تہران: ایران میں سیکیورٹی فورسز سے مظاہرین کی جھڑپوں کے باعث 6 افراد جاں بحق اور کئی زخمی ہوگئے۔غیرملکی میڈیا کے مطابق ملک میں مہنگائی اور کرنسی کی قدر میں تیزی سے گراوٹ کے خلاف مختلف شہروں میں 5 روز سے مظاہروں کا سلسلہ جاری ہے اور ان مظاہروں میں شدت آچکی ہے۔ایرانی میڈیا کا کہنا ہے کہ کئی شہروں میں مظاہرین نے سرکاری عمارتوں پر بھی دھاوا بولا جبکہ ہنگامہ آرائی میں ملوث 30 افراد کو سیکیورٹی فورسز نے حراست میں لے لیا ہے۔میڈیا رپورٹس کے مطابق بدھ کو مظاہروں کے باعث ملک بھر میں تعلیمی ادارے اور سرکاری دفاتر بھی بند کردیے گئے تھے۔صومالی لینڈ کو تسلیم کرنے کا اسرائیلی اقدام، ایران کا ردعمل سامنے آگیاحکام نے واضح کیا ہے کہ مظاہروں کی آڑ میں املاک کو نقصان پہنچانے والوں سے سختی سے نمٹا جائے گا۔