Un home de 42 anos, veciño pontevedrés con residencia na parroquia de Ponte Sampaio, faleceu o mércores 15 de outubro durante a tarde tras ser esmagado por unha máquina transportadora. A maquina envorcou cando estaba a ser utilizada polo operario nunha planta fotovoltaica de Almodóvar del Campo, en Cidade Real. O suceso produciuse sobre as 15:30 horas cando o vehículo que conducía o traballador envorcou caendo sobre o home, segundo as fontes do servizo de urxencias e emerxencias 112 de Castela-A Mancha, que recibiu o aviso ás 15:34 horas. Un médico de urxencias desprazábase ata as instalacións, onde unicamente puido certificar o falecemento da vítima. Axentes da Garda Civil participaron no dispositivo para esclarecer as circunstancias do accidente laboral.