(21 اپریل 2026): ایک شادی کی تقریب میں اُس وقت افراتفری مچ گئی جب شرکت کرنے والے 400 افراد کی کھانا کھانے کے بعد حالت غیر ہوگئی۔انڈین میڈیا کی رپورٹس کے مطابق واقعہ بھارتی ریاست گجرات کے ایک ضلع میں پیش آیا۔ فوڈ پوائزننگ کے اس بڑے واقعے نے ایک بار پھر کھانے کی حفاظت میں بار بار ہونے والی کوتاہیوں کو موضوع بحث بنایا۔گجرات میں حالیہ برسوں کے دوران یہ اپنی نوعیت کے بڑے واقعات میں سے ایک ہے جو کئی اضلاع میں دیکھے جانے والے تشویشناک رجحان کی عکاسی کرتا ہے۔یہ بھی پڑھیں: شادی میں کھانا کھانے سے 200 افراد کی حالت غیرحکام کے مطابق شادی میں کھانا کھانے کے کچھ ہی دیر بعد مہمانوں میں الٹی، متلی اور پیٹ میں مروڑ جیسی علامات ظاہر ہونا شروع ہوگئیں۔ مریضوں کی تعداد میں اچانک اضافے سے افراتفری پھیل گئی اور اہل خانہ متاثرہ افراد کو قریبی اسپتالوں اور صحت کے مراکز لے گئے۔واقعہ رپورٹ ہونے پر طبی ٹیموں کو ہنگامی بنیادوں پر تعینات کیا گیا۔ زیادہ تر مریضوں کو علاج کے بعد ڈسچارج کر دیا گیا تاہم کچھ کی حالت تشویشناک ہے، لیکن اب تک کسی جانی نقصان کی اطلاع نہیں ملی۔حکام نے واقعے کی تحقیقات شروع کر دی اور کھانے کے نمونے لیبارٹری ٹیسٹ کیلیے بھیج دیے گئے۔ ابتدائی شک آلودہ یا غیر مناسب طریقے سے محفوظ کیے گئے کھانے پر کیا جا رہا ہے لیکن اصل وجہ کی تصدیق ہونا ابھی باقی ہے۔حکام اس بات کا بھی جائزہ لے رہے ہیں کہ آیا اس بڑے اجتماع کے دوران کیٹرنگ کے پروٹوکولز اور صفائی کے معیارات پر عمل کیا گیا تھا یا نہیں۔