Gold Price Fall: అమెరికా- ఇజ్రాయెల్- ఇరాన్ యుద్ధంతో అంతర్జాతీయంగా తీవ్ర అనిశ్చితి నెలకొన్న సంగతి తెలిసిందే. ఈ యుద్ధ భయాందోళనల నడుమ బంగారం ధర రెండు రోజులుగా భారీగా పెరిగిన సంగతి తెలిసిందే. దేశీయంగా, అంతర్జాతీయంగా అదే స్థాయిలో పెరిగాయి. .. మధ్యాహ్నం 2.40 గంటల సమయంలో ధర దిగొచ్చింది. రూ. 2 వేలకుపైగా పతనమైంది. ఒకవైపు ఇంటర్నేషనల్ మార్కెట్లో పెరిగినప్పటికీ.. దేశీయంగా అందుకు తగ్గట్లుగా ధర పెరగలేదు. అయితే శనివారం, ఆదివారం అంతర్జాతీయ మార్కెట్లో గోల్డ్ ట్రేడింగ్ బంద్ ఉన్నప్పటికీ.. యుద్ధం నేపథ్యంలో దేశీయంగా శని, ఆదివారమే భారీగా పెరిగాయి. దీంతో భారత దేశంలో అక్కడి పెరుగుదల ప్రభావం పూర్తి స్థాయిలో ఇంకా కనిపించలేదు. దేశీయంగా ఇవాళ మధ్యాహ్నం వేళ తులం రూ. 2350 తగ్గింది. దీంతో 22 క్యారెట్ల పసిడి ధర హైదరాబాద్ నగరంలో తులం రూ. 1,56,300 కు చేరింది. అంతకుముందు సోమవారం ఉదయం ఈ ధర రూ. 4 వేలు, ఫిబ్రవరి 28న రూ. 6550 మేర పెరిగింది. ప్రముఖ జువెల్లరీల్లో బంగారం ధర ఎలా ఉందో ఇప్పుడు తెలుసుకుందాం. ఈ వార్త రాసే సమయంలో మధ్యాహ్నం 2.40 గంటలకు లలితా జువెల్లరీలో 22 క్యారెట్ల గ్రాము బంగారం ధర రూ. 15,630 గా ఉంది. ఉదయం 10 గంటల సమయంలో ఇది రూ. 15,865 వద్ద ఉంది. ఇతర జువెల్లరీల్లో చూస్తే టాటా ప్రొడక్ట్ తనిష్క్‌లో ప్రస్తుతం 22 క్యారెట్లకు చెందిన గ్రాము బంగారం ధర రూ. 15,605 గా ఉంది. కిందటి రోజు ఇది గ్రాముకు రూ. 15,905 గా ఉండేది. ఖజానా జువెల్లరీలో చూస్తే గ్రాము పసిడి ధర ప్రస్తుతం రూ. 15,565 గా ఉంది. మలబార్ గోల్డ్ అండ్ డైమండ్స్, జోయాలుక్కాస్‌, కల్యాణ్ జువెల్లర్స్‌లోనూ ధరలు ఇదే స్థాయిలో ఉన్నాయి. ఈ ధరలు అంతర్జాతీయ మార్కెట్ ధరలకు అనుగుణంగా మారుతుంటాయని గుర్తుంచుకోవాలి. ఇది మధ్యాహ్నం 2.40 గంటల సమయంలో రేట్లు. సాయంత్రం కల్లా మళ్లీ మారే అవకాశం ఉందని గుర్తుంచుకోవాలి. అయితే అన్ని షాపుల్లో.. అన్ని ప్రాంతాల్లో ఒకేలా ఉండవు. స్థానక పన్ను రేట్లు, ఇతర అంశాలు ప్రభావితం చేస్తుంటాయి. గోల్డ్ జువెల్లరీ కొనుగోలు చేసే సమయంలో.. అదనంగా 3 శాతం జీఎస్టీ చెల్లించాల్సి ఉంటుంది. మేకింగ్ ఛార్జీలపైనా 5 శాతం జీఎస్టీ చెల్లించాలి. మేకింగ్ ఛార్జీలు కూడా షాపుల్ని బట్టి వేర్వరేగా ఉంటాయి. అంతర్జాతీయ మార్కెట్లో చూస్తే ప్రస్తుతం స్పాట్ గోల్డ్ ధర ఔన్సుపై 5,400 డాలర్ల స్థాయిలో ఉంది. కిందటి రోజుతో పోలిస్తే ఇది భారీగానే పెరిగింది. సిల్వర్ ధర కూడా 95 డాలర్ల మార్కు అధిగమించింది. దీనికి అనుగుణంగా దేశీయంగా బంగారం రేట్లు మార్చి 2 సాయంత్రం లేదా మార్చి 3 ఉదయం పెరిగే అవకాశాలు ఉన్నాయి.