Kondak 1Ey səmavi ordunun seçilmiş sərəsgəri və bəşəriyyətin müdafiəçisi! Bizlər, sənin vasitənlə kədərdən azad olanlar, sənə bu şükran nəğməsini söyləyirik. Sən isə, İzzət Padşahının taxtı önündə durursan deyə, bizləri hər təhlükədən azad eylə, biz də sənə iman və məhəbbətlə belə nida edək:Sevin, ey ulu sərəsgər Mikayıl, səmavi ordu ilə birgə.İkos 1Alovabənzər mələklərin başçısı olaraq, sən, ey Mikayıl, mələklərin dilləri ilə də həmdlər almağa layiqsən. Lakin bizə mələklərin dilini sən öyrətməyincə, hələlik bizim şükürlə dolu insan dilimizdən bu sözləri dinlə:Sevin, dünyanın əzəldən olan ulduzu; sevin, qızıltək parıldayan həqiqət və ədalət şamı.Sevin, mələklər arasında yaradılmamış nuru ilk qəbul edən; sevin, ey mələklərin və Ali-Mələklərin alisi.Sevin, Xaliqin Sağ əlinin izzətinin ən böyük parıltısı; sevin, bütün cisimsiz varlıqların ən böyük bəzəyi.Sevin, ey ulu sərəsgər Mikayıl, səmavi ordu ilə birgə.Kondak 2İman gözləri ilə sənin ruhani gözəlliyinin əzəmətini və ildırımsurətli sağ əlinin qüdrətini görərək, ey Allahın Ali-Mələyi, biz – torpaqdan yaradılan bəşəriyyət – bütün varlığımızla heyrətə gəlir, sevinc və şükranla aləmlərin Xaliqinə səslənirik və bütün səma ordusu ilə birlikdə nida edirik: HalleluYah.İkos 2Ey ecazkar Mikayıl, səmavi orduların sərəsgəri! Bizim üçün Allahdan ehtirassız və pak bir zehin dilə ki, düşüncələrimizlə yer üzündən səmaya ucalaraq sənə bu şükür nəğməsini söyləyək:Sevin, Allahın təsvirəgəlməz gözəlliyini və lütfkarlığını seyr edən; sevin, Əqdəs Üçlüyün mərhəmətli bəsirətinin sirlərini bilən.Sevin, Üçlüyün əzəli hökmünün sadiq icraçısısan; sevin, Səmavi ordu səni görüb məhəbbətlə heyrətlənir.Sevin, sənə bəşəriyyət imanla həmd edir; sevin, sənə görə cəhənnəmin ordusu titrəyir.Sevin, ey ulu sərəsgər Mikayıl, səmavi ordu ilə birgə.Kondak 3Allahın izzəti naminə qeyrətinin müzəffər qüdrətini özündə aşkar edərək, sən – ey Mikayıl – öz mələklərinlə bir yerdə nifrət dolu təkəbbürlü iblisə qarşı durdun. O iblis və onun zülmət qüvvələri səmadan cəhənnəmə atıldıqda, sənin rəhbərliyinlə səmavi ordun izzət və sevinclə dolu bir səslə Allahın taxtı önündə ucadan səsləndilər: HalleluYah.İkos 3Bütün məsihi xalqı səni, ey Ali-Mələk Mikayıl, böyük bir himayədar və düşmənlərə qarşı savaşda möcüzəkar bir yardımçı kimi tanıyır; buna görə də, sənin heyrətamiz himayənə nail olmağı arzulayaraq, Sənin bayram günündə sənə belə səslənirik:Sevin, ildırım kimi səmadan endirdin şeytanı; sevin, səmaya qaldırırsan hifz etdiyin insanları.Sevin, şəfəq saçan Səmavi dünyanın gözəl bəzəyi; sevin, düşkün dünyamızın izzətli müdafiəçisi.Sevin, şər qüvvələr tərəfindən heç vaxt məğlub olmayan; sevin, mələklərlə həqiqətdə və salehlikdə Allahın lütfü ilə əbədi olaraq yaradılan.Sevin, ey ulu sərəsgər Mikayıl, səmavi ordu ilə birgə.Kondak 4Ey mələklərin öndəri! Məhəbbət və sevinclə sənin şanlı bayramını qeyd edən bizləri sınaqların və təhlükələrin tufanından qurtar. Çünki sən bəlalarda olanların böyük köməkçisisən və sənin və bizim Rəbb Allahımıza belə səslənənlər üçün ölüm anında şər ruhlara qarşı qoruyucu və şəfaətçisən: HalleluYah.