മനാമ: സൗദി അറേബ്യയുടെ മധ്യഭാഗത്തുള്ള മഴമേഘങ്ങള്‍ കിഴക്ക് ദിശയിലേക്ക് നീങ്ങുന്നതിനാല്‍ ഇന്ന് രാത്രി വൈകിയോ നാളെ പുലര്‍ച്ചെയോ ബഹ്റൈനില്‍ മഴ ലഭിക്കാന്‍ സാധ്യതയുണ്ടെന്ന് കാലാവസ്ഥാ വകുപ്പ് അറിയിച്ചു. മഴയ്ക്ക് സാധ്യതയുള്ള മേഘക്കൂട്ടങ്ങള്‍ ബഹ്റൈന്‍ ലക്ഷ്യമാക്കി നീങ്ങുന്നതായി ഉപഗ്രഹ ചിത്രങ്ങള്‍ വ്യക്തമാക്കുന്നു.മഴയ്ക്കൊപ്പം തന്നെ ശക്തമായ വടക്കന്‍ കാറ്റും ഇടയ്ക്കിടെ വീശിയേക്കാവുന്ന അതിശക്തമായ കാറ്റും വെള്ളിയാഴ്ച അവസാനം വരെ തുടരാന്‍ സാധ്യതയുണ്ട്. ഇത് അന്തരീക്ഷത്തില്‍ പൊടിപടലങ്ങള്‍ നിറയുന്നതിനും കടല്‍ പ്രക്ഷുബ്ധമാകുന്നതിനും കാരണമായേക്കാം.താമസക്കാര്‍ കാലാവസ്ഥാ അപ്ഡേറ്റുകള്‍ ശ്രദ്ധിക്കണമെന്നും രാത്രിയിലും പുലര്‍ച്ചെയും വാഹനങ്ങള്‍ ഓടിക്കുമ്പോള്‍ ജാഗ്രത പാലിക്കണമെന്നും അധികൃതര്‍ നിര്‍ദ്ദേശിച്ചു. The post സൗദിയില് നിന്ന് മഴമേഘങ്ങള് എത്തുന്നു; ഇന്ന് രാത്രി ബഹ്റൈനില് മഴയ്ക്ക് സാധ്യത appeared first on Bahrain Vartha ബഹ്റൈൻ വാർത്ത.