యాంకర్ సుమ, రాజీవ్ కనకాల తనయుడు రోషన్ హీరోగా నిలదొక్కుకోడానికి కష్టపడుతున్నాడు. 2016లో 'నిర్మలా కాన్వెంట్' అనే సినిమాతో తెరంగేట్రం చేసిన రోషన్.. 2023లో 'బబుల్ గమ్' మూవీతో హీరోగా పరిచయమయ్యాడు. అప్పటి నుంచి 'మోగ్లీ 2025' సినిమా మీదనే వర్క్ చేస్తున్నాడు. 'కలర్ ఫోటో' ఫేమ్ సందీప్ రాజ్ దర్శకత్వంలో ఈ చిత్రం తెరకెక్కుతోంది. అయితే ఎప్పుడు ప్రేక్షకుల ముందుకు తీసుకొస్తారనేది తెలియలేదు. ఈ నేపథ్యంలో మేకర్స్ తాజాగా రిలీజ్ డేట్ అనౌన్స్ చేశారు.ఫారెస్ట్ నేపథ్యంలో సాగే యూనిక్ రొమాంటిక్ యాక్షన్ డ్రామాగా 'మోగ్లీ 2025' రెడీ అవుతోంది. ఇందులో రోషన్ కనకాల సరసన సాక్షి మడోల్కర్ హీరోయిన్ గా నటిస్తుండగా.. బండి సరోజ్ కుమార్ విలన్ గా కనిపించనున్నారు. పీపుల్ మీడియా ఫ్యాక్టరీ బ్యానర్‌పై టిజి విశ్వ ప్రసాద్, కృతి ప్రసాద్ ఈ చిత్రాన్ని నిర్మిస్తున్నారు. ప్రొడక్షన్ చివరి దశకు చేరుకోవడంతో విడుదల తేదీని ఖరారు చేశారు. దీపావళి నుంచి సంక్రాంతి వరకూ ఆల్రెడీ చాలా సినిమాలు రిలీజ్ డేట్స్ బ్లాక్ చేయడంతో, వాటి మధ్యలో గ్యాప్ చేసుకొని రోషన్ సినిమాని థియేటర్లలోకి తీసుకురావాలని ఫిక్స్ అయ్యారు. 'మోగ్లీ 2025' మూవీని డిసెంబర్ 12న ప్రపంచ వ్యాప్తంగా విడుదల చేయనున్నట్టు అధికారికంగా ప్రకటించారు. నందమూరి బాలకృష్ణ నటిస్తున్న 'అఖండ 2' సినిమా డిసెంబర్ 5న రిలీజ్ అవుతుండగా.. డిసెంబర్ 19న జేమ్స్ కామెరాన్ తెరకెక్కించిన 'అవతార్ 3' మూవీ విడుదల కానుంది. అందుకే వీటి మధ్యలో ఖాళీగా ఉన్న డేట్ కి మోగ్లీ సినిమాని తీసుకొస్తున్నారు. ఈ మేరకు ఓ స్పెషల్ అనౌన్స్ మెంట్ వీడియోని మేకర్స్ సోషల్ మీడియాలో పంచుకున్నారు.ఇందులో 'కలర్ ఫోటో' సినిమా 5వ యానివర్సరీ పోస్టర్ డిజైన్ చేయించానని డైరెక్టర్ సందీప్ రాజ్ చెబుతుండగా.. 10వ యానివర్సరీకి మంచి ఐడియా వచ్చిందని, ఆ పోస్టర్ కి 'మోగ్లీ' ట్రైలర్ ను అటాచ్ చేద్దామని కమెడియన్ హర్ష చెముడు సెటైర్లు వేస్తాడు. 'కలర్ ఫోటో' సినిమా వచ్చినప్పుడు ఇంటర్ చదువుతున్న రోషన్.. ఇప్పుడు హీరో అయ్యాడని, సందీప్ మాత్రం ఇంకా ఆ సినిమానే పట్టుకొని వేలాడుతున్నాడని అంటాడు. దానికి పక్కనే ఉన్న రోషన్ నవ్వగా.. మన సినిమా స్టార్ట్ అయి కూడా రెండు సంవత్సరాలు అయిందని కౌంటర్ ఇస్తాడు హర్ష. చివరకు డిసెంబర్ లో రిలీజ్ చేద్దామని డిసైడ్ అవుతారు. డిసెంబర్ 5న రిలీజ్ చేద్దామని, అప్పుడు అందరికీ జీతాలు పడతాయని సందీప్ రాజ్ అంటాడు. ''బాలయ్యతో కొట్టించుకోవాలని అంత సరదాగా ఉంటే చెప్పు, దానికి వేరేలా ప్లాన్ చేద్దాం'' అంటూ హర్ష చెముడు పరోక్షంగా అదే తేదీకి 'అఖండ 2' వస్తుందనే విషయాన్ని ప్రస్తావిస్తూ.. 'డాకు మహారాజ్' సినిమాలో బాలకృష్ణ చేతిలో సందీప్ రాజ్ తన్నులు తిన్నాడనే సంగతి గుర్తు చేస్తాడు. 'కలర్ ఫోటో'ని ప్రభాస్ బర్త్ డేకి విడుదల చేసినట్లే.. ఈసారి రజనీకాంత్ పుట్టిన రోజు డిసెంబర్ 12న రిలీజ్ చేస్తే క్రిస్మస్ వరకూ తమ సినిమానే ఉంటుందని అంటారు. మాస్ కి, క్లాస్ కి.. యూత్ కి, ఫ్యామిలీ ఆడియన్స్ కి.. అన్ని వర్గాల వారికి మంచి థియేట్రికల్ ఎక్స్ పీరియన్స్ ఇచ్చే లవ్ స్టోరీ 'మోగ్లీ' అని పేర్కొన్నారు. చెవులు మూసుకున్నా వినబడాలి.. కళ్లు మూసుకున్నా కనబడాలి అనే రేంజ్ లో ప్రమోషన్స్ చేస్తామని చెప్పారు. ఈ వీడియో ప్రస్తుతం వైరల్ అవుతోంది.