İkos 4Sənin şeytanın ordularına qarşı cəsarətini görərək, bütün mələk ordusu sevinclə səni izləyib, Rəbbinin ismi və izzəti uğrunda döyüşə girdilər və uca səslə belə səsləndilər: “kim bənzər Allaha?” Şeytanın sənin ayaqlarının altına atıldığını bilərək, sənə müzəffər kimi səslənirik:,Sevin, çünki Səmaya sülh və sakitlik gətirdin; sevin, çünki şər mələkləri cəhənnəmə endirdin.Sevin, mələklərin ordusunu və görünməz dünyanın qoşunlarını şərin məhvinə yönəldən; sevin, görünən dünyanın ünsürlərinin üsyanını və qiyamını görünməz əhilləşdirən.Sevin, ruhani dünyanın şər ruhları ilə döyüşənlərin ecazkar müdafiəçisi; sevin, bu dövrün sınaqları və günahlarından əldən düşənlərin güclü köməkçisi.Sevin, ey ulu sərəsgər Mikayıl, səmavi ordu ilə birgə.Kondak 5Sənə həsr olunan Xona məbədində özünü ilahi möcüzələrin mənbəyi kimi göstərdin. Çünki orada həm məskən salmış böyük və dəhşətli ilanı öz qüdrətinlə məhv etdin, həm də hər cür bədən xəstəliyi sağaldan bulaq açdın. Belə ki, hamı səni izzətləndirən mələklərin Rəbbi olan Allaha imanla nida etsinlər: HalleluYah.İkos 5Ey möcüzəli Mikayıl, mələklər ordusunun arasında parlayan böyük bir nur mənbəyi olduğunu eşidib bildiyimiz üçün, Allahdan və Əqdəs Validədən sonra sənə ümid bəsləyirik; şəfəqinin nuru ilə işıqlandır, səni belə səsləyən bizləri:Sevin, seçilmiş xalqın səhrada bələdçisi və müdafiəçisi; sevin, Sina dağında Musa ilə verilən Tövratın vasitəçisi.Sevin, çünki vasitənlə İsrailin hakimləri və rəhbərləri qüvvət və müdafiə aldılar; sevin, çünki vasitənlə yəhudi nəbiləri və baş kahinləri hər şeyi bilən Allahdan idrak aldılar.Sevin, çünki Allahdan qorxan qanunvericilərə səmavi hikmət verirsən; sevin, çünki ədalətli və saleh əməllər edənlərin qəlbinə mərhəmət verirsən.Sevin, ey ulu sərəsgər Mikayıl, səmavi ordu ilə birgə.Kondak 6Manoah səni, Allahın hökmlərinin müjdəçisini görəndə yer üzündə yaşamayacağını düşünərək şübhə və qorxu ilə doldu, lakin arvadından sənin gözəl görkəmini, sözlərinin həlimliyini və sənin sözünə uyğun olaraq onun oğlu olan Şimşonu dünyaya gətirəcəyini öyrənib, sevinc və şükürlə Allaha yalvardı: HalleluYahİkos 6Nun oğlu Yeşuaya insan surətində və heyrətamiz şəkildə izzətlə görünüb dedin: “çarığını ayağından çıxart; mən Rəbbin ordusunun sərəsgəriyəm». Sənin belə aşkar olmağına heyran qalaraq, sənə məhəbbətlə səslənirik:Sevin, çünki padşahların taclarını sayıqlıqla qoruyan keşikçisən; sevin, Allahdan verilən səlahiyyətə qarşı çıxanları yatırdan.Sevin, camaat arasındakı hərc-mərcləri sakitləşdirən; sevin, çirkin adətlərin görünməz məhvedicisi.Sevin, çünki çaşqınlıq vaxtında şübhədə olanları nurlandırırsan; sevin, çünki sınağa çəkilənləri zərərli şərdən azad edirsən.Sevin, ey ulu sərəsgər Mikayıl, səmavi ordu ilə birgə.Kondak 7Bəşər övladlarının qismətinin təsadüfi olmadığını, lakin daima Onun sağ əlində olduğunu göstərmək istəyən aləmlərin Rəbbi səni yer üzünün padşahlıqlarına himayədar və mühafizəçi kimi göstərdi ki, qəbilələri və xalqları Allahın əbədi Padşahlığına hazırlayasan; Buna görə də hamı bəşəriyyətin xilası yolunda böyük xidmətini görərək, Allaha şükür edirlər: HalleluYah.