బిగ్ బాస్ ఆట చివరి దశకు వచ్చేసింది. హౌస్‌ నుంచి రీతూ చౌదరి ఎలిమినేటర్ కావడంతో హౌస్‌లో ఏడుగురు మాత్రమే మిగిలారు. టికెట్ టు ఫినాలే గెలిచి.. కళ్యాణ్ ఆల్రెడీ ఫస్ట్ ఫైనలిస్ట్ అయ్యాడు. ఇక ఈవారంలో ఓటు అప్పీల్ కోసం ముందే ఆటని ఆసక్తికరంగా మార్చేశాడు బిగ్ బాస్. నిన్నటి ఎపిసోడ్‌లో నెంబర్ గేమ్.. నువ్వా నేనా అంటూ సాగింది. ఇక ఈరోజు ఎపిసోడ్‌లో ఇంటి సభ్యుల్ని బండాట ఆడిస్తున్నాడు బిగ్ బాస్. ఒక్కొక్కరికీ ఒక్కో తోపుడు బండి ఇచ్చి.. దానిపై ఒకదానిపై ఒకటి కుండల్ని పెట్టి.. వాటిని దొర్లించుకుంటూ గమ్య స్థానాలకు చేర్చాలి. అయితే ఏ టాస్క్ ఇచ్చినా కూడా ఇమ్మానుయేల్ ఇచ్చిపడేస్తుంటాడు. ఈ టాస్క్‌లో కూడా దూకుడు చూపిస్తున్నాడు. అయితే ఇంటి సభ్యుల మధ్య ఫిటింగ్ పెట్టిన బిగ్ బాస్.. తరువాత టాస్క్‌లో పాల్గొనకుండా చేయడానికి మీలో ఒక సభ్యుడ్ని ఎంచుకోవాలని చెప్పారు బిగ్ బాస్. మీరు ఎన్నుకొన్న సభ్యుడు తరువాత యుద్దంలో పాల్గొనని కారణం చేత.. అతనికి సున్నా స్కోర్ మాత్రమే లభిస్తుంది అని మెలిక పెట్టారు బిగ్ బాస్. దాంతో డ్యూటీ ఎక్కేసింది. ‘మీ మైండ్‌లో ఒక పర్సన్ ఉన్నప్పుడు వాళ్ల పేరు చెప్పండి’ అంటూ వాదనకి దిగింది. దాంతో పాటు.. ఆట నుంచి ఇమ్మానుయేల్‌ని తప్పించడంలో భాగంగా.. సంజనాతో అతనిపేరు చెప్పమని కోరిందట తనూజ. అయితే ఆ విషయాన్ని నేరుగా వెళ్లి ఇమ్మానుయేల్‌తో చెప్పేసింది సంజనా. దాంతో వాళ్ల మధ్య రచ్చ రేగింది. ‘మీ కత్తి ఆపుకున్నప్పుడు వేరే వాళ్ల కత్తి వచ్చి నాకు తగులుతుంది. మీ కత్తి వెళ్లి వేరే వాళ్ల కత్తితో ఢీ కొట్టాలి’ అని సంజనకి హితబోధ చేస్తున్నాడు ఇమ్మానుయేల్. మధ్యలో ఇమ్మానుయేల్... భరణిని తీసేయమన్నాడని తెలియడంతో భరణి దూసుకువెళ్తున్నాడు. ఎడిటర్ మామ అయితే ఈ క్లిప్‌ని భలే కట్ చేశాడు. ఓ రేంజ్‌లో ఎలివేషన్స్ ఇచ్చాడు. ‘నేను మిమ్మల్ని తీసేయమని చెప్పలేదు అన్నా.. మిమ్మల్ని టార్గెట్ చేయడం లేదు’ అని ఇమ్మానుయేల్ చెప్తేంటే.. ‘లేదు నా పేరే వచ్చింది’ అంటూ గొడవకి దిగాడు భరణి. మీరు నలుగురూ ఒక్కటయ్యా.. నన్ను తప్పించాలని చూస్తే నాకెలా ఉంటుంది అంటూ ఇమ్మానుయేల్ వాదిస్తున్నాడు. అయితే రీతూ వెళ్లిపోయిన తరువాత డెమాన్ పవన్.. సంజన, ఇమ్మూలతో క్లోజ్‌గా ఉంటున్నాడు. ఈ ముగ్గురూ కలిసి గట్టిగానే టెండర్ పెట్టబోతున్నారు ఈ టాస్క్‌లో. తనూజ ఇచ్చిన మాస్టర్ స్ట్రోక్‌కి హౌస్‌లో వాళ్లంతా అల్లాడిపోయారు.