లో వరల్డ్ రికార్డు సృష్టించింది. విశాఖ వేదికగా ఆదివారం జరిగిన మ్యాచ్‌లో భారత్‌పై ఆమె ఆడిన సూపర్ ఇన్నింగ్స్‌తో అందర్నీ ఆకట్టుకుంది. అద్భుతంగా ఆడటంతో టీమిండియా నిర్దేశించిన భారీ స్కోర్‌ను ఒక ఓవర్ మిగిల్చి మరీ ఆసీస్ గెలుపొందింది. ఈ మ్యాచ్‌లో హీలీ కేవలం 107 బంతుల్లో 142 పరుగులు చేసి ఆస్ట్రేలియాను 331 పరుగుల భారీ లక్ష్యాన్ని చేధించేలా నడిపింది. ఇది మహిళల ప్రపంచకప్‌ చరిత్రలోనే రికార్డు. ఇప్పటి వరకు మహిళల వన్డే వరల్డ్ కప్‌లో ఏ జట్టు కూడా 300కి పైగా పరుగుల టార్గెట్‌ ఛేదించినది లేదు. ఫస్ట్ టైమ్ ఆ రికార్డును ఆస్ట్రేలియా బ్రేక్ చేసింది భారత్‌పై ప్రపంచకప్‌లో అత్యధిక వ్యక్తిగత స్కోరు సాధించిన ప్లేయర్‌గా హీలీ నిలిచింది నిలిచింది. ఇంతకుముందు ఇంగ్లండ్‌ మాజీ కెప్టెన్‌ షార్లెట్‌ ఎడ్వర్డ్స్‌ 2013లో చేసిన 109 పరుగులే అత్యధికం కాగా, హీలీ దానిని దాటేసింది. హీలీ 2025 వన్డే వరల్డ్ కప్‌లో 142 పరుగులు చేయగా, ఎడ్వర్డ్స్ 2013లో 109 పరుగులు చేసింది. ఆస్ట్రేలియాకు చెందిన రోల్టన్ 2005లో 107 పరుగులు చేసింది. అంతకు ముందు ఇంగ్లండ్‌కు చెందిన జానెట్ బ్రిట్టిన్ 1993లో 100 పరుగులు చేసింది. హీలీ భారత్‌పై వన్డేల్లో రెండో అత్యధిక స్కోరు చేసిన ప్లేయర్‌గా నిలిచింది. 2006లో లార్డ్స్‌లో ఇంగ్లండ్‌ ప్లేయర్‌ క్లేర్‌ టేలర్‌ 156 పరుగులు చేసింది. అదేవిధంగా హీలీ మహిళల ప్రపంచకప్‌ చరిత్రలో శతకం చేసిన తొలి వికెట్‌కీపర్‌ కెప్టెన్‌గా రికార్డు నెలకొల్పింది. ఇంతకుముందు 1978లో ఆస్ట్రేలియాకు చెందిన మార్గరెట్‌ జెన్నింగ్స్‌ మాత్రమే అర్థశతకం సాధించగా, హీలీ దానిని 47 ఏళ్ల తర్వాత అధిగమించింది. మహిళల వన్డే చరిత్రలో అత్యధిక వ్యక్తిగత స్కోరు సాధించిన వికెట్ కీపర్ కెప్టెన్‌గా కూడా హీలీ రికార్డు సృష్టించింది. అంతకుముందు బంగ్లాదేశ్‌ కెప్టెన్‌ నిగార్‌ సుల్తానా ఈ ఏడాది వరల్డ్‌కప్‌ క్వాలిఫయర్స్‌లో థాయ్‌లాండ్‌పై 101 పరుగులు చేసింది. ప్రపంచకప్‌ చరిత్రలో మూడో అత్యధిక వ్యక్తిగత స్కోరు సాధించిన మూడో కెప్టెన్‌గా కూడా హీలీ నిలవడం విశేషం.