İkos 7Ey sərəsgər! Sənin öz adına həsr olunmuş kilsəni çay basmasın deyə, suyu yerin altına axmasını əmr etdin və beləliklə bütün möcüzələrin Xaliqi və Rəbbi Sənin vasitənlə bizə yer üzündə belə bir yeni möcüzələr göstərdi: bunu görən müqəddəs Arxip öz ruhani övladları ilə birlikdə minnətdarlıqla Sənə belə səsləndilər:Sevin, Allahın müqəddəs məbədlərinin sarsılmaz hasarı; sevin, Məsihi inancının düşmənlərinə qarşı yenilməz divar.Sevin, Sənə itaət edir bütün ünsürlər; sevin, önündə məhv olur pis niyyətlər.Sevin, imanlılara Qadir Allahın taxtından sevinc göndərən; sevin, imansızları salehlik və həqiqət yoluna yönəldən.Sevin, ey ulu sərəsgər Mikayıl, səmavi ordu ilə birgə.Kondak 8Ey Allahın sərəsgəri, Ambaqum peyğəmbər sənin qüdrətinin qəribə bir möcüzəsi gördü, çünki Allahın əmrinə görə, şirlərlə bir yuvada həbs edilmiş Daniel peyğəmbərə yemək vermək üçün onu sürətlə Yəhudeyadan Babilə apardın; Buna görə də, sənin böyük qüdrətinə heyran qalaraq, sənə imanla səsləndi: HalleluYah.İkos 8Ucalardasan, ey Mikayıl, İzzət Padşahının taxtının qarşısında durmusan, lakin yerdə olanlardan da uzaq deyilsən və insanın xilası üçün düşmənləri ilə daim vuruşursan. Buna görə də həsrətlə arzuladığı səmavi vətənə çatmaq istəyənlər bir səslə sənə belə sözlərlə səslənir:Sevin, mələklərin üçlü-əqdəs nəğməsinin ilk ifaçısı; sevin, bəşəriyyətin əbədi şəfaətçisi və müdafiəçisi.Sevin, doğru danışanların və mərhəmətlə yaşayanların qüdrətli müdafiəçisi; sevin, heyrətamiz şəkildə təkəbbürlü fironu və imansız misirliləri məhv edən.Sevin, sadiq yəhudilərə səhrada izzətlə rəhbərlik edən; sevin, Babildəki od kürəsinin alovunu jaləyə çevirən.Sevin, ey ulu sərəsgər Mikayıl, səmavi ordu ilə birgə.Kondak 9Müqəddəs Afon dağının bütün rahibləri şərəfsiz pulpərəstlər tərəfindən boynuna böyük bir daş asıb dənizə atılan saleh gənci necə xilas etdiyinə baxıb sevinc titrəməsinə gəldilər; buna görə də adınla bəzədilmiş onu qəbul edən rahibxana sakinləri Rəbbə şükürlərlə səslənirlər: HalleluYah.İkos 9Natiqlərin sözləri və filosofların düşüncələri Sənin gücündən xəbər verməyə kifayət etməz, ey Mikayıl, cünki sən bir gecə içində Aşşur padşahı Sanxerivin yüz səksən beş min əsgərini qırdın ki, o, bir daha Rəbbin İsminə küfr söyləməsin. Biz isə, həqiqi Allahın izzəti naminə sənin müqəddəs qeyrətini izzətləndirərək, sevinclə Sənə səslənirik:Sevin, Haqq-İqrari orduların müzəffər sərəsgəri; sevin, bidətli qoşunların qorxu və devrilməsi.Sevin, çünki haqq imanını və Allahın əsl dinini əkirsən; sevin, çünki zərərli bidətlərin və təfriqələrin kökünü kəsirsən.Sevin, saleh makkabiləri döyüş meydanında dəfələrlə gücləndirirdin; sevin, Antakyanın sərdarı günahkar İliodoru məbədin özündə zərbələdin.Sevin, ey ulu sərəsgər Mikayıl, səmavi ordu ilə birgə.Kondak 10Xilas olmaq istəyən bizə köməkçi ol, ey Allahın sərəsgəri. Bizi təhlükələrdən və sınaqlardan, xüsusilə pis vərdişlərimizdən və günahlarımızdan xilas eylə və qoru ki, Sənin möcüzəvi köməyin sayəsində imanda, ümiddə və məhəbbətdə həyat sürərək mələklərin və insanların Rəbbinə sevinclə səslənək: HalleluYah.