: మ్యూచువల్ ఫండ్ పెట్టుబడులు కూడా రిస్క్‌తో కూడుకొనే ఉంటాయని చెప్పొచ్చు. ఇక్కడ గ్యారెంటీ రిటర్న్స్ అంటూ ఏం ఉండవు. కాంపౌండింగ్ ఇంట్రెస్ట్ బెనిఫిట్ కారణంగా దీర్ఘకాలంలో సంపద పెరుగుతుందని భావిస్తుంటారు. రిటర్న్స్ అందిస్తుంటాయని చెబుతుంటారు. ఈ లెక్కన కాంపౌండింగ్‌తో చూసుకుంటే లాంగ్ రన్‌లో రాబడి బాగానే ఉండొచ్చు. స్వల్ప కాలం పెట్టుబడులకు అయితే మ్యూచువల్ ఫండ్స్‌ను వద్దని చెబుతుంటారు నిపుణులు. స్వల్ప కాలంలో అంటే గతేడాది (2025) చూస్తే స్మాల్ క్యాప్ మ్యూచువల్ ఫండ్స్ తీవ్రంగా నిరాశపరిచాయి. ఇన్వెస్టర్లకు నష్టాల్ని మిగిల్చాయి. ఏడాది వ్యవధిలో మొత్తం 29 స్మాల్ క్యాప్ ఫండ్స్ ఉంటే.. ఇక్కడ ఒకే ఒక్క పథకం లాభాల్ని అందించింది. మిగతావన్నీ కనీసం 5 శాతానికిపైగా పడిపోయాయి. అత్యధికంగా 15 శాతం వరకు కూడా నష్టాలు వచ్చాయి. ఇప్పుడు టాప్-5 లూజర్స్, లాభాల్ని అందించిన ఆ ఒక్క స్కీమ్ ఏంటో వివరాల్ని చూద్దాం. ఓవరాల్‌గా ఇచ్చాయి. >> స్మాల్ క్యాప్ ఫండ్లలో 2025లో ఎక్కువ నష్టాలు ఇచ్చిన స్కీమ్.. ఎల్ఐసీ ఎంఎఫ్ స్మాల్ క్యాప్ ఫండ్. ఇది ఏకంగా 14.25 శాతం నష్టపోయింది. లక్ష పెట్టుబడిపై రూ. 85 వేలు మాత్రమే వచ్చాయి. రూ. 14,250 నష్టం వచ్చిందన్నమాట. ఈ స్కీమ్ పనితీరును నిఫ్టీ స్మాల్ క్యాప్ 250- TRI అంచనా వేస్తుంది. ఇది ఏడాది వ్యవధిలో 6.30 శాతం నష్టపోయింది. అంటే ఎల్ఐసీ ఫండ్.. బెంచ్‌మార్క్ ఇండెక్స్ కంటే ఎక్కువగా నష్టాల్ని ఇచ్చింది. దీంతో ఇందుల పెట్టుబడి పెట్టినవారు నష్టపోయారు. ఇందులో టాటా స్మాల్ క్యాప్ ఫండ్ ఎక్కువ నష్టాలు అందించిన స్మాల్ క్యాప్ స్కీంగా ఉంది. ఇది 2025 సంవత్సరంలో 13.13 శాతం నష్టపోయింది. ఈ పథకం పనితీరుకు నిఫ్టీ స్మాల్ క్యాప్ 250- TRI కొలమానంగా ఉంది. ఇక్కడ లక్ష పెట్టుబడి పెడితే రూ. 13 వేలకుపైగా నష్టం వచ్చింది. HSBC స్మాల్ క్యాప్ ఫండ్ గతేడాది 12.34 శాతం నష్టపోయింది. కోటక్ స్మాల్ క్యాప్ ఫండ్ చూస్తే 10.12 శాతం నష్టాల్ని ఇచ్చింది. బ్యాంక్ ఆఫ్ ఇండియా స్మాల్ క్యాప్ ఫండ్ 9.50 శాతం పతనమైంది. ఇక పాజిటివ్ పెర్ఫామర్ విషయానికి వస్తే.. 29 ఫండ్స్‌లో ఒకటే ఉంది. ఇదే క్వాంటమ్ స్మాల్ క్యాప్ ఫండ్. ఇది 2025 సంవత్సరంలో 3.11 శాతం లాభాల్ని అందించింది.ఈ పథకం పనితీరుకు కొలమానంగా BSE 250 స్మాల్ క్యాప్- TRI ఉంది.