: బంగారం కొనుగోలు చేయాలనుకుంటున్న వారికి అదిరే శుభవార్త. ఎందుకంటే కుప్పకూలాయి. రికార్డ్ గరిష్ఠాల నుంచి భారీగా పడిపోయాయి. భారత ప్రజలకు బంగారం అంటే ఎంత ఇష్టం అనేది ప్రత్యేకంగా చెప్పనక్కర్లేదు. తమ స్థోమతకు తగినట్లుగా బంగారం కొనుగోలు చేస్తూనే ఉంటారు. ఇక పండగలు, శుభకార్యాలు, పెళ్లిళ్లు ఇలా ప్రత్యేక సందర్భాల్లో బంగారానికి డిమాండ్ అధికంగా ఉంటుంది. అయితే, బంగారం ధరలు ఈ 2025 ఏడాదిలో విపరీతంగా పెరిగిన సంగతి తెలిసిందే. ముఖ్యంగా గత వారం రోజులుగా బంగారం ధరలు ఆకాశమే హద్దుగా రికార్డ్ స్థాయిలో పెరిగాయి. అంతర్జాతీయ అనిశ్చితి, దేశాల మధ్య యుద్ధాలు, అమెరికా ఫెడ్ వడ్డీ రేట్లు, కేంద్ర బ్యాంకుల బంగారం కొనుగోళ్లు ఇలా ఎన్నో అంశాలు బంగారం ధరలను ప్రభావితం చేశాయి. దీంతో ఆల్ టైమ్ హై స్థాయిని చేరుకుంది. అయితే, ఇన్వెస్టర్లు లాభాల స్వీకరణకు మొగ్గు చూపడం, రష్యా- ఉక్రెయిన్ మధ్య శాంతికి మార్గం సుగమం అయినట్లు అమెరికా అధ్యక్షుడు డొనాల్డ్ ట్రంప్ ప్రకటించడం వంటి అంశాలు బంగారం, వెండి ధరలు ఒక్కసారిగా దిగివచ్చేందుకు కారణమయ్యాయి. కిలో వెండి రేటు ఒక దశలో ఏకంగా రూ.21 వేల మేర దిగివచ్చింది. ఈ క్రమంలో డిసెంబర్ 30వ తేదీన హైదరాబాద్ మార్కెట్లో బంగారం, వెండి రేట్లు తెలుసుకుందాం. అంతర్జాతీయ మార్కెట్లో బంగారం ధరలు ఈరోజు భారీగా పడిపోయాయి.స్పాట్ గోల్డ్ రేటు ఔన్సు పై ఏకంగా 195 డాలర్ల మేర పడిపోయింది. దీంతో ఔన్స్ గోల్డ్ రేటు 4338 డాలర్ల స్థాయికి దిగివచ్చింది. ఇక స్పాట్ సిల్వర్ రేటు ఔన్సుకు 8 శాతం మేర పడిపోయి 72.93 డాలర్ల స్థాయికి దిగివచ్చింది. హైదరాబాద్‌లో బంగారం ధరలు24 క్యారెట్ల మేలిమి గోల్డ్ తులంపై ఏకంగా రూ.3,170 మేర దిగివచ్చింది. దీంతో 10 గ్రాముల ప్యూర్ గోల్డ్ రేటు రూ.1,39,250 వద్దకు దిగివచ్చింది. ఇక 22 క్యారెట్ల ఆభరణాల గోల్డ్ రేటు తులానికి రూ.2900 మేర పడిపోయింది. దీంతో తులం రేటు రూ.1,27,650 వద్దకు దిగివచ్చింది.రూ.4000 తగ్గిన సిల్వర్ రేటుబంగారంతో పాటు వెండి రేటు సైతం దిగివచ్చింది. క్రితం రోజు రికార్డ్ స్థాయిలో పెరిగిన ఈరోజు కాస్త వెనక్కి తగ్గింది. ఇవాళ కిలో వెండి రేటు హైదరాబాద్ మార్కెట్లో రూ.4000 మేర దిగివచ్చింది. దీంతో కిలోకు రూ.2,81,000 వద్ద ట్రేడవుతోంది. అయితే, ముంబై, బెంగళూరు, పుణె, ఢిల్లీ వంటి నగరాల్లో కిలో వెండి రేటు రూ.2,57,900 స్థాయిలోనే ట్రేడవుతుండడం గమనార్హం. పైన పేర్కొన్న బంగారం, వెండి రేట్లు డిసెంబర్ 30వ తేదీ మంగళవారం రోజు ఉదయం 7 గంటల సమయానికి ఉన్నవి. అయితే, బులియన్ మార్కెట్లో మధ్యాహ్నానికి గోల్డ్ రేట్లు మారుతుంటాయి. కొనే ముందు స్థానిక జువెలరీల వద్ద రేట్లు తెలుసుకోవడం మంచిది.