, డైరెక్టర్ బోయపాటి శ్రీను కాంబోకి ఉండే క్రేజ్ గురించి ప్రత్యేకంగా చెప్పాల్సిన పని లేదు. టాలీవుడ్ లో మోస్ట్ సక్సెస్ ఫుల్ కాంబినేషన్లలో వీరిది ఒకటి. ఇప్పటి వరకూ మూడు సినిమాలు చేస్తే.. మూడూ బ్లాక్ బస్టర్ హిట్టయ్యాయి. అందుకే ఇప్పుడు వీళ్ల కలయికలో రాబోతున్న 'అఖండ 2: తాండవం' మూవీపై భారీ అంచనాలు నెలకొన్నాయి. ఈ చిత్రం రేపు (డిసెంబర్ 12) ప్రపంచ వ్యాప్తంగా థియేటర్లలో విడుదల కానుంది. ఇప్పటికే రిలీజైన టీజర్, ట్రైలర్ ఈ సినిమా ఎలా ఉండబోతుందనేది శాంపిల్ గా చూపించాయి. అయితే ముఖ్యంగా ఈ క్రింది అంశాలు జనాలు ఈ సినిమా కోసం ఆసక్తిగా ఎదురు చూసేలా చేశాయి. బాలకృష్ణ ఉగ్ర తాండవం..'అఖండ 2' సినిమాలో బాలకృష్ణ ద్విపాత్రాభినయం చేయగా.. అందులో అఘోరా పాత్ర హైలైట్ గా నిలిచింది. ఇంటర్వెల్ లో వచ్చే ఆ పాత్ర.. సెకండాఫ్ ని ఎక్కడికో తీసుకెళ్తుంది. ఇప్పుడు 'అఖండ 2' చిత్రంలో అఘోరా ఉగ్రరూపం చూపించబోతున్నారు. ఫస్ట్ పార్ట్ కంటే పవర్ ఫుల్ గా ఈ క్యారక్టర్ ని డిజైన్ చేసినట్లు తెలుస్తోంది. ట్రైలర్ లో కొన్ని సీన్స్ లో షార్ట్ హెయిర్ తో, మరికొన్ని సన్నివేశాల్లో పొడవాటి జుట్టుతో గుబురు గడ్డంతో కనిపించడంతో ఆసక్తి నెలకొంది. బాలయ్య మార్క్ యాక్షన్, భారీ డైలాగ్స్ కి కొదవలేదని స్పష్టమవుతోంది. బిగ్ స్క్రీన్ పై బాలకృష్ణ వీరవిహారం చూడబోతున్నామని అభిమానులు ఎంతో ఎగ్జైటింగ్ గా ఉన్నారు.బోయపాటి శ్రీను మాస్ డైరెక్షన్..ఊర మాస్ సినిమాలకు పెట్టింది పేరు బోయపాటి శ్రీను. గూస్ బమ్స్ తెప్పించే మాస్ ఎలివేషన్లు, భారీ యాక్షన్ సన్నివేశాలు, డ్రామా, పంచ్ డైలాగ్‌లు, స్లో మోషన్ షాట్స్, స్క్రీన్ నిండుగా కనిపించే పాత్రలు ఉంటాయి. అందులోనూ బాలయ్య సినిమా అంటేనే మాస్, యాక్షన్ రెండింతలు ఉంటుందని అంచనా వేయొచ్చు. దేవాలయాల పరిరక్షణ అంశం చుట్టూ అల్లుకున్న కథతో 'అఖండ' సినిమా తీసిన బోయపాటి.. ఈసారి సనాతన ధర్మం గురించి పాన్ ఇండియా వైడ్ గా చెప్పబోతున్నాడు. దుష్ట శక్తుల మంత్రాలతో ఇండియాపై దాడి చేయాలని చూస్తున్న శత్రు దేశాలు, కుట్రలు, మంత్ర తంత్రాలు, సర్జికల్ స్ట్రెయిట్.. ఇలా పెద్ద కథనే ఎత్తుకున్నట్లు ట్రైలర్ లో హింట్ ఇచ్చారు. ఇవన్నీ తప్పకుండా ఫ్యాన్స్ తో విజిల్స్ వేయిస్తాయని నమ్ముతున్నారు. ()భారీ ఎలివేషన్లు, హై-ఆక్టేన్ యాక్షన్ సీన్లు..బాలకృష్ణ, బోయపాటి సినిమాలలో యాక్షన్ సన్నివేశాలు ప్రత్యేకంగా ఉంటాయి. ప్రేక్షకులు లాజిక్స్ పట్టించుకోకుండా వాటిని విపరీతంగా ఎంజాయ్ చేస్తారు. ఇప్పుడు 'అఖండ 2: తాండవం' సినిమాలో అభిమానులు కోరుకునే ఫైట్ సీక్వెన్స్ లు ఉంటాయని తెలుస్తోంది. బాలయ్య త్రిశూలంతో, గదతో ఫైట్ చేయడమే కాదు.. కేజీఎఫ్ రాకీబాయ్ రేంజ్ లో గాట్లింగ్ గన్ పట్టుకొని శత్రు మూకలపై విరుచుకుపడుతున్నారు. ఎప్పటిలాగే యాక్షన్ కి పెద్ద పీట వేసినట్లు అర్థమవుతోంది. ఇవన్నీ బిగ్ స్క్రీన్ మీద విజువల్ మాస్ ఫీస్ట్ అందించే అవకాశం ఉంది. థమన్ మ్యూజిక్ & బ్యాగ్రౌండ్ స్కోర్..'అఖండ 2: తాండవం' సినిమాకి ఎస్.థమన్ సంగీతం సమకూర్చారు. మొదటి భాగానికి కూడా ఆయనే మ్యూజిక్ అందించారు. థమన్ బీజీఎమ్ కి స్పీకర్లు కూడా పగిలిపోయాయి. ఈసారి స్పీకర్లు సర్వీస్ చేసి పెట్టుకోవాలని థమన్ ఇటీవల ఈవెంట్ లో స్వయంగా చెప్పారు. గూస్ బమ్స్ తెప్పించే బ్యాగ్రౌండ్ స్కోర్ అందించినట్లు అర్థమవుతోంది. థియేటర్లన్నీ శివనామ స్మరణతో మోగిపోతాయని చిత్ర బృందం చెబుతోంది. ఫ్యాన్స్ కోసం ఒక మాస్ సాంగ్ కూడా పెట్టారు. నందమూరి థమన్ ఈసారి తన సంగీతంతో తాండవం చేయబోతున్నారని అభిమానులు భావిస్తున్నారు. బిగ్ థియేట్రికల్ ఎక్స్‌పీరియన్స్..'అఖండ 2' సినిమాని 2డీ, 3డీ ఫార్మాట్ లలో రిలీజ్ చేస్తున్నారు. తెలుగు, హిందీ, తమిళం, కన్నడ, మలయాళ భాషల్లో ప్రేక్షకుల ముందుకు తీసుకొస్తున్నారు. హై టెక్నికల్ వాల్యూస్ తో ప్రేక్షకులకు సరికొత్త అనుభూతిని పంచేలా చాలా గ్రాండియర్ గా ఈ చిత్రాన్ని తీర్చిదిద్దినట్లు తెలుస్తోంది. ట్రైలర్ లో విజువల్స్, సీజీ వర్క్ ఆకట్టుకుంది. బిగ్ స్క్రీన్ పై తప్పకుండా మంచి థియేట్రికల్ ఎక్స్‌పీరియన్స్ అందిస్తుందని భావిస్తున్నారు. ()