സംസ്ഥാനത്തെ വൈദ്യുതി പ്രതിസന്ധി ചർച്ചചെയ്യാൻ ഇന്ന് ഉന്നതതല യോഗം ചേരും. സംസ്ഥാനത്തെ വൈദ്യുതി ഉപഭോഗം റെക്കോർഡിട്ടിരിക്കുകയാണ്. ചരിത്രത്തിൽ ആദ്യമായി പ്രതിദിന വൈദ്യുതി ഉപയോഗം 6000 മെഗാവാട്ടിൽ എത്തിയിരുന്നു.ചൂട് കൂടിയതും എൽപിജി പ്രതിസന്ധിയുമാണ് വൈദ്യുതി ഉപഭോഗം കുത്തനെ കൂടാൻ കാരണമായത്. അതേസമയം സംസ്ഥാനത്ത് വൈദ്യുതി നിയന്ത്രണം ഉണ്ടാകില്ലെന്നാണ് വിവരം. ആഭ്യന്തര ഉൽപാദനം കൂട്ടുന്നതും ചർച്ചയാകും.ALSO READ: പൊള്ളുന്ന ചൂടിൽ ഇനി ക്ലാസിന് പോകേണ്ട; വേനലവധിക്കാലത്തെ സ്പെഷ്യൽ ക്ലാസുകൾ അനുവദിക്കില്ല: മന്ത്രി വി ശിവൻ കുട്ടികഴിഞ്ഞ ദിവസം വൈകിട്ടോടെയാണ് സംസ്ഥാനത്ത വൈദ്യുതിയുടെ ആവശ്യകത 6012 മെഗാവാട്ട് പിന്നിട്ടത്. ആദ്യമായിട്ടാണ് ഉപഭോഗം 6000 മെഗാവാട്ട് താണ്ടുന്നത്. ഈ മാസം 13ന് രേഖപ്പെടുത്തിയ 5933 മെഗാവാട്ടായിരുന്നു നേരത്തെയുള്ള വൈദ്യുതി ഉപഭോഗ റെക്കോർഡ്.ബുധനാഴ്ചത്തെ ആകെ വൈദ്യുതി ഉപയോഗം 112.52 ദശലക്ഷം യൂണിറ്റായിരുന്നു. ക‍ഴിഞ്ഞ വർഷത്തെ അപേക്ഷിച്ച് പ്രതിദിനം എട്ട് ലക്ഷം യൂണിറ്റിന്റെ വർധനവാണ് രേഖപ്പെടുത്തിയെന്നാണ് കെഎസ്ഇബി നൽകുന്ന വിവരം. വൈദ്യുതി ഉപയോഗിക്കുമ്പോള്‍ ജാഗ്രത വേണമെന്നും അധികൃതർ അറിയിച്ചു.The post സംസ്ഥാനത്തെ വൈദ്യുതി പ്രതിസന്ധി; വൈദ്യുതി നിയന്ത്രണം ഉണ്ടാകില്ല, ഉന്നതതല യോഗം ഇന്ന് appeared first on Kairali News | Kairali News Live.