ప్రస్తుతం ఆస్ట్రేలియా వేదికగా ఇంగ్లాండ్, ఆసీస్ మధ్య జరుగుతున్న రెండు టెస్టులు.. రెండు రోజుల వ్యవధిలోనే ముగిశాయి. పెర్త్‌లో జరిగిన తొలి మ్యాచ్ మొదటి రోజే 19 వికెట్లు పడ్డాయి. దీంతో కేవలం 847 బంతుల్లోనే టెస్ట్ ముగిసింది. మరోవైపు మెల్‌బోర్న్ క్రికెట్ గ్రౌండ్‌లో (ఎంసీజీ)లో జరిగిన నాలుగో టెస్ట్‌లో.. పెర్త్ కంటే కేవలం ఐదు బంతులు మాత్రమే ఎక్కువ పడ్డాయి. దీంతో ఆస్ట్రేలియా పిచ్‌లపై విమర్శలు వస్తున్నాయి. ఈ నేపథ్యంలో అంతర్జాతీయ క్రికెట్ మండలి (ఐసీసీ) పిచ్ రేటింగ్స్‌ను అప్డేట్ చేసింది.రెండు వేదికలపై ఒకేలా ఫలితం వచ్చినా.. ఐసీసీ మాత్రం భిన్న నిర్ణయాలు తీసుకుంది. మెల్‌బోర్న్‌ పిచ్‌ను రెండో వరస్ట్ రేటింగ్ అయిన "అన్‌సాటిస్‌ఫ్యాక్టరీ"గా పేర్కొంది. కానీ పెర్త్‌ పిచ్‌కు మాత్రం "వెరీగుడ్" అని రేటింగ్ ఇచ్చింది. దీంతో ఐసీసీ ఎందుకిలా చేసిందనే సందేహం కలుగుతోంది. అయితే దీనికి కూడా కారణాలు ఉన్నాయని క్రికెట్ నిపుణులు చెబుతున్నారు. "వెరీగుడ్" పిచ్ అంటే గుడ్ క్యారీ, పరిమితమైన సీమ్ మూమెంట్, మ్యాచ్ ప్రారంభంలో స్థిరమైన బౌన్స్ ఉండాలి. ఇక "అంసతృప్తికరం" పిచ్‌లో ఇవేవీ సరిగా ఉండవు. ఇలాంటి పిచ్ ఎక్కువగా బౌలర్లకు అనుకూలిస్తుంది. స్పిన్ లేదా సీమ్ బౌలింగ్‌లో అయినా.. బౌలర్లకు ఎక్కువగా వికెట్లు తీయడానికి అవకాశం కల్పిస్తుంది.మెల్‌బోర్న్ క్రికెట్ గ్రౌండ్ (ఎంసీజీ) పిచ్.. బౌలర్లకు విపరీతంగా అనుకూలంగా ఉందని.. ఎమిరేట్స్ 'ఐసీసీ ఎలైట్ ప్యానెల్ ఆఫ్ మ్యాచ్ రిఫరీస్‌' సభ్యుడు జెఫ్ క్రోవ్ వివరించారు. మొదటి రోజు 20 వికెట్లు, రెండో రోజు 16 వికెట్లు పడటం.. ఏ బ్యాటర్ కూడా అర్ధ సెంచరీ సాధించకపోయారన్నారు. తెలిపారు. అందుకే ఈ పిచ్‌కు ఒక డీమెరిట్ పాయింట్ ఇచ్చామని జెఫ్ క్రోవ్ అని పేర్కొన్నారు.ఇక పెర్త్ పిచ్ విషయానికొస్తే.. ఈ పిచ్‌పై బౌలర్లతో పాటు బ్యాటర్లు కూడా మంచి ప్రదర్శన చేశారు. ఈ మ్యాచ్‌లో ట్రావిస్ హెడ్ అజేయ సెంచరీతో పాటు రెండు అర్ధ సెంచరీలు నమోదయ్యాయి. ఇంగ్లాండ్ ప్లేయర్ ఓలి పోప్ 46 పరుగులు కూడా చేశాడు. అందుకే ఈ పిచ్ అటు బ్యాటర్లు, ఇటు బౌలర్లకు సమాన అవకాశాలు కల్పించిందని క్రికెట్ నిపుణులు అంటున్నారు. ఇరు జట్ల పేసర్లకు అనుకూలంగా పిచ్ ఉందన్నారు. ఇక ఈ పిచ్ ఫేర్‌గా ఉందని మ్యాచ్ రిఫరీ రంజన్ మడుగల్లే కూడా పేర్కొన్నారు. అందుకే రెండు రోజుల్లో మ్యాచ్ ముగిసినా ఈ పిచ్‌కు వెరీ గుడ్ రేటింగ్ ఇచ్చింది ఐసీసీ.