متحدہ عرب امارات میں نئے سال 2026 کی آمد پر تعطیل کا اعلان کر دیا گیا۔وفاقی اتھارٹی برائے سرکاری انسانی وسائل نے اعلان کیا ہے کہ نئے سال کا دن 2026 وفاقی حکومت کے لیے چھٹی کا دن ہو گا۔چھٹی جمعرات یکم جنوری 2026 کو ہو گی جبکہ جمعہ، 2 جنوری 2026 وفاقی حکومت کے ملازمین کے لیے کام کا دن ہو گا۔متحدہ عرب امارات میں آئندہ سال کے آغاز نے نمازِ جمعہ کا وقت تبدیل کرنے کا اعلان کر دیا گیا۔خلیجی میڈیا کے مطابق متحدہ عرب امارات میں 2026 سے نمازِ جمعہ اور خطبہ کا وقت تبدیل کر دیا جائے گا۔اسلامی امور، اوقاف اور زکوٰۃ کی جنرل اتھارٹی نے متحدہ عرب امارات میں جمعہ کے خطبہ اور نماز کے اوقات میں تبدیلی کا اعلان کیا ہے جس کا اطلاق جمعہ 2 جنوری 2026 سے ہوگا۔نئے شیڈول کے تحت جمعہ کا خطبہ اور دعا 12 بجکر 45 منٹ پر ہوگی۔اتھارٹی نے نمازیوں سے مطالبہ کیا کہ وہ مساجد میں جلد پہنچ جائیں تاکہ یہ یقینی بنایا جا سکے کہ وہ خطبہ سے محروم نہ ہوں۔ ساتھ میں کامل ثواب حاصل کرنے کے لیے فوری طور پر حاضر ہونے کی اہمیت پر زور دیا گیا ہے۔