ఇప్పుడు నెట్టింట వార్తల్లో నిలిచింది. ఈమెకు సంబంధించిన ఫొటో ఒకటి సోషల్ మీడియాలో వైరల్ అవుతోంది. సిక్స్ ప్యాక్స్‌తో ఉన్న ఫొటో నెట్టింట ట్రెండింగ్‌గా మారింది. అయితే ఇందులో నిజమెంత? అబద్ధమెంత? అని తెలుసుకోకుండానే మన నెటిజన్లు దాన్ని షేర్స్ మీద షేర్స్ చేస్తున్నారు. ఆట కంటే కూడా ఆమె అందానికి ముగ్ధులయ్యే అభిమానులే ఎక్కువ. టీమిండియా ఓపెనర్‌గా మహిళా జట్టుకు ఎన్నో అద్భుతమైన విజయాలను అందించింది. ఇప్పటికీ టీమిండియాకు ఈమే బలం. మహిళా జట్టు మాజీ కెప్టెన్‌గా కూడా చేసిన స్మృతి ఫిట్‌నెస్ బాగా మెయింటేన్ చేస్తుంది. అందుకే ఆమెను చాలా మంది ఎన్నో సార్లు సినిమాల్లో కూడా నటించండి అంటూ బహిరంగంగానే అడిగారు. ఐసీసీ ఉమెన్స్ వన్డే వరల్డ్ కప్ జరుగుతున్న సమయంలో స్మృతి మంధాన ఫొటో హాట్ టాపిక్ అయింది. సాధారణంగానే మంచి ఫిట్‌నెస్‌తో ఉండే స్మృతి, సిక్స్ ప్యాక్‌లో ఉన్నట్టు ఆ ఫొటోలో కనిపించింది. కొంతమంది అది ఫేక్ ఫొటో అంటే, ఇంకొంత మంది నిజంగానే అది స్మృతి మంధాన ఫొటో అని అంటున్నారు. అసలు విషయం ఏంటంటే అది ఆర్టిఫిషియల్ ఇంటెలిజెన్స్‌తో చేసిన ఏఐ ఫొటోనే. ఎందుకంటే ఒక్కసారి క్లియర్‌గా ఆ ఫొటోని పరిశీలిస్తే స్మృతి వేసుకున్న టీ షర్ట్‌పై ఇంగ్లిష్ లెటర్స్ అది ఫేక్ అని స్పష్టంగా చెబుతోంది. కొందరు కావాలనే ఆమె ఫొటోలు ఇలా ఏఐలో మార్ఫింగ్ చేసి నెట్టింట వైరల్ చేస్తున్నారు. ఇక ఐసీసీ వన్డే వరల్డ్ కప్ విషయానికి వస్తే టీమిండియా ఓపెనర్‌గా స్మృతి అద్భుతంగా రాణిస్తోంది. ఆస్ట్రేలియాతో ఆదివారం జరిగిన మ్యాచ్‌లో కూడా 80 పరుగులు చేసి భారత్ భారీ స్కోర్ చేయడంలో కీలకంగా మారింది. మ్యాచ్ ఓడిపోయినప్పటికీ స్మృతి ఎఫర్ట్స్ మాత్రం ప్రశంసనీయం. ఈ వరల్డ్ కప్‌లో భారత్ మొదటి రెండు మ్యాచ్‌లలో గెలిచి, వరుసగా చివరి రెండు మ్యాచ్‌లలో ఓడింది. పాయింట్ల పట్టికలో నాలుగో స్థానానికి పడిపోయింది. ఆస్ట్రేలియా, ఇంగ్లండ్, సౌతాఫ్రికా జట్లు మొదటి మూడు స్థానాల్లో నిలిచాయి.