بھارتی نژاد سی ای او نے دنیا کی سب سے بڑی سرمایہ کاری کمپنی ’بلیک راک‘ کو تقریباً 500 ملین ڈالر (تقریباً 4,200 کروڑ روپے) کا چونا لگا دیا۔غیر ملکی ذرائع ابلاغ کے مطابق امریکا میں قائم براڈ بینڈ ٹیلی کام اور برج وائس کے بھارتی نژاد سی ای او برہم بھٹ پر دھوکہ دہی کا الزام عائد کیا گیا ہے۔رپورٹس کے مطابق بھارتی نژاد سی ای او نے جعلی بل بنا کر اپنی کمپنیوں کے ذریعے قرضہ حاصل کیا۔ بلیک راک کا نجی کریڈٹ یونٹ، ایچ پی ایس انویسٹمنٹ پارٹنرز سے اب رقم کی وصولی کی کوششوں میں مصروف ہے۔رپورٹ کے مطابق، برہم بھٹ کی کمپنیوں کو 2020 میں اس شرط پر قرض دیا گیا کہ صارفین کی جانب سے بقایا ادائیگیوں کو ضمانت دی جائے گی۔ بعد ازاں تحقیقات پر یہ بل مکمل طور پر جھوٹے ثابت ہوئے، تحقیقات میں انکشاف ہوا کہ قرض کی رقم بھارت اور ماریشس کے آف شور اکاؤنٹس میں منتقل کردی گئیں۔بلیک راک کمپنی کے مطابق یہ سب ایک منصوبہ بند طریقے سے کیا گیا۔ اس میں ایک فرانسیسی بینک، بھی بنکم برہم بھٹ کی مالی امداد میں ملوث تھا۔ اس بینک نے برہم بھٹ کی ٹیلی کام کمپنی کے اندر کیریوکس کیپیٹل اور اس کے ملحقہ اداروں کو دیے گئے قرض کی رقم کا تقریباً نصف فنڈ فراہم کیا۔ایچ پی ایس کے ایک ملازم نے جولائی 2025 میں انوائسز کی تصدیق کے لیے استعمال ہونے والی کسٹمر ای میلز میں تضادات کو پرکھا، ان میں سے بہت سے پتے اصلی ٹیلی کام کمپنیوں کی نقل کرتے ہوئے جعلی ڈومینز سے آئے تھے۔خاتون فوجی اہلکار سے زیادتی، برطانوی فوجی افسر کو سزا سنادی گئیمزید تفتیش سے معلوم ہوا کہ مبینہ طور پر صارفین کی طرف سے بھیجے گئے کچھ دستاویزات فراڈ تھے۔ ایچ پی ایس کے ایک ملازم نے بعد میں گارڈن سٹی، نیو یارک، برہم بھٹ کی کمپنیوں کے دفاتر کا دورہ کیا مگر وہاں ان کا کوئی وجود نہیں پایا۔