: మీ ఆదాయం పన్ను పరిధిలోకి వస్తుందా? మీ ఆదాయం నుంచి ట్యాక్స్ కట్ అయిందా? మీరు కేంద్రం అందించే మినహాయింపులు ఉపయోగించుకుని ట్యాక్స్ రీఫండ్ పొందేందుకు అర్హులా? అయితే ఇది మీకోసమే. మీరు ఇప్పటికీ 2023-24 ఆర్థిక సంవత్సరానికి (అసెస్మెంట్ ఇయర్ 2024-25) సంబంధించి ఆదాయపు పన్ను రిటర్నులు (ITR) దాఖలు చేయకపోతే మీకు కేవలం 24 గంటలు మాత్రమే సమయం ఉంది. వెంటనే మీరు మీ ఐటీఆర్ ఫైల్ చేసి రీఫండ్ క్లెయిమ్ చేసుకోవండి. ఆ తర్వాత రీఫండ్ పొందడం అనేది కుదరదు. సాధారణంగా ప్రతి ఏడాది జూలై 31వ తేదీ వరకు ఉంటుంది. ఆ సమయంలో ఫైల్ చేయని వారు పెనాల్టీతో కూడిన బిలేటెడ్ ఐటీఆర్ లేదా తప్పులు సరిదిద్దుకోవడానికి రివైజ్డ్ ఐటీఆర్ (Revised ITR) దాఖలు చేయడానికి డిసెంబర్ 31 ఆఖరి తేదీ. ఈ గడువు దాటితే, ఆ తర్వాత మీరు రిటర్నులు దాఖలు చేయడం చట్టపరంగా సాధ్యం కాదు.రీఫండ్ రాదు.. పెనాల్టీ తప్పదు!డిసెంబర్ 31 గడువును దాటవేస్తే మీరు కొన్ని నష్టాలు ఎదుర్కోవాల్సి వస్తుంది. అందులో ముఖ్యమైనవి. రీఫండ్ కోల్పోవడం: మీకు రావాల్సిన అదనపు పన్ను సొమ్ము (Tax Refund) కోసం క్లెయిమ్ చేసే అవకాశం ఉండదు.భారీ పెనాల్టీ: ఐటీఆర్ దాఖలు చేయనందుకు గరిష్ఠంగా రూ. 5,000 వరకు లేట్ ఫీజు చెల్లించాల్సి ఉంటుంది. (ఆదాయం రూ. 5 లక్షల లోపు ఉంటే రూ. 1,000 పెనాల్టీ).వడ్డీ భారం: చెల్లించాల్సిన పన్నుపై నెలకు 1 శాతం చొప్పున అదనపు వడ్డీ భారం పడుతుంది.నష్టాల సర్దుబాటు కుదరదు: షేర్ మార్కెట్ లేదా ఇతర వ్యాపారాల్లో వచ్చిన నష్టాలను భవిష్యత్తు లాభాలతో సర్దుబాటు (Set-off) చేసుకునే వెసులుబాటు ఉండదు. మీ AIS (Annual Information Statement), Form 26ASను సరిచూసుకుని, ఆదాయ వివరాలలో ఏవైనా పొరపాట్లు ఉంటే సరిదిద్దుకోవడానికి ఇది చివరి అవకాశం. సర్వర్ రద్దీని దృష్టిలో ఉంచుకుని చివరి నిమిషం వరకు వేచి చూడకుండా ఇప్పుడే ఫైలింగ్ పూర్తి చేయడం ఉత్తమం. ఒక్క రోజు ఆలస్యమైనా మీరు ఆర్థికంగా నష్టపోవడమే కాకుండా, ఆదాయపు పన్ను శాఖ నుంచి నోటీసులు వచ్చే అవకాశం కూడా ఉంది. కాబట్టి, మీ రీఫండ్ డబ్బులు సురక్షితంగా మీ ఖాతాలోకి చేరాలంటే డిసెంబర్ 31 లోపే ఐటీఆర్ ప్రక్రియను ముగించండి.