ఢీ షో లేటెస్ట్ ఎపిసోడ్ ప్రోమో వచ్చింది. ఓవైపు వైల్డ్ కార్డ్ ఎంట్రీలు.. మరోవైపు పాత కంటెస్టెంట్లు తమ పెర్ఫామెన్స్‌లు ఇరగదీస్తున్నారు. కంటెస్టెంట్ రాజు.. నవ మన్మథుడు సినిమాలోని 'ఏం అన్నావో ఏం విన్నానో' సాంగ్‌కి రొమాంటిక్ పెర్ఫామెన్స్ ఇచ్చాడు. స్టార్ నుంచి ఎండ్ వరకూ మీరు చేస్తుంటే అలానే చూడాలనిపించింది అంటూ విజయ్ బిన్ని మాస్టర్ మెచ్చుకున్నారు.ఈ పెర్ఫామెన్స్‌కి రాజు పక్కన చేసిన అమ్మాయి.. 2 అవర్స్ ముందే నేను ఈ సాంగ్ నేర్చుకున్నాను.. టెన్షన్ వచ్చేసింది.. అంటూ మాట్లాడింది. ఇంతలో చిట్టి మాస్టర్.. స్టేజ్ మీదకి వచ్చి రమేశ్ మాస్టర్‌యే చాలా మోటివేషన్ చేసి ఇలా చేయించారని అన్నాడు. దీంతో రమేష్ మాస్టర్ స్టేజ్ మీదకి వచ్చారు. రమేష్ మాస్టర్‌పై పంచులురమేష్‍‌ని ఆది సరదాగా ఆటపట్టించాడు. మనిషి చిన్నోడే కానీ మోటివేషన్‌ పెద్దది మాస్టర్.. ఈ షో ప్రొడ్యూసర్ల కంటే అతనే ఎక్కువసార్లు కనపడుతున్నాడు.. ఇంకేదైనా పనుంటే చూసుకొని రావచ్చు కదా ఎప్పుడూ ఈడే తిరుగుతున్నావ్.. అంటూ ఆది అనడంతో రమేష్‌తో పాటు సెట్ మొత్తం తెగ నవ్వుకుంది. ఆ తర్వాత మరో కంటెస్టెంట్ జతిన్‌ని కూడా తన పంచులు, ప్రశ్నలతో ఆది తెగ ఇబ్బంది పెట్టాడు. వైల్డ్ కార్డ్స్‌లో ఎవరు అందంగా ఉన్నారు ఎక్కువ అంటే నువ్వు ఒక పేరు నా చెవిలో చెప్పావ్.. అని ఆది అనగానే బాాబోయ్ అన్నట్లుగా జతిన్ దండం పెట్టాడు. ఇంతలో శ్వేత నాయుడని నాకు చెప్పావ్ కదరా అని నందు అన్నాడు. ఆ విషయంలో శ్వేత నాయుడికి కూడా నమ్మకం లేదులే కానీ అంటూ ఆది పంచులేశాడు.ఎక్కడ, ఏ రోజు, ఏం జరిగింది చెప్పు అని అడిగితే ఏం జరిగిందన్నా అసలు అంటూ జతిన్ కూడా కామెడీ చేశాడు. రేయ్ ఏం జరగక్కుండానే లాస్ట్ వీక్ అలాంటి పెర్ఫామెన్స్ ఇచ్చావా అంటూ గురించి ఆది పంచులేశాడు. ప్రోమోలో కంటెస్టెంట్ భూమిక పెర్ఫామెన్స్ కూడా హైలెట్‌గా ఉంది. ఠాగూర్ సినిమాలోని 'చిన్నగ చిన్నగ' పాటకి రొమాంటిక్ పెర్ఫామెన్స్ ఇచ్చింది భూమిక. రాఘవేంద్రరావు గారు వచ్చి మన స్టేజ్ మీదకి వచ్చి కొరియోగ్రఫీ సెటప్ చేస్తే ఎలా ఉంటుందో ఆ రేంజ్‌లో ఉందంటూ బిన్ని మెచ్చుకున్నారు. ప్రోమో చివరిలో ఫైమాతో అభి మాస్టర్‌ని డ్యాన్స్ చేయాలంటూ నందు అడగడంతో అందరూ తెగ నవ్వుకున్నారు. కానీ మొత్తానికి ఇద్దరూ అయితే చిన్నగా రెండు స్టెప్పులేశారు.