واشنگٹن(13 اکتوبر 2025): امریکی صدر ڈونلڈ ٹرمپ نے اعلان کیا ہے کہ وہ پاکستان اور افغانستان کے درمیان حالیہ کشیدگی ختم کرانے کے لیے اقدامات کریں گے۔امریکی صدر ڈونلڈ ٹرمپ نے اتوار کو کہا کہ وہ پاکستان اور افغانستان کے درمیان بڑھتی ہوئی کشیدگی سے آگاہ ہیں اور انہوں نے دعویٰ کیا کہ وہ مشرق وسطیٰ سے واپسی پر اس صورتحال کو حل کریں گے، کیونکہ انہوں نے خود کو "جنگیں حل کرنے میں ماہر” قرار دیا۔امریکی صدر کا کہنا تھا کہ امریکا سے اسرائیل جاتے ہوئے ائیر فورس ون میں صحافیوں سے گفتگو کرتے ہوئے کہا کہ انہیں اس معاملے کو واپس آکر دیکھنا ہوگا۔صدر ٹرمپ نےکہا کہ وہ جنگیں ختم کرنے میں ماہر ہیں اور اس بار بھی ایک اور کوشش کریں گے، پاکستان اور بھارت کی جنگ بھی ٹیرف کی مدد سے روکی تھی۔ٹرمپ نے کہا کہ یہ ان کے لیے اعزاز کی بات ہے کہ انہوں نے لاکھوں جانیں بچائی ہیں، ٹرمپ نے اپنی گفتگو میں نوبل انعام کا ذکر کرتے ہوئے کہا کہ ان کا مقصد انعام حاصل کرنا نہیں بلکہ لوگوں کی زندگیاں بچانا ہے۔Pak afghan War تمام خبریںواضح رہے کہ افغان طالبان اور بھارت کے حمایت یافتہ فتنہ الخوارج کے حملے بعد پاک فوج کا منہ توڑ جواب دیتے ہوئے طالبان اور فتنہ الخوارج کی متعدد چوکیاں تباہ کردیں، دشمن کی 21 پوزیشنز پر وقتی قبضہ کرلیا ہے۔آئی ایس پی آر کے مطابق طالبان کیمپوں اور چوکیوں پر فضائی ضربیں اور کارروائیاں بھی کی گئیں، طالبان فورسز اور ان سے وابستہ فتنہ الخوارج کے 200 سے زیادہ جنگجو ہلاک کیے ہیں، دہشت گرد اپنی چوکیاں اور کمین گاہیں چھوڑ کر بھاگ گئے، جھڑپوں میں پاک فوج کے 23 بہادر جوانوں نے دفاع وطن میں جام شہادت نوش کیا۔