İkos 10Ey Allahın sərəsgəri! İmanlılar üçün bir qalasan, görünən və görünməyən düşmənə qarşı möhkəm qülləsən. Buna görə də sənin vasitənlə cinlərin torlarından xilas olunaraq, minnətdar ürəklərlə və səslərlə belə nida edirik sənə:Sevin, imanımızın və müqəddəs Kilsəmizin düşmənlərinin məğlubedilməz rəqibi; sevin, İncilin təvazökar müjdəçilərinin yorulmaz köməkçisi.Sevin, bidətin qaranlığında oturanları Məsihi imanının nuru ilə işıqlandıran; sevin, yalnış fəlsəfədə azanları həqiqət və tövbə yoluna yönəldən.Sevin, çünki Allahın ismini boş yerə dilinə gətirənlərdən qisas alırsan; sevin, çünki müqəddəs imanın sirlərinə istehza edən ağılsızları ildırım kimi məhv edirsən.Sevin, ey ulu sərəsgər Mikayıl, səmavi ordu ilə birgə.Kondak 11Sənə ucaldılan həmdlər kifayət deyil, ey Allahın sərəsgəri, təkcə Səmada və yerdə deyil, cəhənnəmin dibində belə möcüzələr yaratmısan. Orada sən dəryada yuvalanan ilan-şeytanı Rəbbin qüdrəti ilə zəncirlədin ki, şeytanın şərindən azad olunan insanlar göyün və yerin Rəbbinə həmdlər ucaltsınlar: HalleluYahİkos 11Ey sərəsgər, sən həqiqətin və ilahi imanın paklığının nursaçan bəndəsi olduğunu göstərdin, çünki zülmət ruhunun tələsini görüb Allahın ismi ilə onu qadağan etdin ki, İsrailin vəfat etmiş rəhbəri olan Musanın dəfn yerini cəsədini İsrailin cismani övladları üçün açmağa cəsarət etməsin; buna görə də, indi sənin və məclisinin şanlı bayramını qeyd edərək, sənə minnətdarlıqla səslənirik:Sevin, Əhdi-Ətiq zamanlarında yəhudilərdə Allah haqqında biliyi qorudun; sevin, Əhdi-Cədid zamanlarında bidət dəlicələrinin kökünü dəfələrlə kəsdin.Sevin, bütpərəst peyğəmbərləri və bütləri məhv edən; sevin, məsihi zahidləri və şəhidləri gücləndirən.Sevin, ruhən düşənləri Allahın lütfünün qüdrəti ilə dolduran; seven, cismən zəiflərə iman zirehlərini geyindirən.Sevin, ey ulu sərəsgər Mikayıl, səmavi ordu ilə birgə.Kondak 12Sənin möhtərəm isminə həmd edən bizə Səmavi Allahdan lütf dilə, ey Mikayıl, Sənin qanadlarının altında olaraq ölümlə cismani bağlardan azad olana qədər, biz möminlik və ləyaqətlə ömür sürək və İzzət Padşahın odlu taxtının qarşısında mələklərlə durub səslənək: HalleluYah.İkos 12Xilasımız üçün sonsuz möcüzələr yaratdığına görə sənə həmd söyləyərək, ey Mikayıl, aləmlərin Rəbbinə və Pərvərdigarına dua edirik ki, səndə olan Allahın izzəti naminə qeyrət ruhu heç bir halda bizdə – Sənə belə nida edənlərdə əskik olmasın:Sevin, qüdrət zirvəsinə Allahın sadiq bəndələrini vaxtında görünməz qaldıran; sevin, qüdrət və izzət zirvəsindən təkəbbürlü və layiqsizləri görünməz endirən.Sevin, çünki dövrün sonunda dünyanın dörd bucağından seçilmişləri yığacaqsan; sevin, çünki Allahın