: మరో కొత్త ఏడాదిలోకి అడుగుపెడుతున్నాం. 2026లో మీరు కొత్త ఇల్లు కొనాలన్నా లేదా కారు తీసుకోవాలన్నా మీ ఆర్థిక ఆరోగ్యం బాగుండాలి. అందుకు ప్రాణం వంటిది మీ (). క్రెడిట్ స్కోర్ బాగుంటే తక్కువ వడ్డీకే రుణాలు లభిస్తాయి. ప్రస్తుత రోజుల్లో చాలా మంది క్రెడిట్ స్కోర్ తక్కువగా ఉందని బాధపడుతున్నారు. సిబిల్ స్కోర్ ఎలా పెంచుకోవాలో తెలియక ఇబ్బంది పడుతున్నారు. మరి ఈ కొత్త ఏడాదిలో మీ స్కోర్‌ను మెరుగుపరుచుకోవడానికి పాటించాల్సిన 4 ముఖ్యమైన తీర్మానాలు తెలుసుకుందాం. 1. చెల్లింపుల్లో క్రమశిక్షణమీ క్రెడిట్ కార్డు బిల్లులు లేదా లోన్ ఈఎంఐలను ఒక్క రోజు కూడా ఆలస్యం చేయకుండా చెల్లించాలని నిర్ణయించుకోండి. ఒకవేళ మర్చిపోతామని భయం ఉంటే, మీ బ్యాంక్ ఖాతాలో 'ఆటో-పే' (Auto-pay) ఆప్షన్‌ను యాక్టివేట్ చేసుకోండి. సకాలంలో చెల్లింపులు చేయడం వల్ల మీ స్కోర్ వేగంగా పెరుగుతుంది.2. క్రెడిట్ వినియోగంపై నియంత్రణ (Credit Utilization Ratio)మీకు ఉన్న క్రెడిట్ కార్డు లిమిట్‌ను మొత్తం వాడేయకండి. నిపుణుల సూచన ప్రకారం, మీ మొత్తం పరిమితిలో కేవలం 30 శాతం మాత్రమే వాడటం ఉత్తమం. ఉదాహరణకు మీ లిమిట్ రూ. 1,00,000 అయితే, రూ. 30,000 కంటే ఎక్కువ ఖర్చు చేయకుండా ఉండటానికి ప్రయత్నించండి. దీనివల్ల మీరు అప్పులపై ఎక్కువగా ఆధారపడటం లేదనే సానుకూల సంకేతం క్రెడిట్ బ్యూరోలకు వెళ్తుంది.3. క్రెడిట్ రిపోర్ట్‌ను క్రమం తప్పకుండా తనిఖీ చేయండిచాలామంది తమ క్రెడిట్ రిపోర్ట్‌ను అస్సలు చూడరు. ఒక్కోసారి బ్యాంకుల పొరపాట్ల వల్ల లేదా మీ పేరుతో ఎవరైనా మోసపూరిత రుణాలు తీసుకోవడం వల్ల మీ స్కోర్ పడిపోవచ్చు.అందులో ఏవైనా తప్పులు ఉంటే వెంటనే సరిదిద్దుకోవాలని ఈ ఏడాది తీర్మానం చేసుకోండి.4. అతిగా లోన్ల కోసం దరఖాస్తు చేయకండి (Limit Hard Inquiries)తక్కువ కాలంలోనే ఎక్కువ క్రెడిట్ కార్డుల కోసం లేదా పర్సనల్ లోన్ల కోసం దరఖాస్తు చేయకండి. మీరు అప్లై చేసిన ప్రతిసారీ బ్యాంకులు మీ క్రెడిట్ రిపోర్ట్‌ను తనిఖీ చేస్తాయి (Hard Inquiry). ఇలా పదే పదే చేయడం వల్ల మీ స్కోర్ తగ్గుతుంది. మీకు నిజంగా అవసరమైతే తప్ప కొత్త అప్పుల కోసం ప్రయత్నించకండి.క్రెడిట్ స్కోర్ అనేది రాత్రికి రాత్రే పెరిగేది కాదు. దీనికి కొంత సమయం, క్రమ శిక్షణ అవసరం. పైన చెప్పిన నాలుగు సూత్రాలను 2026 అంతటా పాటిస్తే, మీ ఆర్థిక పరిస్థితి మెరుగుపడటమే కాకుండా, భవిష్యత్తులో తక్కువ వడ్డీకే రుణాలు పొందే అవకాశం ఉంటుంది. మంచి క్రెడిట్ స్కోర్ ఉండడం వల్ల వేగంగా రుణాలు రావడమే కాదు తక్కువ వడ్డీకే లోన్స్ ఇస్తారు. మీరు వడ్డీ రేటు తగ్గించమని బ్యాంకులను కోరేందుకు మీకు అవకాశం లభిస్తుంది. ఆర్థిక క్రమ శిక్షణ లవాటు పడుతుంది.