دودوما (01 نومبر 2025): مشرقی افریقی ملک تنزانیہ میں متنازع صدارتی انتخابات کے خلاف مظاہروں میں 700 افراد ہلاک ہو گئے۔مشتعل مظاہرین نے دارالسلام ایئرپورٹ پر دھاوا بول دیا، سڑکوں پر بسوں، پٹرول پمپس اور پولیس اسٹیشنز کو بھی آگ لگا دی گئی اور کئی پولنگ مراکز تباہ کر دیے۔تنزانیا کی اپوزیشن جماعت کے ترجمان کے مطابق دارالسلام میں 350 اور موانزا میں 200 سے زائد افراد مارے گئے ہیں۔ یہ اعداد و شمار پارٹی کارکنان نے اسپتالوں اور طبی مراکز سے لاشوں کی گنتی کے بعد جمع کیے۔ جب کہ ایمنسٹی انٹرنیشنل کے مطابق مصدقہ اطلاعات سے معلوم ہوا ہے کہ 100 افراد ہلاک ہوئے ہیں۔نیویارک میں اچانک انتہائی تیز بارش کے باعث تہ خانے میں پانی بھرنے سے 2 افراد ہلاکمظاہروں سے نمٹنے کے لیے ملک بھر میں فوج تعینات کر دی گئی ہے، جب کہ انٹرنیٹ بند اور کرفیو نافذ کر دیا گیا ہے۔ حالیہ انتخابات میں صدر سامیہ سُلوحو حسن نے 96.99 فی صد ووٹ حاصل کیے اور دو بڑی اپوزیشن جماعتوں کے امیدواروں کو انتخابی دوڑ سے باہر کر دیا تھا۔تنزانیہ کی اپوزیشن جماعتوں نے نتائج مسترد کرتے ہوئے عبوری حکومت کے قیام کا مطالبہ کیا ہے۔