത്രങ്ങളും കാണാം. മുഖ്യമന്ത്രി സ്ഥാനത്തേക്ക് താൻ യോഗ്യനാണെന്നാണ് നേതൃത്വത്തെ അറിയിക്കാനാണ് രമേശ് ചെന്നിത്തലയുടെ ഈ പെടാപാടെല്ലാം. കേരളത്തിലെ നേതാക്കളെയോ അണികളെയോ ലക്ഷ്യം വെച്ചല്ല, മറിച്ച് ഹൈക്കമാൻഡിനെ സ്വാധീനിക്കാനാണ് ഇംഗ്ലീഷ് പത്രത്തിൽ ഇത്തരമൊരു പരസ്യം നൽകിയിരിക്കുന്നതെന്ന് വ്യക്തമാണ്. കെ.സി. വേണുഗോപാലിന് ഹൈക്കമാൻഡിലുള്ള സ്വാധീനവും വി.ഡി. സതീശന് ഘടകകക്ഷികൾക്കിടയിലുള്ള പിന്തുണയും കണക്കിലെടുത്ത് സ്വന്തം നില സുരക്ഷിതമാക്കാനുള്ള ശ്രമത്തിലാണ് ചെന്നിത്തല.Also read: നീലഗിരിയിൽ കാട്ടാന ആക്രമണത്തിൽ യുവാവിന് ദാരുണാന്ത്യം മുഖ്യമന്ത്രി സ്ഥാനത്തെച്ചൊല്ലിയുള്ള തർക്കങ്ങൾ പാടിലെന്ന് കെപിസിസി അധ്യക്ഷൻ പറഞ്ഞിട്ടുണ്ടെങ്കിലും അതിനൊക്കേയും പുല്ലുവിലയാണ് ഈ നേതാക്കൾ നൽകുന്നതെന്നും വ്യക്തം. വിഡി സതീശൻ്റെ നിരവധി ബോർഡുകളും സംസ്ഥാനത്തിന്റെ വിവിധ ഭാഗങ്ങളിൽ പ്രത്യക്ഷപ്പെട്ടിരുന്നു. കെസി വേണുഗോപാൽ സമൂഹമാധ്യമത്തിലൂടെ മുഖ്യമന്ത്രിക്കസേരെ ഒപ്പിക്കാനുള്ള പണിയിലുമാണ്.The post എൻ്റെ തല എൻ്റെ ഫുൾ ഫിഗർ… ഹൈക്കമാൻ്റിത് കാണുന്നുണ്ടല്ലോ അല്ലേ? ഇംഗ്ലീഷ് ദിനപ്പത്രത്തിൽ ‘താൻ യോഗ്യനെ’ന്ന് പരസ്യം നൽകി രമേശ് ചെന്നിത്തല appeared first on Kairali News | Kairali News Live.