: రోజురోజుకూ ద్రవ్యోల్బణం పెరుగుతున్న క్రమంలో.. అన్ని వస్తువులు, సేవల ధరలు పెరిగిపోతూనే ఉన్నాయి. ఎంత సంపాదించినా వాటిని భరించడం కష్టంగా మారిపోతోంది. ఇంకా ఎప్పుడు ఎలాంటి అవసరాలు వస్తాయో ముందుగానే ఊహించలేం. సడెన్‌గా ఆస్పత్రిలో చేరాల్సి వచ్చినా.. పెద్ద మొత్తంలో డబ్బు అవసరం పడొచ్చు. ఇంట్లో ఏదైనా కార్యక్రమం నిర్వహించాల్సి వస్తే కూడా డబ్బు కావాలి. ఇంకా కుటుంబం లేదా ఫ్రెండ్స్‌తో కలిసి దూరప్రాంతాలకు, ఆధ్యాత్మిక ప్రదేశాలకు, పర్యటక ప్రాంతాలకు వెళ్లాలన్నా డబ్బు అవసరం పడుతుందని చెప్పొచ్చు. ఇందుకోసం సంపాదించిన సంపద ఎటూ చాలట్లేదు. దీంతో లోన్ తీసుకోవాల్సి వస్తుంది. కొంతమంది.. ఇంటి రెనోవేషన్ కోసం లేదా కొత్త కారు లేదా బైక్ కొనుగోలు చేయాలన్నా పర్సనల్ లోన్స్ కోసం మొగ్గుచూపుతున్నారు. >> అయితే ఈ . సాధారణంగా 750 ఆపైన ఉంటే మెరుగైన క్రెడిట్ స్కోరుగా భావిస్తుంటారు. ఇలాంటి సందర్భంలో తక్కువ వడ్డీకే లోన్ వచ్చే అవకాశాలు ఉంటాయి. ఇక 650 అంతకంటే తక్కువ సిబిల్ స్కోరు ఉంటే లోన్ పొందడంలో ఇబ్బందులు ఎదురవుతుంటాయి. ఇలాంటి వారికి కఠినమైన రీపేమెంట్ నిబంధనలు, ఎక్కువ వడ్డీ రేట్లు సహా లెండర్లు ఎక్కువగా తనిఖీలు చేయడం వంటివి చేస్తుంటాయని చెప్పొచ్చు. అయితే 650 అంతకంటే తక్కువ క్రెడిట్ స్కోరు ఉన్నప్పటికీ.. కొన్ని కొన్ని సందర్భాల్లో లోన్ పొందే అవకాశాలు ఉంటాయని నిపుణులు చెబుతున్నారు. సరైన రుణ దాతను ఎంచుకొని.. కొన్ని చిట్కాలు పాటించడం ద్వారా దీన్ని సాధ్యం చేసుకోవచ్చని అంటున్నారు. సాధారణంగా రుణ సంస్థలు.. మీ క్రెడిట్ సామర్థ్యం, పాస్ట్ పేమెంట్ హిస్టరీ, డిఫాల్ట్స్ వంటి వాటిని క్షుణ్ణంగా పరిశీలించి.. లోన్ ఇవ్వాలా వద్దా అనేది నిర్ణయిస్తుంటాయి. ఇక్కడ మీరు కొన్ని మార్గాల్ని అనుసరించవచ్చు.>> ఇక్కడ ఆస్తి తాకట్టు పెట్టడం ద్వారా సురక్షితమైన రుణాల కోసం ప్రయత్నించొచ్చు. దీని ద్వారా మీరు తిరిగి చెల్లించే సామర్థ్యంపై రుణదాతకు నమ్మకం కలుగుతుంది.>> ఇంకా మంచి క్రెడిట్ స్కోరు ఉన్న కో- అప్లికెంట్ (సహ- దరఖాస్తుదారు) లేదా గ్యారెంటర్‌తో కలిసి లోన్ కోసం దరఖాస్తు చేయొచ్చు.>> మీకు స్థిరమైన ఆదాయం ఉందని చెబుతూ.. దానిని నిరూపించే పే స్లిప్స్ సబ్మిట్ చేయడం ద్వారా కూడా మీపై నమ్మకం కలగొచ్చు.ఇలాంటి సందర్బాల్లో ఇతర కఠిన నిబంధనల నుంచి తప్పించుకొని పొందే అవకాశాలు మెరుగుపడతాయి. ఇంకా ఆర్బీఐ నియంత్రిత సంస్థల నుంచే లోన్ తీసుకోవడం మాత్రం మర్చిపోవద్దు. ఇతర చాలా ప్రముఖ బ్యాంకుల్లో కనీసం 10 శాతం నుంచి వడ్డీ రేట్లు ఉండగా.. ఇక్కడ మెరుగైన క్రెడిట్ స్కోరు ఉండాలి. అదే కాస్త తక్కువ ఉంటాయి. ఇప్పుడు ఉదాహరణకు ఇక్కడ రూ. 1 లక్ష లోన్ తీసుకుంటే.. 24 నెలలు అంటే రెండేళ్ల కాల వ్యవధికి ఈఎంఐ నెలకు సాధారణంగా కనీసం రూ. 4800 నుంచి రూ. 5300 వరకు ఉంటుంది. ఇక్కడ ప్రాసెసింగ్ ఫీజు లోన్ మొత్తంలో 0.5- 4 శాతం వరకు ఉంటుంది. దీనిని సకాలంలో చెల్లించేందుకు మీ నెలనెలా జీతం నుంచి నిధుల్ని పక్కనబెట్టండి. క్రమశిక్షణతో తిరిగి చెల్లించడం ద్వారా సిబిల్ స్కోరు పెరిగే అవకాశాలు మెరుగుపడతాయి. ఇదే సమయంలో లోన్ తీసుకునే ముందు ఏదైనా సందేహాలు ఉంటే.. సర్టిఫైడ్ ఫైనాన్షియల్ ఎక్స్‌పర్ట్స్ నుంచి సలహాలు తీసుకోవడం మంచిది. పాత బకాయిల్ని తీర్చకుండా కొత్త అప్పులు చేయొద్దు. మీరు సులభంగా చెల్లించగలిగినంత లోన్ మాత్రమే తీసుకోండి.