മണിപ്പൂരിൽ ഭൂകമ്പം. മണിപ്പൂരിലെ കാംജോങ് ജില്ലയിൽ ചൊവ്വാഴ്ച രാവിലെ ആണ് ഭൂകമ്പം അനുഭവപ്പെട്ടത്. റിക്ടർ സ്കെയിലിൽ 5.2 തീവ്രത ആണ് രേഖപ്പെടുത്തിയത്. മേഖലയിലുടനീളം ശക്തമായ ഭൂചലനം അനുഭവപ്പെട്ടതായി ഔദ്യോഗിക കണക്കുകൾ സൂചിപ്പിക്കുന്നു. നാഷണൽ സെന്റർ ഫോർ സീസ്മോളജി സ്ഥിരീകരിച്ച പ്രകാരം പുലർച്ചെ 5:59 നാണ് ഭൂകമ്പം ഉണ്ടായത്. കാംജോങ് പ്രദേശത്തും പരിസര പ്രദേശങ്ങളിലും ഭൂചലനം അനുഭവപ്പെട്ടു, ഇത് നിവാസികളിൽ ചെറിയ പരിഭ്രാന്തി സൃഷ്ടിച്ചു. ഇതുവരെ ജീവഹാനിയോ വലിയ നാശനഷ്ടങ്ങളോ റിപ്പോർട്ട് ചെയ്തിട്ടില്ല.അതേസമയം, തിങ്കളാഴ്ച ഉത്തരാഖണ്ഡിലും ഭൂകമ്പം അനുഭവപ്പെട്ടു. തിങ്കളാഴ്ച രാത്രി 8:32 ന് പൗരി ഗർവാളിൽ 3.0 തീവ്രത രേഖപ്പെടുത്തിയ ഭൂകമ്പം ഉണ്ടായത്. അക്ഷാംശം 29.959°N ലും രേഖാംശം 78.378°E ലും 10 കിലോമീറ്റർ താഴ്ചയിലാണ് പ്രഭവകേന്ദ്രമെന്ന് നാഷണൽ സെന്റർ ഫോർ സീസ്മോളജി അറിയിച്ചു.ALSO READ: ‘നരേന്ദ്രമോദി ഭരണത്തിൽ ഓച്ഛാനിച്ചു നിൽക്കാത്ത പല സംസ്ഥാനങ്ങളും ഇവിടെയുണ്ട്, തമിഴ്നാടും കേരളവും അതിന് ഉദാഹരണം’; എം എ ബേബിഇന്നലെ ജപ്പാനിലും വടക്കൻ തീരത്ത് ശക്തമായ ഭൂകമ്പം റിപ്പോർട്ട് ചെയ്തതിന് പിന്നാലെ സുനാമി മുന്നറിയിപ്പ് നൽകിയിരുന്നു. സാൻറികു തീരത്താണ് 7.5 തീവ്രത രേഖപ്പെടുത്തിയ ഭൂകമ്പം ഉണ്ടായത്. The post മണിപ്പൂരിൽ ഭൂകമ്പം; റിക്ടർ സ്കെയിലിൽ 5.2 തീവ്രത രേഖപ്പെടുത്തി appeared first on Kairali News | Kairali News Live.