New : భారతీయులకు ఆధార్ కార్డు అనేది చాలా ముఖ్యమైనది. ఇది 12 అంకెల విశిష్ట గుర్తింపు సంస్థ. కేంద్ర విశిష్ట గుర్తింపు ప్రాధికార సంస్థ () దీనిని జారీ చేస్తుంది. ఆధార్ కార్డు.. భారతీయులకు ఎక్కడైనా గుర్తింపు కార్డుగా పనిచేస్తుంది. .. ఓటర్ కార్డు కోసమైనా.. ఇతర లైసెన్సుల కోసం.. అలాగే కేంద్ర, రాష్ట్ర ప్రభుత్వాలు అందించే ప్రయోజనాలు పొందాలన్నా ఆధార్ కార్డు కీలకంగా ఉంటుంది. కొన్ని రాష్ట్ర ప్రభుత్వాలు.. ఇప్పుడు ఆధార్ కార్డు ఉన్న మహిళలకు ఉచితంగా బస్సు ప్రయాణం కూడా కల్పిస్తున్న సంగతి తెలిసిందే. అందుకే.. ఈ ఆధార్ కార్డులో ఎలాంటి పొరపాట్లు లేకుండా చూసుకోవాల్సిన బాధ్యత మీపై ఉంది. పేరు, ఇంటి పేరు, డేట్ ఆఫ్ బర్త్, ఫోన్ నంబర్, అడ్రస్, ఇ- మెయిల్ ఇలా అన్నీ సరిగా ఉండాలి. కాస్త అటుఇటుగా ఉన్న ఇబ్బందులు ఎదుర్కోవాల్సి రావొచ్చు. అందుకే తప్పుల్లేకుండా అప్డేట్ చేసుకోవాల్సి ఉంటుంది. ప్రస్తుతం దేశవ్యాప్తంగా చాలానే ఆధార్ కేంద్రాలు ఉన్నాయి. కొన్నింటిని మీ సేవల్లో కూడా అప్డేట్ చేసుకునేందుకు వెసులుబాటు ఉంటుంది. అయితే ఇప్పుడు యూఐడీఏఐ కీలక నిర్ణయం తీసుకుంది. ఇప్పటికే . ఇందులో ఈజీగా మొబైల్ నంబర్, అడ్రస్, పేరు, ఇ- మెయిల్ ఐడీని అప్డేట్ చేసుకునే సౌకర్యం కల్పిస్తోంది. UIDAI రూపొందించిన కొత్త ఆధార్ యాప్‌ను ముందుగా ఇన్‌స్టాల్ చేసుకోవాలి. ఫేస్ అథెంటికేషన్ చేయడం ద్వారా అన్ని సేవల్ని ఉపయోగించుకోవచ్చు. దీంతో.. ఇక మీదట ఆధార్ కేంద్రాలకు పెద్దగా వెళ్లాల్సిన పని లేకుండానే.. కీలక వివరాల్ని అప్డేట్ చేసుకునేందుకు వీలు కలుగుతుంది. ప్రస్తుతానికి మొబైల్ నంబర్ అప్డేట్ మాత్రం లైవ్‌లోకి వచ్చేసింది. మిగతావి అభివృద్ధి దశలో ఉన్నాయని పేర్కొంది. మొబైల్ నంబర్ అప్డేట్ ఎలా చేసుకోవాలో ఇప్పుడు చూద్దాం. ఇంటి దగ్గర నుంచే మీ మొబైల్ నుంచే చేసుకోవచ్చు. ఓపెన్ చేసిన తర్వాత కింద సర్వీసెస్ సెక్షన్‌లో మై అని ఉంటుంది. దానిపై క్లిక్ చేయాలి. అక్కడ మొబైల్ నంబర్ అప్డేట్ అని పైనే ఉంటుంది. దానిపై క్లిక్ చేయాలి. అక్కడ వివరాలు కనిపిస్తాయి. ప్రాసెసింగ్ టైమ్ 30 రోజుల వరకు ఉంటుందని అక్కడ ఉంది. ప్రాసెసింగ్ ఫీజు రూ. 75 చెల్లించాల్సి ఉంటుంది. కొత్త మొబైల్ నంబర్ ఉంటే సరిపోతుంది. స్టెప్స్ విషయానికి వస్తే అక్కడ కంటిన్యూపై క్లిక్ చేసి.. కొత్త మొబైల్ నంబర్‌ను వెరిఫికేషన్ చేయాల్సి ఉంటుంది. తర్వాత ఫేస్ అథెంటికేషన్ ధ్రువీకరణ చేసి.. అమౌంట్ చెల్లించాలి. మీ రిక్వెస్ట్ పూర్తవుతుంది. 30 రోజుల్లోపు నంబర్ అప్డేట్ అవుతుంది. మిగతా సౌకర్యాలు కూడా కొద్ది రోజుల్లోనే అందుబాటులోకి వస్తాయని యూఐడీఏఐ చెబుతోంది.