səsi ilə günahkarları dəlicələr kimi əbədi oda atacaqsan.Sevin, çünki şeytanı və onun mələklərini yanar gölə həmişəlik atacaqsan; sevin, çünki salehləri Səmavi Atanın saraylarına izzətlə köcürəcəksən.Sevin, ey ulu sərəsgər Mikayıl, səmavi ordu ilə birgə.Kondak 13Ey mələklərin və ali-mələklərin ecazkar rəhbəri, bəşəriyyətin xilası üçün etdiyin ecazkar xidmətinə görə indi sənə təqdim etdiyimiz həmd və minnətdarlıq səsini bizdən qəbul et və sən Allahın qüdrəti ilə dolu olduğuna görə bizi öz görünməz qanadlarınla görünən və görünməyən bütün düşmənlərdən qoru ki, səndən izzətlənən, və səni izzətləndirən Rəbbə sonsuzadək nida edək: HalleluYah.13-cü kondak üç dəfə oxunur, ardınca 1-ci ikos və 1-ci kondak təkrar oxunur.DuaEy Allahın müqəddəs ulu Ali-Mələyi Mikayıl! Təsvirəgəlməz və fövqəltəbii Üçlüyün hüzurunda duran mələklərin rəhbərisən, bəşəriyyatın nəzarətçi və mühafizisən, Səmada öz ordunla təkəbbürlü “şəfəq uduzun” başını əzdin, və yer üzündə onun şərini və hiyləsini sonsuzadək rüsvay etdin. Sənə imanla sığınır və Sənə məhəbbətlə yalvarırıq: müqəddəs Kilsəmizin və vətənimizin yenilməz qalxanı və möhkəm qalası ol və onları ildırımsurətli qılıncınla görünən və görünməyən düşmənlərdən qoru. Ey Allahın Ali-Mələyi! Bu gün Sənin müqəddəs adını izzətləndirən bizləri də kömək və müdafiəsiz qoyma. Budur, biz böyük günahkar olsaq da, biz günahlar içində ölmək istəmirik, əksinə, Rəbbə üz tutub, yaxşı əməlləri yerinə yetirmək üçün ondan yaşam istəyirik. Buna görə də ildırımsurətli alnında daima parlayan Allahın Camalının Şəfəqi ilə zehnimizi nurlandır ki, Allahın xeyirli və bizə aid kamil iradəsini anlayaq və nə etməyimizi, nəyə xor baxmağımızı və tərk etməli olduğumuzu bilək. Rəbbin lütfü ilə zəif iradəmizi və qüvvətsizliyimizi gücləndir ki, Rəbbin Qanunu ilə möhkəmlənərək, fani düşüncələrdə və cismani ehtiraslarda batıb qalmayaq, cahil uşaqlar kimi, bu dünyanın tezkeçən gözəlliyindən zövq almayaq və əbədi və səmavi həyatı bu fani dünyaya dəyişməyək. Bunlardan əlavə, bizim üçün həqiqi tövbə ruhunu, Allah istəyən tərzdə olan səmimi kədər və günahlarımızın bağışlanması üçün tövbə etməyimizi Rəbdən dilə ki, ömrümüzün qalan günlərin sayını hisslərimizin və ehtiraslarımızın bəndəsi olmaq üçün deyil, iman göz yaşları, sınıq qəlb, pak davranışlar və mərhəmətli müqəddəs əməllərlə etdiyimiz şər əməlləri silmək üçün keçirək. Və nə zaman ki, ölümlü bədənimizin zəncirlərindən azad olacağımız son saat yaxınlaşar, biz müdafisizləri tərk etmə, ey Allahın Ali-Mələyi, lakin insanların ruhlarının səmaya merac etməsinə mane olan şər ruhlardan bizi qoru ki, sənin qanadlarının altında qəmsiz və naləsiz yerlər olan cənnət bağlarına maneəsiz çataq və orada mərhəmətli Rəbb Pərvərdigarımızın nursaçan Cəmalını görməyə layiq olaq və Onun hüzurunda göz yaşları ilə, sevinclə və itaətlə diz çöküb nida edək: həmd olsun Sənə, ey əziz Xilaskarımız, çünki biz layiqsizlərin xilası üçün böyük məhəbbətinə görə Öz mələklərini bizim xidmətimizə göndərdin. Amin