January New Rules: మరికొన్ని గంటల్లో 2026 కొత్త సంవత్సరం ప్రారంభం కానుంది. నూతన సంవత్సరానికి స్వాగతం పలికేందుకు యావత్ ప్రపంచం సిద్ధమవుతోంది. అయితే, కొత్త ఏడాది ప్రారంభమవుతోంది అంటే కొత్త కొత్త రూల్స్ అమలులోకి వస్తుంటాయి. ఈ జనవరి 1, 2026 నుంచి సైతం కీలక మార్పులు అమలులోకి వస్తున్నాయి. ఈ కొత్త నిబంధనలు ప్రత్యేక్షంగా గానీ, పరోక్షంగా గానీ ఉద్యోగులు, పెన్షనర్లు, ట్యాక్స్ పేయర్లు, బ్యాంక్ కస్టమర్లు, రైలు ప్రయాణికులు సహా ఇతర పౌరులపై ప్రభావం చూపించనున్నాయి. ఈ కొత్త ఏడాది ప్రారంభం నుంచే కొత్త మార్పులు అమలులోకి వస్తున్న క్రమంలో ఇబ్బందులు పడకూడదు అంటే ప్రతి ఒక్కరు వాటి గురించి తెలుసుకుని ఉండాలి. జనవరి 1, 2026 నుంచి మారనున్న కీలక అంశాల్లో 8వ వేతన సంఘం ఉంది. 8వ పే కమిషన్ జనవరి 1 నుంచే అమలులోకి రానుంది. అలాగే పాన్ కార్డ్- ఆధార్ నంబర్ లింక్ డెడ్‌లైన్ ఈ నెలాఖరుతో ముగుస్తుంది. జనవరి 1 నుంచి లింక్ చేయని పాన్ కార్డులు ఇనాక్టివ్‌గా మారిపోనున్నాయి. ఇక ఐఆర్‌సీటీసీ టికెట్ బుకింగ్ రూల్స్‌లో ఇటీవల చేసిన సవరణలు అమలులోకి వస్తున్నాయి. అలాగే హెచ్‌డీఎఫ్‌సీ బ్యాంక్, ఐసీఐసీఐ బ్యాంకుల క్రెడిట్, డెబిట్ కార్డుల రూల్స్ మారుతున్నాయి. వాటి గురించి ఇప్పుడు మనం తెలుసుకుందాం. 8వ వేతన సంఘంఈ పే కమిషన్ జనవరి 1, 2026 నుంచే అమలులోకి రావాల్సి ఉంది. అయితే, దీనిపై ఇప్పటి వరకు ప్రభుత్వం నుంచి ఎలాంటి అధికారిక ప్రకటన రాలేదు. గత చరిత్ర చూసుకుంటే పాత పే కమిషన్ ముగిసిన మరుసటి రోజు నుంచే కొత్త వేతన సంఘం అమలైంది. దీని ప్రకారం 7వ వేతన సంఘం డిసెంబర్ 31,2025తో ముగియనుంది. అంటే జనవరి 1, 2026 నుంచే 8వ వేతన సంఘం అమలు కావాలి. అయితే, ఎప్పుడు అమలులోకి వచ్చినా జనవరి 1, 2026 నుంచే ఉద్యోగులు, పెన్షనర్లకు బకాయిలు చెల్లిస్తారని తెలుస్తోంది. పాన్- ఆధార్ లింక్ డెడ్‌లైన్పాన్ కార్డు తో ఆధార్ నంబర్ లింక్ చేసేందుకు గడువు డిసెంబర్ 31, 2025తో ముగియనుంది. ఒక వేళ ఈ గడువులోపు లింక్ చేయకపోతే జనవరి 1, 2026 నుంచి సదరు పాన్ కార్డులన్నీ ఇనాక్టివ్ గా మారిపోతాయి. దీంతో ట్యాక్స్ ఫైలింక్ చేయడం కుదరదు. రీఫండ్స్ రావు. ఇతర ఆర్థిక పరమైన పనులేవీ చేయలేరు. రైలు టికెట్ బుకింగ్ రూల్స్ మార్పు దీనిని విడతల వారీగా అన్ని కేటగిరీలకు అమలులోకి తేవాలని రైల్వే బోర్డు నిర్ణయించింది. జనవరి 5, 2026 నుంచి ఆధార్ వెరిఫైడ్ యూజర్లు మాత్రమే జనరల్ రిజర్వ్‌డ్ ట్రైన్ టికెట్లను ఆన్‌లైన్లో ఉదయం 8 గంటల నుంచి 4 గంటల వరకు బుకింగ్ చేసుకోవచ్చు. జనవరి 12, 2026 నుంచి ఈ విండో ఉదయం 8 నుంచి రాత్రి 12 గంటల వరకు ఉంటుంది. ఎస్‌బీఐ కార్డు మార్పులుజనవరి 10, 2026 నుంచి ఎస్‌బీఐ కార్డ్ డొమెస్టిక్ ఎయిర్‌పోర్ట్ లాంజ్ యాక్సెస్ లో కీలక మార్పులు రానున్నాయి. ఎస్‌బీఐ క్రెడిట్ కార్డు రకాన్ని బట్టి ఎయిర్ పోర్ట్ లాంజ్ యాక్సెస్ అనేది సెట్ ఏ, సెట్ బీ గా విభజించి మరిన్ని సౌకర్యాలు అందించాలని నిర్ణయించారు. హెచ్‌డీఎఫ్‌సీ బ్యాంక్ డెబిడ్ కార్డ్ రూల్స్హెచ్‌డీఎఫ్‌సీ బ్యాంకుకు చెందిన డెబిట్ కార్డు లాంజ్ యాక్సెస్ రూల్స్ జనవరి 10, 2026 నుంచి అమలులోకి వస్తున్నాయి. డెబిట్ కార్డు యూజర్లకు సైతం కాంప్లిమెంటరీ ఎయిర్ పోర్ట్ లాంజ్ యాక్సెస్ ఇవ్వనున్నారు. ఇది వోచర్ ఆధారిత సిస్టమ్‌తో పని చేయనుంది. కార్డు దారులకు సులభంగా సేవలు అందించేందుకు కొత్త మార్పులు చేసినట్లు తెలిపింది. ఐసీఐసీఐ బ్యాంక్ క్రెడిట్ కార్డ్ రూల్స్ఐసీఐసీఐ బ్యాంక్ క్రెడిట్ కార్డు ఫీచర్లలో కీలక మార్పులు జనవరి నుంచి అమలులోకి రానున్నాయి. కస్టమర్లకు ఛార్జీలలోనూ మార్పులు చేశారు. కొత్త మార్పులు రివార్డ్ పాయింట్లు, మూవీ బెనిఫిట్స్, యాడ్ ఆన్ కార్డ్ ఫీ, డైనమిక్ కరెన్సీ కన్వర్సన్ ఛార్జీలు, ట్రాన్సాక్షన్ ఆధారిత ఫీ వంటివి ప్రభావితం కానున్నాయి.