బిగ్‌బాస్ హౌస్‌లోకి సీరియల్ హీరోయిన్, మోడల్ అయేషా జీనత్ వైల్‌కార్డ్ రూపంలో ఎంట్రీ ఇచ్చింది. హౌస్‌లోకి ఐదవ వైల్డ్‌కార్డ్‌గా అయేషా వచ్చింది. సూపర్ పెర్ఫామెన్స్‌తో హౌస్‌లోకి వచ్చిన అయేషాని చూసి నాగార్జున అయితే ఫిదా అయిపోయారు. ముఖ్యంగా ఆమె ఎనర్జీ మాములుగా లేదు. తెలుగు కూడా చాలాా బాగా మాట్లాడుతుంది.అయేషా నువ్వు రౌడీ బేబీ అంట కదా అని నాగార్జున అడిగారు. అవును సార్ చాలా అంటూ అయేషా చెప్పింది. ఇక మరి ఇంత ఎనర్జిటిక్‌గా ఉన్నావ్.. చాలా అందంగా ఉన్నావ్.. మరి ప్రపోజల్స్, లవ్ సంగతేంటి అని నాగర్జున అడిగారు. చాలా సార్లు ప్రేమలో పడ్డాను సార్.. ముఖ్యంగా తమిళ్ బిగ్‌బాస్‌లో ఉన్నప్పుడు నాకు బయట ఒక లవ్ ఉండేది.తన గురించి ఆలోచిస్తూ నేను గేమ్స్ సరిగా ఆడలేకపోయాను.. మొత్తం 65 రోజులు హౌస్‌లో ఉన్నా తీరా బయటికి వచ్చేసరికి వాడు మరొక అమ్మాయితో సెట్ అయిపోయాడు. అప్పటి నుంచి ప్రేమకి దూరంగా ఉన్నా.. ఈసారి కప్పే లక్ష్యంగా హౌస్‌లోకి వెళ్లబోతున్నా అంటూ అయేషా చెప్పింది. ఇక ప్రతి వైల్డ్‌కార్డ్ ఎంట్రీకి ఇచ్చినట్లే అయేషాకి ఒక పవర్ ఇచ్చారు. దాని పేరు నామినేషన్ పవర్.. దీని కోసం ఆమెకి గ్రీన్ స్టోన్.. ఇచ్చారు నాగార్జున. ఈ పవర్ సాయంతో నామినేషన్ జరిగే ప్రక్రియని మార్చొచ్చు.. అది ఎలా అనేది బిగ్‌బాస్ చెప్తారు.. అంటూ నాగార్జున చెప్పారు. ఇక అయేషా లోపలికి వెళ్లే ముందు నాగ్ చిన్న టాస్క్ ఇచ్చారు. హౌస్‌లో ఎవరో ఒక అబ్బాయికి హార్ట్ సింబల్ ఇవ్వాలన్నారు. అయేషాా హార్ట్ సింబల్‌ని ఇమ్మానుయేల్‌కి ఇచ్చింది.