లేకుండా మ్యాచ్ చూడగలమా? ధోనీ స్క్వాడ్‌లో ఉండి కూడా ప్లేయింగ్ 11లో ఆడకుండా ఉండగలడా? అన్న పెద్ద పెద్ద ప్రశ్నలకు అన్ని సమాధానాలు ఇచ్చేసింది. ఒక్క చెపాక్ స్టేడియమే కాదు, దేశంలోని ఏ గ్రౌండ్‌లో అయినా ధోనీ ఎంట్రీ ఇస్తే వచ్చే వైబ్సే వేరు. కేవలం ధోనీని చూసేందుకే ఫ్యాన్స్ మ్యాచ్‌కి వస్తున్నారు అన్నది కూడా అతిశయోక్తి కాదు. అలాంటిది ధోనీ లేకుండానే సీఎస్కే దాదాపు సగం సీజన్ ఆడేసింది. ఐపీఎల్ 2026లో ధోనీ స్పెషల్ అట్రాక్షన్ ఇస్తాడనుకుంటే ఫ్యాన్స్‌కి పెద్ద ట్విస్టే ఇచ్చాడు. 44 సంవత్సరాల వయస్సులో కూడా ఓ రేంజ్‌లో ప్రాక్టీస్ చేసి ఈ ఏడాది భారీ సిక్సర్లతో ఊపేస్తాడు అనేలా చేశాడు. కానీ.. ఇక రేపటి నుంచి ఐపీఎల్ ప్రారంభం అవుతుందనగా గాయం కారణంగా ధోనీ దూరమవుతున్నాడనే వార్తలు వచ్చాయి. దాంతో ఫ్యాన్స్ ఒక్కసారిగా షాక్ అయ్యారు. తొలుత రెండు వారాల పాటు దూరమవుతాడని చెప్పిన సీఎస్కే మేనేజ్‌మెంట్, ఇప్పటి వరకు ఎప్పుడు వస్తాడు అనేది క్లారిటీనే ఇవ్వలేదు. బెంగళూరు చిన్నస్వామి స్టేడియం వేదికగా ఆర్సీబీతో జరిగే మ్యాచ్‌లో కచ్చితంగా కమ్ బ్యాక్ ఇస్తాడని అనుకున్నారు. కానీ, ఇంకొన్ని రోజులు ఆలస్యం అవుతుందనే అప్డేట్ సీఎస్కే నుంచి వచ్చేసింది. దాంతో తలా ఎప్పుడొస్తాడని ఫ్యాన్స్ వేయి కళ్లతో ఎదురుచూస్తున్నారు. ఐపీఎల్ 2026ను ఘనంగా ఆరంభిస్తామని చెప్పిన సీఎస్కే.. వరుసగా మూడు మ్యాచ్‌లలో ఓడిపోయి పాత కథే రిపీట్ చేసింది. రాజస్థాన్ రాయల్స్ నుంచి ట్రేడ్ చేసుకున్న సంజూ శాంసన్ కూడా తొలి మూడు మ్యాచ్‌లలో విఫలమయ్యాడు. ఢిల్లీతో మ్యాచ్‌కి ఎక్కువ రోజుల సమయం ఉండటంతో అందరూ కాస్తంత సమయం తీసుకున్న రీసెట్ అయ్యి.. సీఎస్కే ఈజ్ బ్యాక్ అనిపించారు. చెపాక్ వేదికగా ఢిల్లీ క్యాపిటల్స్‌తో జరిగిన మ్యాచ్‌లో సంజూ శాంసన్ సెంచరీతో చెలరేగడం.. జెమీ ఓవర్టన్ బౌలింగ్‌తో మ్యాజిక్ చేయడంతో సీఎస్కే తొలి విజయాన్ని నమోదు చేసుకుంది. ఇక అదే జోష్ ఇకపై ఈ సీజన్‌లో కొనసాగించాలని సీఎస్కే ఫిక్స్ అయింది. కోల్‌కతా నైట్ రైడర్స్‌తో జరిగే మ్యాచ్‌లో కూడా గెలిచి సత్తా చాటాలని సీఎస్కే చూస్తోంది. కోల్‌కతా నైట్ రైడర్స్ కూడా ఈ సీజన్‌లో దారుణంగా విఫలమైంది. నాలుగు మ్యాచ్‌లు ఆడితే ఒక్కదాంట్లో కూడా గెలవలేదు. మూడు మ్యాచ్‌లలో ఓడిన కేకేఆర్, వర్షం కారణంగా మరో మ్యాచ్ రద్దవడంతో ఒక్క పాయింట్ దక్కించుకుంది. గతంలో కూడా సీఎస్కే మీద గెలిచిన కోల్‌కతా సేమ్ సీన్ రిపీట్ చేయాలని అనుకుంటోంది.