వరుస ఓటములతో సతమతమవుతోంది. భారీ స్కోర్‌లు చేసినా, వరల్డ్ రికార్డులు క్రియేట్ చేసినా ఓటములు మాత్రం తప్పడం లేదు. మొన్న సౌతాఫ్రికాపై, నిన్న ఆస్ట్రేలియాపై ఆఖరి ఓవర్లలో భారీ పరుగులు సమర్పించుకుని మ్యాచ్‌ని చేజార్చుకుంది. అయితే, విశాఖ వేదికగా జరిగిన భారత్ - ఆస్ట్రేలియా మ్యాచ్‌లో కెప్టెన్ సహనం కోల్పోయింది. బ్యాటింగ్ సమయంలో మిస్ కమ్యూనికేషన్‌తో హర్లిన్ డియోల్‌పై తీవ్ర ఆగ్రహం వ్యక్తం చేసింది. విశాఖపట్నం వేదికగా జరిగిన ఈ మ్యాచ్‌లో టాస్ గెలిచిన ఆస్ట్రేలియా జట్టు బౌలింగ్ ఎంచుకుంది. తొలుత బ్యాటింగ్‌కి వచ్చిన టీమిండియాకు ఓపెనర్లు శుభారంభం అందించారు. అయితే మ్యాచ్ భారత్ ఇన్నింగ్స్ 35వ ఓవర్‌లో హార్మన్‌ప్రీత్‌ - హర్లీన్‌ డియోల్‌ మధ్య జరిగిన తీవ్రమైన కమ్యూనికేషన్‌ లోపం ఒక దశలో రన్‌ అవుట్‌గా మారే ప్రమాదాన్ని తెచ్చింది. అయితే హార్మన్‌ప్రీత్‌ చివరి క్షణంలో డైవ్‌ కొట్టి క్రీజ్‌ చేరి అవుట్‌ నుంచి తప్పించుకుంది.రనౌట్ మిస్సయిన తర్వాత కెప్టెన్‌ హార్మన్‌ప్రీత్‌ మైదానంలోనే హర్లీన్‌పై మండిపడుతూ ఘాటు వ్యాఖ్యలు చేశారు. హర్లీన్‌ తలవంచి తప్పును అంగీకరించగా, హార్మన్‌ప్రీత్‌ తన అసహనాన్ని స్పష్టంగా వ్యక్తం చేసింది. వెంటనే ఆ తర్వాత బంతిని బౌండరీగా కొట్టి ఆగ్రహాన్ని బ్యాట్‌తో చూపించిన హార్మన్‌ప్రీత్‌, ఓవర్‌ చివర్లో మరోసారి బౌండరీ కొట్టి హర్లీన్‌ భుజంపై తట్టి చల్లబరిచారు.మెగన్‌ షూట్‌ బౌలింగ్‌లో వచ్చిన ఆ స్లో బంతిని కవర్‌ ఫీల్డర్‌ వైపు కొట్టిన హార్మన్‌ప్రీత్‌ సింగిల్‌ కోసం పరిగెత్తగా, హర్లీన్‌ స్పందించకపోవడంతో ఆమె మధ్యలోనే తిరిగి రావాల్సి వచ్చింది. వికెట్‌ కీపర్‌ అలిస్సా హీలీకి నేరుగా త్రో వెళ్తుండగా హార్మన్‌ప్రీత్‌ డైవ్‌ చేసి క్రీజ్‌‌లోకి చేరింది.అయితే ఈ మ్యాచ్‌లో హార్మన్‌ప్రీత్‌ ఎక్కువసేపు క్రీజులో నిలవలేకపోయింది. 17 బంతుల్లో 22 పరుగులు చేసి షూట్‌ బౌలింగ్‌లో అవుటయింది. హర్లీన్‌ కూడా ఆ వెంటనే వికెట్‌ కోల్పోయింది. ముందుగా స్మృతి మంధాన (80), ప్రతికా రావల్‌ (75) కలిసి 155 పరుగుల అద్భుత భాగస్వామ్యంతో భారత ఇన్నింగ్స్‌కు బలమైన ఆరంభం ఇచ్చారు. టీమిండియా 330 పరుగులు చేసి రికార్డ్ క్రియేట్ చేయగా.. ఆస్ట్రేలియా 49 ఓవర్లలో ఛేజింగ్ చేసి ఆ రికార్డును బ్రేక్ చేసి ఘన విజయం సాధించింది.