നമ്മുടെയെല്ലാം തീന്മേശകളിലെ സ്ഥിരം വിഭവമാണ് മോരുകറി. പെട്ടെന്ന് എന്തുണ്ടാക്കും എന്ന് ചിന്തിച്ചാൽ അധികം പേരും ഉണ്ടാക്കുന്ന ഒരേയൊരു വിഭവമാണ് ഇത്. അടുക്കളയിലെ തുടക്കകാർക്ക് പോലും മോരുകറി പെട്ടെന്ന് ഉണ്ടാക്കിയെടുക്കാം. പല സ്ഥലങ്ങളിലും പല തരത്തിലാണ് മോരുകറി ഉണ്ടാക്കിയെടുക്കുന്നത്. തേങ്ങയരച്ചും അല്ലാതെയും മോര് കാച്ചാറുണ്ട്. എന്നാൽ മോരുകറി കുറെ ദിവസം വച്ച് നമുക്ക് കഴിക്കാൻ കഴിയാറില്ല. പെട്ടെന്ന് കേടായി പോകും. എന്നാൽ ഇനി കുറച്ചധികം ദിവസം ചീത്തയാകാതെ ഇരിക്കുന്ന രീതിയിൽ മോരുകറി ഉണ്ടാക്കി എടുക്കാം. ചില പൊടിക്കൈകൾ പരീക്ഷിച്ചാൽ മതി. എങ്ങനെയാണെന്ന് നോക്കാം.ALSO READ: നിങ്ങൾ ഉണ്ടാക്കുന്ന ചിക്കൻ ഫ്രൈ രുചിയില്ലേ? ഇങ്ങനെ ഒന്ന് പരീക്ഷിക്കൂ..!ആദ്യം പാൻ വച്ച് വെളിച്ചെണ്ണ ഒഴിക്കുക. അതിൽ കടുകും ഉലുവയും ചുവന്നമുളകും ചേർത്ത് വഴറ്റിയെടുക്കുക. ശേഷം ഇഞ്ചിയും വെളുത്തുള്ളിയും പച്ചമുളകും കറിവേപ്പിലയും ചേർത്ത് വഴറ്റിയെടുക്കുക. ചെറിയുള്ളി ചേർക്കാതിരിക്കുന്നതാകും കൂടുതൽ ദിവസം മോരുകറി ചീത്തയാകാതെ ഇരിക്കാൻ നല്ലത്. ഇനി ഇതിലേക്ക് മുളക്പൊടിയും മഞ്ഞപൊടിയും ജീരകപൊടിയും ആവശ്യത്തിന് ഉപ്പും ചേർക്കാം. ഇനി പൊടികൾ പാകമായി കഴിയുമ്പോൾ തീ അണയ്ക്കാവുന്നതാണ്. ശേഷം കട്ട തൈര് ഇത്തിരി വെള്ളവും ചേർത്ത് അയഞ്ഞ പരുവത്തിൽ മിക്സിയിൽ അടിച്ചെടുക്കണം. ഇതിലേക്ക് ഇഞ്ചി വെളുത്തുള്ളി എന്നിവ എണ്ണയിൽ വഴറ്റി തൈരിലേക്ക് ചേർത്ത് നന്നായി യോജിപ്പിക്കണം. മോര്കരി തയ്യാറാക്കുന്നതിനായി തൈര് ചൂടാക്കേണ്ടതില്ല. അഥവ ചൂട് വേണമെങ്കിൽ ചെറിയ തീയിൽ വച്ചാൽ മതിയാകും. ഇങ്ങനെ ചെയ്‌താൽ കൂടുതൽ ദിവസം മോരുകറി ചീത്തയാകാതെ ഇരിക്കും.The post മോരുകറി ചീത്തയാകാതെ കുറെ ദിവസം ഇരിക്കണോ? ഈ രീതിയിൽ ഒന്നുണ്ടാക്കി നോക്കൂ appeared first on Kairali News | Kairali News Live.